Lɛvitikɔs 19:5 - Krio Fɔs Oli Baybul

⁵ I se we dɛn kil animal fɔ mek sakrifays fɔ sho se dɛn want wanwɔd wit PAPA GƆD, dɛn fɔ mek shɔ se dɛn du ɔl wetin go mek PAPA GƆD gladi fɔ tek am.

Lɛvitikɔs 19:5 Referans Kwoze

Lɛvitikɔs 22:29

If di sakrifays we pɔsin de mek, na sakrifays fɔ tɛl PAPA GƆD tɛnk, na fɔ mek shɔ se, i du wetin go mek PAPA GƆD tek am.

Lɛvitikɔs 7:16

Bɔt if i bawn fɔ ɔ jɛs fil fɔ mek di ɔfrin, i fɔ it am di sem de ɛn i kin it di wan we lɛf, di nɛks de mɔnin,

Lɛvitikɔs 22:19

if i wan PAPA GƆD fɔ tek am, i fɔ bi man we nɔ gɛt bɔt pan in man kaw dɛn, in ship ɔ in got dɛn.

Lɛvitikɔs 1:3

If di animal we i de ɔfa, na pan di wan dɛn we i de mɛn, ɛn na bɔn i de bɔn am, i fɔ bi man wan we nɔ gɛt bɔt; na di Tɛnt we dɛn kin mit PAPA GƆD, in domɔt, dɛn fɔ ɔfa am so dat PAPA GƆD go gri fɔ tek am;

Izikɛl 46:12

Wɛn di kiŋ provayd wan friwil ɔfrin, wɛda na ɔfrin fɔ bɔn ɔ pis ɔfrin dɛm fɔ friwil ɔfrin to PAPA GƆD, di get we fesin di ist go opin fɔ am; ɛn i go ɔfa in ɔfrin fɔ bɔn, ɔ in pis ɔfrin dɛm lɛk aw i kin du pan di de fɔ blo ɛn rɛst. Dɛn i go kɔmɔt, ɛn afta i dɔn kɔmɔt di get go lɔk bak.

Izikɛl 46:2

Di kiŋ go kɔmɔt na do go insay bay di get in pɔch, ɛn i go tinap bay di get in post. Di man we de mek sakrifays fɔ pipul sin go ɔfa di kiŋ in ɔfrin we na fɔ bɔn na faya, ɛn in pis ɔfrin, ɛn i go wɔship na di get in ɛntrans. Dɔn i go go na do bak, bɔt di get nɔ go lɔk te ivintɛm.

2 Kronikuls 31:2

Ɛn Ɛzikaya mak aw di man we de mek sakrifays fɔ pipul sin ɛn Livayt dɛm fɔ divayd sɛkshɔn bay sɛkshɔn, ɔlman akɔdin to in wok di man we de mek sakrifays fɔ pipul sin ɛn di Livayt dɛm we fɔ bɔn ɔfrin, fo gi pis ɔfrin fɔ sav PAPA GƆD ɛn tɛn ɛn prez am na di get dɛn fɔ in kamp.

Lɛvitikɔs 22:23

If di animal bɔn wit pat we nɔ nɔmal, pɔsin kin gi am as ɔfrin we i fil fɔ gi, bɔt PAPA GƆD nɔ go tek am if na fɔ wetin i prɔmis se i go du.

Lɛvitikɔs 22:21

Ɛn wɛn ɛniwan pan dɛn de gi animal fɔ sho se dɛn want wanwɔd wit PAPA GƆD, wɛda na fɔ du wetin dɛn prɔmis ɔ na bikɔs dɛn fil fɔ du am, frɔm di animal dɛn we dɛn de mɛn, dat na di kaw ɔ ship ɔ got dɛn, fɔ mek i bi wetin PAPA GƆD want; i nɔ fɔ gɛt nɔn bɔt.

Ɛksodɔs 24:5

I sɛn sɔm yɔŋ man dɛn fɔ bɔn animal as sakrifays ɛn kil kaw fɔ mek pis sakrifays to PAPA GƆD.

Lɛvitikɔs 19:4

I se nɔ fɔ lɛf am go wɔship dɛn ɔda gɔd dɛn we nɔ min natin we dɛn mɛlt ayɛn fɔ mek bikɔs nain na PAPA GƆD we na dɛn GƆD.

Lɛvitikɔs 19:6

Dɛn kin it am di sem de ɛn it di wan we lɛf, di nɛks de mɔnin, bɔt if i stil lɛf fɔ di tɔd de, dɛn fɔ bɔn am na faya.

Lɛvitikɔs 7:18

If pɔsin it di bif we lɛf pan di pis ɔfrin di tɔd de, PAPA GƆD nɔ go aksɛpt in sakrifays ɛn i bin fɔ bɛtɛ i nɔ wes in tɛm; bifo dat i de mek insɛf lɛk udat nɔ klin na PAPA GƆD yay ɛn i go gɛt fɔ bia wetin go apin.