Lɛvitikɔs 19:4 - Krio Fɔs Oli Baybul

⁴ I se nɔ fɔ lɛf am go wɔship dɛn ɔda gɔd dɛn we nɔ min natin we dɛn mɛlt ayɛn fɔ mek bikɔs nain na PAPA GƆD we na dɛn GƆD.

Lɛvitikɔs 19:4 Referans Kwoze

Lɛvitikɔs 26:1

Mozis tɛl di Izrɛlayt dɛn se dɛn nɔ fɔ mek ɛni dɛn smɔl smɔl gɔd fɔ de pre to ɛn put ɛnitin we dɛn mek fɔ fiba tin we gɛt layf fɔ de pre to ɔ ɛni pila nɔ fɔ tinap fɔ de pre to, ɛn nɔ fɔ mek ɛnitin we fiba tin fɔ wɔship na di land we dɛn go gɛt fɔ baw to ɛn wɔship; i se bikɔs nain na PAPA GƆD we na dɛn GƆD.

Ɛksodɔs 34:17

“Una nɔ tek ɛni ayɛn mek gɔd dɛn ɛn wɔship dɛn.”

Ɛksodɔs 20:23

Dɛn nɔ fɔ tek silva mek gɔd ɛn se mi ɛn in na di sem. Dɛn nɔ fɔ tek gold sɛf mek gɔd.

Jɔn In Fɔs Lɛta 5:21

Mi pikin dɛn, una nɔ gɛt natin fɔ du wit dɛn tin we mɔtalman mek fɔ pre to we nɔto di tru Gɔd.

Ditarɔnɔmi 27:15

“ ‘Ɛnibɔdi we go mek ɛnitin wit tik, ston ɔ ayɛn de wɔship am na kɔna, lɛ PAPA GƆD mek bad bad tin mit am. ‘Ɔlman fɔ ansa, Emɛn!’

1 Kɔrint 10:14

So, mi padi dɛn, una nɔ fɔ pre to dɛn tin we mɔtalman mek.

Di Sam Dɛm 96:5

Ɔl ɔda gɔd na tin dɛn we mɔtalman mek fɔ pre to bɔt na PAPA GƆD mek di ɛvin ɛn ɔl wetin de de.

Ɛksodɔs 32:4

Erɔn tek di gold yerin dɛn ɛn mɛlt am ɛn mek gold lay lay gɔd lɛkɛ kaw. Ɔl di Izrɛlayt bigin tɛl dɛn kɔmpin se na da kaw de na di gɔd we pul dɛn kɔmɔt na Ijipt.

Egay 2:18

I se frɔm da de de we na di twɛnti-fo de na di mɔnt we mek nayn, dɛn fɔ bigin de tink bɔt wetin gɛt fɔ apin. Frɔm di de we dɛn le fawndeshɔn fɔ PAPA GƆD in os, na fɔ de mɛmba dat.

Lɛvitikɔs 19:5

I se we dɛn kil animal fɔ mek sakrifays fɔ sho se dɛn want wanwɔd wit PAPA GƆD, dɛn fɔ mek shɔ se dɛn du ɔl wetin go mek PAPA GƆD gladi fɔ tek am.

1 Kronikuls 16:26

Bikɔs ɔl di pipul dɛn gɔd dɛm na laylay gɔd; bɔt na PAPA GƆD mek di skay ɛn ɔl wetin de ɔp

Lɛvitikɔs 11:44

I se in na PAPA GƆD we na dɛn Gɔd. I se so dɛn fɔ de klin wan fɔ am ɛn tan lɛk am bikɔs in na oli Gɔd. I se dɛn nɔ fɔ tek dɛn tin dɛn we de krip na wɔl fɔ ambɔg dɛnsɛf.

Lɛvitikɔs 19:25

Bɔt na te di ia we mek fayv, dɛn fɔ it pan dɛn frut. If dɛn du ɔl wetin PAPA GƆD se, dɛn frut dɛn we dɛn plant go bia bɔku.

Ditarɔnɔmi 4:16

dɛn nɔ fɔ go mek ɛnitin we fiba mɔtalman ɔ ɛni ɔda tin we fiba di man yon ɔ di uman yon,

Ditarɔnɔmi 7:25

Di Izrɛlayt dɛn fɔ bɔn ɔl dɛn ɛnimi dɛn lay lay gɔd we dɛn de wɔship, ɛn dɛn nɔ fɔ tek dɛn silva ɛn dɛn gold we de pan di lay lay gɔd dɛn, lɛ dɛn nɔ go gɛt trɔbul, bikɔs na tin dat we PAPA GƆD et, ɛn dat kin mek i vɛks bad bad wan.

1 Kiŋ 14:9

Di kayn bad tin we i dɔn du nɔbɔdi nɔ wande du am bifo am. I grap go mek gɔd fɔ insɛf wit ayɛn. Sɛf i dɔn ambɔgin PAPA GƆD bad bad wan.

2 Kronikuls 28:2

In bin du di bad tin dɛn we di kiŋ dɛn na Izrɛl bin de du. I ivin mek ayɛn lay lay gɔd dɛn fɔ di Beal;