Lɛvitikɔs 2:2 - Krio Fɔs Oli Baybul

² dɔn dɛn fɔ kɛr am go to Erɔn in bɔypikin dɛn we na man dɛn we de mek sakrifays fɔ pipul sin. Di wan pan dɛn we de mek dis patikla sakrifays fɔ tek wan an pan di flawa ɛn ɔyl wit ɔl di frankinsɛns ɛn bɔn am as wetin dɛn go sho to PAPA GƆD se nain yon; na ɔfrin we dɛn go bɔn na faya ɛn i go pul fayn sɛnt we go mek PAPA GƆD gladi.

Lɛvitikɔs 2:2 Referans Kwoze

Lɛvitikɔs 6:15

I go gi wan an pan di fayn flawa we de wit di sid ɔfrin wit di ɔyl ɛn ɔl di insɛns we de pan di sid ɔfrin ɛn bɔn am as di tin we fɔ sho se in na PAPA GƆD yon na di ɔlta so dat i go pul fayn sɛnt we go mek PAPA GƆD gladi.

Lɛvitikɔs 5:12

Ɛn i fɔ kɛr am go to di man we de mek sakrifays fɔ pipul sin we go tek wan an kɔmɔt de fɔ wetin i go sho to PAPA GƆD se di pɔsin na PAPA GƆD yon, ɛn i go bɔn am na di ɔlta pantap di ɔda sakrifays dɛn we dɛn mek na faya to PAPA GƆD; na sin ɔfrin.

Apɔsul Dɛn Wok 10:4

Kɔnilyɔs skyad ɛn luk di enjɛl ɛn se, “Wetin yu want, sa?” Di enjɛl se, “Gɔd dɔn yɛri dɛn pre we yu kin de pre, i dɔn si di gud wok we yu dɔn du fɔ dɛn po pipul, ɛn i dɔn ansa yu.

Lɛvitikɔs 24:7

Dɔn fɔ put frankinsɛns na di ro dɛn so dat i go tek di bred in ples as wetin dɛn go sho to PAPA GƆD se nain yon; na ɔfrin we dɛn go bɔn na faya.

Lɛvitikɔs 2:9

Da tɛm de, di man we de mek sakrifays fɔ pipul sin go tek sɔm ɛn bɔn am na di ɔlta as wetin dɛn go sho to PAPA GƆD se nain yon; na ɔfrin we dɛn mek na faya ɛn i go pul fayn sɛnt we go mek PAPA GƆD gladi.

Ayzaya 66:3

“Di pɔsin we de kil kaw na lɛk pɔsin we kil mɔtalman; pɔsin we de sakrifays ship pikin na lɛk udat brok dɔg nɛk; pɔsin we de mek sid ɔfrin na lɛk pɔsin we de sakrifays ɔg blɔd; pɔsin we de mek sakrifays wit insɛns fɔ mɛmba wetin bin dɔn bi, na lɛk pɔsin we de blɛs lay lay gɔd. Dɛn dɔn pik dɛn yon we, we dɛn want fɔ de, dɛn sol de gladi fɔ du dɛn bad bad tin dɛm we PAPA GƆD nɔ lɛk.

Lɛvitikɔs 2:16

Da tɛm de, di man we de mek sakrifays fɔ pipul sin go bɔn sɔm pan di sid ɔfrin we dɛn dɔn gren, wit di ɔyl ɛn ɔl di insɛns as wetin dɛn go sho to PAPA GƆD se nain yon; na ɔfrin we dɛn mek na faya ɛn i go pul fayn sɛnt we go mek PAPA GƆD gladi.

Nɛimaya 13:22

Afta ɔltin a tɛl di Livayt dɛn fɔ mek dɛnsɛf klin bifo PAPA GƆD, go ɛn tan gyad oba di get dɛn fɔ kip di fɔ pre ɛn blo oli. PAPA GƆD, duya nɔ fɔgɛt mi bak fɔ dis. Sho mi yu masi we bɔku lɛkɛ aw di lɛk we yu lɛk wi bɔku.

Nɛimaya 13:14

PAPA GƆD, duya nɔ fɔgɛt ɔl wetin a de du fethful wan fɔ yu os ɛn in wok.

Di Nɔmba Dɛm 5:18

Afta we i bin dɔn put di uman fɔ tinap bifo PAPA GƆD, i fɔ lus in ia ɛn gi am da siks kɔp bali we in man bin briŋ kam, fɔ sho se i de jɛlɔs, fɔ ol. Dɔn in di man we de mek sakrifays fɔ pipul sin fɔ ol di wata we i wan tek fɔ swɛ.

Ɛksodɔs 30:16

Gɛda ɔl dis mɔni na di Izrɛlayt dɛn an ɛn yuz am fɔ du ɛni wok na di Tɛnt; na dat go mek a de mɛmba dɛn na mi at fɔ de kɔba dɛn.”

Lɛvitikɔs 4:31

Di man we de mek di sakrifays go pul ɔl di fat kɔmɔt, lɛkɛ aw dɛn bin pul di fat kɔmɔt pan di pis ɔfrin ɛn di man we de mek sakrifays fɔ pipul sin go bɔn am na di ɔlta so dat i go pul fayn sɛnt we go mek PAPA GƆD gladi; dɔn di man we de mek sakrifays fɔ pipul sin go beg padin fɔ am, ɛn PAPA GƆD go fɔgiv am.

Lɛvitikɔs 5:11

Bɔt if i nɔ mitɔp sɛf fɔ gi di tu bush pijin ɔ tu yɔŋ ɔdinari pijin, dɛn i go gi et kɔp fayn flawa as sin ɔfrin fɔ di sin we i kɔmit; i nɔ fɔ put ɔyl ɔ frankinsɛns pan am bikɔs na sin ɔfrin.

Di Nɔmba Dɛm 5:26

Naw i fɔ tek in an tek sɔm we i go bɔn na di ɔlta fɔ mɛmba wetin bi so. PAPA GƆD se, i fɔ mek di uman drink pan di wata bak.

Lɛvitikɔs 1:9

bɔt dɛn go was in gɔt ɛn lɛg dɛn wit wata. Dɔn di man we de mek sakrifays fɔ pipul sin go bɔn am wanol wan; na bɔn sakrifays, na sakrifays we dɛn mek na faya ɛn i go pul fayn sɛnt we go mek PAPA GƆD gladi.

Lɛvitikɔs 1:13

bɔt fɔ was di gɔt ɛn di lɛg wit wata. Dɔn di man we de mek sakrifays fɔ pipul sin go bɔn di wanol wan na di ɔlta; na bɔn sakrifays, na sakrifays we dɛn mek na faya ɛn i go pul fayn sɛnt we go mek PAPA GƆD gladi.

Lɛvitikɔs 1:17

i go ol di bɔd ɛn jɔg in fɛda dɛn kɔmɔt bɔt nɔto ɔl i go pul. Di man we de mek sakrifays fɔ pipul sin go bɔn am na di ɔlta, pantap di wud we de na di faya; na bɔn sakrifays we dɛn mek na faya. I go pul fayn sɛnt we go mek PAPA GƆD gladi.