Lɛvitikɔs 2:10 - Krio Fɔs Oli Baybul

¹⁰ Wetin lɛf pan di sid ɔfrin go bi fɔ Erɔn ɛn in bɔypikin dɛn; na di pat dat we dɛn put wan say fɔ PAPA GƆD pan di ɔfrin dɛn we dɛn bɔn na faya.

Lɛvitikɔs 2:10 Referans Kwoze

Lɛvitikɔs 2:3

Wetin lɛf pan di sid ɔfrin go bi fɔ Erɔn ɛn in bɔypikin dɛn; na di pat dat we dɛn put wan say fɔ PAPA GƆD pan di ɔfrin dɛn we dɛn bɔn na faya.

Lɛvitikɔs 6:16

Erɔn ɛn in bɔypikin dɛn go it di wan we lɛf; i nɔ fɔ gɛt yist ɛn dɛn fɔ it am na ples we oli dat na di kɔmpawnd we de na di tɛnt usay dɛn kin mit PAPA GƆD.

Ɛzra 2:63

So di gɔvna tɛl dɛn se dɛn nɔ fɔ it pan di sakrifays te wan ɔda man de we de sakrifays fɔ pipul sin. In go yuz di Yurim ɛn Thumim, dat na di tin we dɛn kin yuz lɛkɛ yu de luk grɔn.

Lɛvitikɔs 5:13

Na so di man we de mek sakrifays fɔ pipul sin go beg padin fɔ di pɔsin in sin we i dɔn kɔmit we i du dɛn tin ya, ɛn PAPA GƆD go fɔgiv di man in sin. Di wan we lɛf go bi fɔ di man we de mek sakrifays fɔ pipul sin jɛs lɛkɛ wetin kin bi pan di sid ɔfrin.

Lɛvitikɔs 6:9

mek i tɛl Erɔn ɛn in bɔypikin dɛn wetin i se fɔ bi we dɛn de mek bɔn sakrifays. I se di bɔn sakrifays fɔ de na di faya ples na di ɔlta ol nɛt te do klin, ɛn di faya na di ɔlta fɔ de kech.

Lɛvitikɔs 6:23

Ɛni sid ɔfrin we di man we de mek sakrifays fɔ pipul sin de mek, fɔ bɔn ɔltin. Nɔ fɔ it am.

Lɛvitikɔs 7:7

Dis ɔfrin ya tan lɛk di sin ɔfrin, na di sem lɔ dɛn gɛt; di man we de mek sakrifays fɔ pipul sin we de dyuti, we de beg padin wit am fɔ gɛt am.

Lɛvitikɔs 10:12

Dɛn Mozis tɛl Erɔn, Ɛlieza ɛn Ithama we na Erɔn in tu bɔypikin we lɛf se dɛn fɔ tek di sid ɔfrin we lɛf pan di ɔfrin dɛn we dɛn bin mek na faya to PAPA GƆD, mek bred we nɔ gɛt yist de ɛn it am de na di ɔlta bikɔs na pat we oli pas ɔltin.

Lɛvitikɔs 14:13

ɛn i go kil di yɔŋ man ship na di sem ples usay dɛn bin dɔn kil di animal fɔ di sin ɔfrin ɛn di bɔn ɔfrin na di tɛnt in kɔmpawnd. Na di man we de mek sakrifays fɔ pipul sin we de dyuti, nain gɛt di ɔfrin we dɛn gi PAPA GƆD fɔseka wetin i fɔ sɔfa; i oli pas ɔltin.

Lɛvitikɔs 21:22

I kin it pan it we dɛn de gi PAPA GƆD, dat na ɔl di it we oli,

Di Nɔmba Dɛm 18:9

Na yu ɛn yu bɔypikin dɛn fɔ gɛt sɔm pan ɔl wetin di pipul dɛn de gi mi as oli sakrifays wɛda dɛn de gi mi bikɔs dɛn gladi ɔ bikɔs dɛn want fɔ mek a mek dɛn klin ɔ fɔ sho se dɛn dɔn du wetin dɛn nɔ fɔ du.

1 Samiɛl 2:28

I se, PAPA GƆD se i bin pik in papa fɔ bi man we de mek sakrifays fɔ pipul sin pan ɔl di fambul dɛn we bin de na Izrɛl. Nain papa i pik fɔ de go nain ɔlta, fɔ bɔn insɛns ɛn fɔ wɛr spɛshal klos usay i de. I se PAPA GƆD se i mek ɔl udat kɔmɔt na Ilaɛl in papa in os fɔ de gɛt ɔl di ɔfrin we bɔn na faya we di Izrɛlayt dɛn kin de mek.

2 Kronikuls 31:14

Ɛn Kore Ima di Livayt in bɔypikin we nain de kin di ist get. Nain rɛspɔnsibul fɔ di fri wi ɔfrin dɛm to Gɔd fɔ Sheb di Kɔntribushɔn we fɔ kip fɔ PAPA GƆD ɛn di ɔfrin dɛn we oli pas ɔl.

Izikɛl 44:29

Dɛn go it di sirial ɔfrin, di sin ɔfrin, di gilt ɔfrin; ɛn ɔl tin we dɛn dɔn gi mi fɔ mi yon na Izrɛl, go bi dɛn yon.

Izikɛl 46:20

Ɛn i tɛl mi se, “dis na di ples we di man dɛn we de mek sakrifays fɔ pipul sin go bwɛl di gilt ɔfrin ɛn di sin ɔfrin, ɛn usay dɛn go bek oli sirial ɔfrin, so dat dɛn nɔ go briŋ dɛm kam na di awtsay kɔt, ɛn de pas olinɛs to di pipul as dɛn de du so.