Lɛvitikɔs 2:12 - Krio Fɔs Oli Baybul

¹² Yu kin gi PAPA GƆD as ɔfrin we yu de gi am di fɔs tin dɛn we yu avɛst, we nɔ gɛt fɔ bɔn na ɔlta bikɔs i nɔ go pul fayn sɛnt we go mek i gladi.

Lɛvitikɔs 2:12 Referans Kwoze

Ɛksodɔs 23:19

Na di bɛst pat pan wetin una avɛst na una gadin una fɔ briŋ kam to mi PAPA GƆD una PAPA GƆD as sakrifays. Una nɔ kuk got pikin we de sɔk bɔbi.

Rɛvɛleshɔn 14:4

Dɛn na man dɛn we nɔ bin miks pan uman biznɛs; dɛn bin de fala di Ship ɛni say i go. Na di Ship bin pik dɛn kɔmɔt to dɛn ɔda mɔtalman wɛn i bay dɛn, ɛn na dɛn fɔs i put wansay fɔ insɛf nɔmɔ ɛn fɔ Gɔd.

2 Kronikuls 31:5

As di kɔmand skata ɔlsay wan tɛm wan tɛm di pipul dɛn gi dɛn fɔs put bɔku bɔku wan, bɔlgɔ, wayn, ɔyl, ɔni ɛn ɔl wetin kin kɔmɔt na dɛn fam. Ɛn dɛn briŋ ɔltin in tayth kam bɔku bɔku wan

Ditarɔnɔmi 26:10

Na dat mek insɛf dɔn kɛr di fɔs tin dɛn we PAPA GƆD mek gro nain fam. We dɛn dɔn tɔk ɔl dat, dɛn fɔ put di blay dɔŋ na di ɔlta bifo PAPA GƆD, dɔn dɛn fɔ wɔship PAPA GƆD de wantɛm;

Di Nɔmba Dɛm 15:20

Fɔ mek kek wit di fɔs flawa we dɛn mil ɛn gi PAPA GƆD as sakrifays frɔm di mil os.

Lɛvitikɔs 23:10

mek i tɛl di Izrɛlayt dɛn se, wɛn dɛn rich na di land we i de gi dɛn, ɛn bigin avɛst di tin dɛn we dɛn plant, di fɔs bɔndul pan di bali we dɛn pul, na fɔ gi di man we de mek sakrifays fɔ pipul sin;

Lɛvitikɔs 7:13

I fɔ kɛr di ɔfrin we na fɔ tɛl PAPA GƆD tɛnki wit di sakrifays fɔ in pis ɔfrin go wit bred we gɛt yist.

Ɛksodɔs 22:29

“Una nɔ fɔ olɔp mi we una avɛst una plant, wayn ɛn ɔliv ɔyl. Na mi gɛt una fɔs-bɔy-pikin dɛn.

Jɛnɛsis 23:17

Na so Ebraam tek gɛt Makpila kev we na bin Ɛfrɔn in yon prɔpati nia di istɛn pat na Mamrɛ. Di land, di kev we de nia di land, ɛn ɔl di tik dɛn we de de bi in yon.

1 Kɔrint 15:20

Pan ɔl dɛn wɔd ya, di wan we tru, na di wɔd we pipul de tɔk se Gɔd dɔn mek Krays rayz frɔm di grev fɔs, fɔ sho wi se, fɔ tru, Gɔd go mek dɛn wan we dɔn day rayz frɔm dɛn grev.

Ɛksodɔs 34:22

“Una fɔ sɛlibret di avɛst fɛstival wɛn una bigin avɛst wit, dɔn una sɛlibret di las fɛstival we di ia de dɔn we una kin avɛst una frut ɛn di balans tin dɛn we una plant.

Lɛvitikɔs 23:17

Fɔ pul tu lof bred we dɛn mek wit sikstin kɔp fayn flawa ɛn we dɛn bek wit yist kɔmɔt ɛnisay we dɛn de, so dat di man we de mek sakrifays fɔ pipul sin go gi am as spɛshal prɛzɛnt to PAPA GƆD as di fɔs tin we dɛn avɛst.

Di Nɔmba Dɛm 18:12

“Ɔl di ɔliv ɔyl we fayn pas ɔl, di wayn we fayn pas ɔl pan di fɔs wayn we dɛn pul, dɛn sid dɛn we dɛn kin gi PAPA GƆD as di fɔs tin we dɛn avɛst na dɛn a de gi una.