Lɛvitikɔs 19:3 - Krio Fɔs Oli Baybul

³ I se ich wan pan dɛn fɔ rɛspɛkt in mama ɛn papa, du wetin in we na PAPA GƆD se fɔ du di de we mek sɛvin we na fɔ blo bikɔs nain na PAPA GƆD we na dɛn GƆD.

Lɛvitikɔs 19:3 Referans Kwoze

Ɛksodɔs 20:12

“Una fɔ rɛspɛkt una papa ɛn una mama fɔ lɛ una go gɛt lɔŋ layf na di land we PAPA GƆD we una PAPA GƆD go gi una.

Ɛksodɔs 20:8

“Una mɛmba di de fɔ pre ɛn blo ɛn kip am oli.

Di Ibru Pipul Dɛn 12:9

Wɛn wi papa dɛn na dis wɔl pɔnish wi fɔ di bad we wi du, wi kin rɛspɛkt dɛn. So i go bɛtɛ fawe if wi put wisɛf ɔnda wi Papa we de na ɛvin, so dat wi go gɛt tru layf.

Prɔvabs 30:17

Ɛnibɔdi we nɔ rɛspɛkt in papa, dɔn i nɔ luk in mama, na bɔd dɛn go it in dedebɔdi, na yuba bɛlɛ go tɔn in bɛriŋrɔn.

Lɛvitikɔs 11:44

I se in na PAPA GƆD we na dɛn Gɔd. I se so dɛn fɔ de klin wan fɔ am ɛn tan lɛk am bikɔs in na oli Gɔd. I se dɛn nɔ fɔ tek dɛn tin dɛn we de krip na wɔl fɔ ambɔg dɛnsɛf.

Ayzaya 58:13

If yu rɛspɛkt di de fɔ blo ɛn rɛst de ɛn nɔ du wetin yu lɛk fɔ du na mi oli de, ɛn kɔl di de fɔ blo ɛn rɛst we, de we yu gladi fɔ, ɛn kɔl di de fɔ blo ɛn rɛst, tɛn we una gladi fɔ ɛn PAPA GƆD in oli de, de we fɔ ɔna; if yu ɔna am, ɛn nɔ du wetin yu want fɔ du, ɔl fala yu yon ɛnjɔymɛnt, ɔ de tɔk aydul tɔk;

Prɔvabs 30:11

Pipul dɛn de we de fityay dɛn papa, dɔn dɛn nɔ de blɛs dɛn mama.

Prɔvabs 23:22

Lisin to yu papa we bɔn yu ɛn nɔ fɔgɛt fɔ mɛn yu mama we i ol.

Ditarɔnɔmi 27:16

“ ‘Ɛni pikin we go du ɛnitin we go mek in mami ɛn dadi shem na pɔblik, lɛ PAPA GƆD mek bad bad tin mit am.’ ‘Dɔn ɔlman fɔ ansa, Emɛn!’

Ɛksodɔs 21:17

“Ɛnibɔdi we molɛs in mami ɔ dadi fɔ day.

Ɛksodɔs 21:15

Ɛnibɔdi we nak in mami ɔ dadi, fɔ day.

Ɛksodɔs 16:29

Dɛn go si se a dɔn gi dɛn wande fɔ blo, ɛn na dat mek di de we fɔ mek siks de, a kin gi dɛn it ɔltɛm we go las dɛn fɔ tu de. So di de we mek sɛvin, ɔlman fɔ de nain yon ples nɔbɔdi nɔ fɔ krɔs in domɔt.”

Malakay 1:6

I se bɔypikin kin rɛspɛkt in papa dɔn bɔy de rɛspɛkt in masta. I se, so, if dɛn de se in na papa, usay in yon rɛspɛkt de; ɛn if in na masta, usay in rɛspɛkt we i fɔ gɛt go. PAPA GƆD Ɔlmayti se, di man dɛn we de mek sakrifays fɔ pipul sin nɔ gɛt wan rɛspɛkt fɔ am ɛn dɛn nɔ bisin sɛf bɔt in nem.

Izikɛl 20:12

Pantap dat, a bin gi dɛm mi de fɔ blo ɛn rɛst as sayn bitwin mi ɛn dɛn, so dat dɛn go no se na mi PAPA GƆD de mek dɛn oli.

Lɛvitikɔs 26:2

Pɔsin fɔ mɛmba fɔ blo di de we mek sɛvin ɛn rɛspɛkt usay dɛn kin wɔship am: i se nain na PAPA GƆD.

Prɔvabs 1:8

Mi pikin, pe atɛnshɔn to wetin yu papa de tɛl yu, nɔ fɔgɛt wetin yu mama de tel yu.

Lɛvitikɔs 19:30

Pɔsin fɔ mɛmba fɔ blo di de we mek sɛvin ɛn rɛspɛkt usay dɛn kin wɔship PAPA GƆD: i se nain na PAPA GƆD.

Lɛvitikɔs 23:3

Na siks de nɔmɔ dɛn fɔ wok; bɔt di de we mek sɛvin na de fɔ blo, na de we fɔ gɛda ɛn wɔship PAPA GƆD; nɔ fɔ du nɔn wok, na di de we mek sɛvin we na de fɔ PAPA GƆD, i lɛk usay dɛn de.

Ditarɔnɔmi 5:16

Izrɛl dɛn fɔ rɛspɛkt dɛn papa ɛn dɛn mama bikɔs na so PAPA GƆD se, lɛ dɛn go gɛt lɔŋ layf ɛn ɛnjɔy dɛnsɛf na di land we PAPA GƆD we na dɛn PAPA GƆD dɔn gi dɛn.

Jɛnɛsis 48:12

Josɛf tek di pikin dɛn na Jekɔb in lap, dɔn i baw rayt dɔŋ.

Lɛvitikɔs 19:25

Bɔt na te di ia we mek fayv, dɛn fɔ it pan dɛn frut. If dɛn du ɔl wetin PAPA GƆD se, dɛn frut dɛn we dɛn plant go bia bɔku.

Lɛvitikɔs 19:31

I se dɛn nɔ fɔ go to dɛn wan we kin wek dayman ɔ kin tɔk bɔt wetin go apin bambay; ɔ nɔ so dɛn nɔ go klin na PAPA GƆD yay. I se nain na PAPA GƆD we na dɛn GƆD.

Lɛvitikɔs 19:34

Dɛn fɔ trit di trenja we tap wit dɛn lɛk wan pan dɛn; fɔ lɛk am lɛk aw dɛn lɛk dɛnsɛf bikɔs dɛnsɛf na bin trenja na Ijipt; I se nain na PAPA GƆD we na dɛn GƆD.

Nɛimaya 9:14

Yu tɛl dɛn bɔt di de we yu mek oli ɛn spɛshal ɛn gi di lɔ dɛn to yu pikin Mozis fɔ dɛn.