Lɛvitikɔs 19:7 - Krio Fɔs Oli Baybul

⁷ If pɔsin it di bif we lɛf di tɔd de, na bad bad tin i du ɛn PAPA GƆD nɔ go aksɛpt in sakrifays,

Lɛvitikɔs 19:7 Referans Kwoze

Jɛrimaya 16:18

Ɛn a go pe dɛm dɔbul fɔ di bad tin dɛn we dɛn de du ɛn fɔ dɛn sin, bikɔs dɛn dɔn dɔti mi land na mi yay wit dɛn lay lay gɔd dɛm we a et bad bad wan, ɛn dɔn fulɔp di land wit di bad bad tin dɛn we a nɔ lɛk.”

Ayzaya 66:3

“Di pɔsin we de kil kaw na lɛk pɔsin we kil mɔtalman; pɔsin we de sakrifays ship pikin na lɛk udat brok dɔg nɛk; pɔsin we de mek sid ɔfrin na lɛk pɔsin we de sakrifays ɔg blɔd; pɔsin we de mek sakrifays wit insɛns fɔ mɛmba wetin bin dɔn bi, na lɛk pɔsin we de blɛs lay lay gɔd. Dɛn dɔn pik dɛn yon we, we dɛn want fɔ de, dɛn sol de gladi fɔ du dɛn bad bad tin dɛm we PAPA GƆD nɔ lɛk.

Ayzaya 65:4

pipul dɛn we de sidɔm pantap dɛn grev ɛn pas di nɛt na sikrit ples dɛm; de it ɔg bif, ɛn na sup we dɛn tek dɛn bad bad tin dɛn we PAPA GƆD nɔ lɛk de na dɛn pɔt ɛn pan dɛm.

Ayzaya 1:13

Una nɔ briŋ mɔ fɔnatin ɔfrin kam igen; Insɛns na tin we a et bad bad wan. Nyu mun o, de fɔ blo ɛn rɛst o, ɛn we una kin gɛda fɔ wɔship mi- A nɔ go ebul bia sin insay ɔl dɛn fɛstival dɛn de igen.

Lɛvitikɔs 22:25

Ɛn nɔ fɔ mek ɔfrin fɔ it we na frɔm fɔrina an dɛn pul am. Dɛn dɔn gɛt bɔt ɔlrɛdi sins di pipul dɛn dɔn mek dɛn nɔ fɔ bɔn igen PAPA GƆD nɔ go tek dɛn kayn sakrifays de.

Lɛvitikɔs 22:23

If di animal bɔn wit pat we nɔ nɔmal, pɔsin kin gi am as ɔfrin we i fil fɔ gi, bɔt PAPA GƆD nɔ go tek am if na fɔ wetin i prɔmis se i go du.

Lɛvitikɔs 19:6

Dɛn kin it am di sem de ɛn it di wan we lɛf, di nɛks de mɔnin, bɔt if i stil lɛf fɔ di tɔd de, dɛn fɔ bɔn am na faya.

Lɛvitikɔs 19:8

ɛn ɛnibɔdi we it am go bia wit wetin gɛt fɔ bi bikɔs i go dɔn mek wetin oli to PAPA GƆD lɛk tin we nɔ oli ɛn so i nɔ go mek da pɔsin de miks wit in pipul igen