Lɛvitikɔs 2:1 - Krio Fɔs Oli Baybul

¹ We ɛnibɔdi de briŋ sid ɔfrin to PAPA GƆD, i fɔ bi fayn flawa ɛn dɛn fɔ put ɔyl ɛn frankinsɛns pan am,

Lɛvitikɔs 2:1 Referans Kwoze

Rɛvɛleshɔn 8:3

Wan ɔda enjɛl kam tinap klos di tebul we dɛn bin de mek sakrifays to Gɔd, i bin ol wan insɛns pɔt we dɛn mek wit gold; sɔmbɔdi kam gi am plɛnti insɛns, i put am na di insɛns pɔt, dɛn i jɔyn am to di pre we Gɔd in pipul dɛn de pre; dɔn i put am na di gold tebul we dɛn bin de mek sakrifays to Gɔd, we de bifo di ay chia we Gɔd sidɔm.

Ayzaya 66:20

Ɛn dɛn go briŋ ɔl una brɔda dɛn kɔmɔt na ɔl di neshɔn dɛm lɛk ɔfrin to PAPA GƆD, pan ɔs ɛn pan chariɔt dɛm, insay Karavan ɛn pan dɔŋki ɛn kamɛl go na mi oli mawnten Jerusɛlɛm, jɛs lɛk aw di Izrɛlayt dɛn de briŋ sid ɔfrin na klin plet na PAPA GƆD in os. Na so PAPA GƆD se.

Lɛvitikɔs 9:17

I ful in wan an wit di sid ɔfrin ɛn bɔn am pantap di ɔlta wit di bɔn ɔfrin we dɛn kin mek ɛvri mɔnin.

Jud In Lɛta 1:20

Mi padi dɛn, una fɔ tinap traŋa pan di biliv we una biliv pan Gɔd. Una fɔ pre wit di pawa we Gɔd in Spirit de gi una.

Di Nɔmba Dɛm 7:19

Insɛf briŋ wan silva plet we we tri ɛn wan kwata pawns

Jɔn In Fɔs Lɛta 2:27

Krays dɔn gi unain Spirit, ɛn wans i de insay una, una nɔ nid fɔ gɛt ɛni bɔdi fɔ lan una ɛnitin bɔt Gɔd, bikɔs Krays in Spirit de lan una ɔltin ɛn ɔl wetin i de lan una na tru, nɔto lay. So una fɔ de wit Krays ɔltɛm lɛkɛ aw in Spirit dɔn lan una fɔ du.

Jɔn In Fɔs Lɛta 2:20

Bɔt Gɔd in Spirit we Krays gi una, de insay una, so una ɔl no wetin tru bɔt Krays.

Jɔn 6:35

Jizɔs ansa dɛn se, “Mi na di bred we de gi layf, ɛnibɔdi we kam to mi ɛn biliv pan mi nɔ go aŋri, ɛn i nɔ go tɔsti igen.

Malakay 1:11

PAPA GƆD Ɔlmayti se, frɔm we san grap na mɔnin te di tɛm we i de go dɔŋ, nain in nem big to ɔl di neshɔn dɛn na wɔl ɛn ɔlsay we dɛn de mek sakrifays to am, nɔ kin bi bamfa wan bikɔs ɔl di neshɔn dɛn na wɔl no se in na big PAPA GƆD.

Joɛl 2:14

I se nɔbɔdi nɔ no if i go sɔri fɔ dɛn, ɛn blɛs dɛn, if dɛn go gi PAPA GƆD we na GƆD, dɛn gren ɛn drink ɔfrin.

Di Nɔmba Dɛm 7:13

In prɛzɛnt na bin wan silva plet we bin we tri ɛn wan kwata pawns wit wan silva besin we bin we sɛvinti shɛkɛl bay di wet we dɛn bin de yuz na di ples we dɛn bin de pre to Papa Gɔd. Dɛn tu bin ful wit fayn flawa we miks wit ɔyl fɔ di sid sakrifays.

Ɛksodɔs 29:2

Bek bred we nɔ gɛt yist, ɛn kek wit ɔliv ɔyl we insɛf nɔ gɛt yist, dɔn mek wefa ɛn put ɔyl pan am. Na fayn wit flawa yu fɔ yuz bek dɛn.

Joɛl 1:9

Dɛn nɔ go ebul mek ɔfrin to PAPA GƆD nain os igen wit di gren dɛn ɛn drink. Di man dɛn we de mek sakrifays fɔ pipul sin we de wok fɔ PAPA GƆD fɔ sɔri ɛn kray.

Lɛvitikɔs 5:11

Bɔt if i nɔ mitɔp sɛf fɔ gi di tu bush pijin ɔ tu yɔŋ ɔdinari pijin, dɛn i go gi et kɔp fayn flawa as sin ɔfrin fɔ di sin we i kɔmit; i nɔ fɔ put ɔyl ɔ frankinsɛns pan am bikɔs na sin ɔfrin.

Di Nɔmba Dɛm 8:8

Lɛ dɛn tek wan yɔŋ man kaw wit fayn flawa we dɛn miks am wit ɔyl fɔ di gren sakrifays; dɛn fɔ tek wan ɔda yɔŋ man kaw we dɛn go sakrifays fɔ dɛn sin.

Di Nɔmba Dɛm 18:9

Na yu ɛn yu bɔypikin dɛn fɔ gɛt sɔm pan ɔl wetin di pipul dɛn de gi mi as oli sakrifays wɛda dɛn de gi mi bikɔs dɛn gladi ɔ bikɔs dɛn want fɔ mek a mek dɛn klin ɔ fɔ sho se dɛn dɔn du wetin dɛn nɔ fɔ du.

Di Nɔmba Dɛm 28:5

wit lɛkɛ et kɔp fayn flawa we dɛn miks wit lɛkɛ wan ɛn af paynt ɔyl we dɛn pul frɔm ɔliv.

Di Nɔmba Dɛm 29:18

Dɛn fɔ mek di sid sakrifays ɛn di drink sakrifays dɛn lɛk aw i fɔ bi wit di man kaw dɛn, di man ship dɛn ɛn di yɔŋ ship dɛn, bay di nɔmba we i fɔ bi.

Ayzaya 43:23

Una nɔ briŋ una ship dɛn fɔ mi, fɔ sakrifays dɛn we dɛn de bɔn na faya, ɔ ɔna mi wit una sakrifays dɛn. A nɔ mɔna una fɔ ɔfrin, ɔ mek una taya fɔ gi mi insɛns.

Lɛvitikɔs 6:7

Di man we de mek sakrifays fɔ pipul sin go beg PAPA GƆD padin fɔ am ɛn PAPA GƆD go fɔgiv am fɔ di sin dɛn we i kɔmit.

Lɛvitikɔs 9:4

wan man kaw ɛn wan man ship fɔ pis ɔfrin to PAPA GƆD, ɛn sid ɔfrin we miks wit ɔyl, bikɔs da de de PAPA GƆD go sho insɛf to dɛn.

Lɛvitikɔs 14:10

Di de we mek et, i go tek tu yɔŋ manship we nɔ gɛt bɔt, wan yɔŋ uman ship we nɔ gɛt bɔt ɛn fayv pawn flawa we miks wit ɔyl, fɔ sid ɔfrin ɛn af paynt ɔliv ɔyl.

Lɛvitikɔs 24:7

Dɔn fɔ put frankinsɛns na di ro dɛn so dat i go tek di bred in ples as wetin dɛn go sho to PAPA GƆD se nain yon; na ɔfrin we dɛn go bɔn na faya.

Izikɛl 46:20

Ɛn i tɛl mi se, “dis na di ples we di man dɛn we de mek sakrifays fɔ pipul sin go bwɛl di gilt ɔfrin ɛn di sin ɔfrin, ɛn usay dɛn go bek oli sirial ɔfrin, so dat dɛn nɔ go briŋ dɛm kam na di awtsay kɔt, ɛn de pas olinɛs to di pipul as dɛn de du so.