Lɛvitikɔs 19:2 - Krio Fɔs Oli Baybul

² mek i tɛl ɔl di Izrɛlayt dɛn se, dɛn fɔ oli bikɔs PAPA GƆD we na dɛn GƆD oli.

Lɛvitikɔs 19:2 Referans Kwoze

Lɛvitikɔs 20:7

I se so naw, dɛn fɔ mek dɛnsɛf oli to PAPA GƆD; bikɔs nain na PAPA GƆD we na dɛn GƆD.

Matyu 5:48

Una fɔ lɛk una kɔmpin mɔtalman lɛkɛ aw Gɔd, we na una Papa we de na ɛvin, lɛk ɔlman.

Lɛvitikɔs 20:26

I se dɛn gɛt fɔ oli lɛkɛ aw PAPA GƆD oli ɛn dɛn na PAPA GƆD yon pipul we mek dɛn difrɛn frɔm di ɔda wan dɛn.

Ɛksodɔs 19:6

fɔ de sav mi ɛn bi midulman fɔ dɛn ɔda neshɔn dɛn. Na ɔl wetin a dɔn tɛl yu so yu fɔ tɛl di Izrɛlayt dɛn.”

Lɛvitikɔs 21:8

I se di pipul dɛnsɛf fɔ trit dɛn lɛkɛ se dɛn oli bikɔs na dɛn de gi PAPA GƆD it so dɛn fɔ oli as in PAPA GƆD we de mek dɛn oli, insɛf oli.

2 Kɔrint 7:1

Mi padi dɛn, Gɔd dɔn mek ɔl dɛn prɔmis ya fɔ wi. So, lɛ wi nɔ du ɛnitin we go mek wi bɔdi ɔ wi spirit nɔ klin, lɛ wi liv fɔ Gɔd nɔmɔ, ɛn lɛ wi sho pipul se wi de fred Gɔd.

Emɔs 3:3

Una dɔn wande si tu man we nɔ gri de waka?

Lɛta Fɔ Ɛfisɔs 1:4

Gɔd dɔn pik wi bifo i mek di wɔl fɔ mek wi gɛt wanwɔd wit Krays, so dat wi go bi in yon pipul ɛn bɔt nɔ go de na wi layf.

Ɛksodɔs 22:31

“Una na man dɛn we oli to mi, so una nɔ fɔ it ɛni animal we wayl animal kil na bush; bifo dat una gi dɛn dɔg fɔ it.

Lɛvitikɔs 19:1

Dɔn PAPA GƆD tɛl Mozis bak se,

Jɔshwa 24:19

Nain Jɔshwa tɛl di Izrɛlayt dɛn se PAPA GƆD nɔto PAPA GƆD we izi fɔ sav; I oli ɛn i de jɛlɔs ɛn i nɔ go fɔgiv dɛn if dɛn du wetin i se dɛn nɔ fɔ du.

1 Samiɛl 2:2

“Nɔbɔdi nɔ de we oli lɛk PAPA GƆD: Natin nɔ de we tan lɛk am; Natin nɔ kin kɔba wi lɛk aw PAPA GƆD de kɔba wi.

Di Sam Dɛm 99:3

Ɔlman fɔ prez am i oli ɛn i de du tin big ɛn i du fɔ fred.

Lɛvitikɔs 21:15

dis na fɔ mek i nɔ mek in pikin dɛn disgres midul pipul; bikɔs nain na PAPA GƆD we de mek am oli.

Lɛvitikɔs 21:23

bɔt i nɔ fɔ go nia di klos we ɛŋ na di domɔt ɔ di ɔlta bikɔs i gɛt bɔt ɛn i go put shem pan di tɛnt usay dɛn kin mit PAPA GƆD wit ɔl wetin de de; bikɔs nain na PAPA GƆD we de mek dɛn oli.

Ditarɔnɔmi 27:10

Dɛn fɔ du ɔl wetin i dɔn tɛl dɛn tide se, PAPA GƆD we na dɛn PAPA GƆD se, dɛn fɔ de du.