Lɛvitikɔs 19:16 - Krio Fɔs Oli Baybul

¹⁶ Nɔ fɔ sidɔm pan pwɛl nem midul pipul, ɛn nɔ mek pɔsin lɔs in layf bikɔs yu want in prɔpati.

Lɛvitikɔs 19:16 Referans Kwoze

Ɛksodɔs 23:1

“Una nɔ fɔ lay pan pɔsin, ɛn sɛf una nɔ fɔ jɔyn an wit ɛni wikɛd pɔsin fɔ lay.

Ɛksodɔs 23:7

Dɛn wan we de jɔj kes fɔ jɔj tret. Dɛn nɔ fɔ lay pan poman. Dɛn nɔ fɔ sɛntɛns inosɛnt ɔ pɔsin we de waka tret na PAPA GƆD in yay fɔ day. If dɛn du dat, a nɔ go fɔgiv dɛn.

Prɔvabs 20:19

Ɛnibɔdi we gɛt rɔnmɔt nɔ de kip sikrit, so nɔ miks wit pɔsin we de tɔk-tɔk.

Izikɛl 22:9

Sɔm man dɛn de de we de tɔk bad tin dɛm bɔt pɔsin dɛm, ɛn pwɛl dɛm so dat dɛn go kil dɛm; ɔda man dɛn de we de mek sakrifays na dɛn mawnten; sɔm man dɛn de rud midul una.

Jɛrimaya 9:4

Lɛ ɔlman tek tɛm wit in neba, ɛn nɔ biliv nɔn brɔda; bikɔs ɔl di brɔda dɛn disitful, ɛn ɔl neba de go ɔlɔbɔt de koŋosa.

Jɛrimaya 6:28

Dɛn na traŋayes rebɛl dɛm, we de ɔlɔbɔt de koŋosa; dɛn na bras ɛn ayɛn, dɛn ɔl kɔrɔpt.

Prɔvabs 11:13

Udat gɛt rɔnmɔt, nɔ de kip sikrit, bɔt yu de kɔntrol in mɔt kin sikrit.

Pita In Fɔs Lɛta 2:1

So una fɔ lɛf ɔl dɛn bad tin we de na una layf: una fɔ lɛf fɔ lay, una fɔ lɛf fɔ mek ipokrit, una fɔ lɛf fɔ jɛlɔs una kɔmpin ɛn una fɔ lɛf fɔ tɔk bad bɔt dɛn.

Di Sam Dɛm 15:3

i nɔ de pwɛl in kɔmpin in nem, du bad to am ɛn nɔ miks pan koŋosa,

Ɛksodɔs 20:16

Una nɔ fɔ lay pan una kɔmpin.

Taytɔs 2:3

Semwe so, tɛl di big uman dɛn se dɛn fɔ de du lɛkɛ aw dɛn uman we de waka wit Gɔd fɔ du. Dɛn nɔ fɔ tɔk bad bɔt pipul, dɛn nɔ fɔ drink sote dɛn nɔ ebul lɛf wayn igen. Dɛn fɔ de lan pipul dɛn tin we gud fɔ dɛn,

Sɛkɛn Lɛta To Timoti 3:3

dɛn nɔ go de du gud, dɛn nɔ go gɛt sɔri at, dɛn go de tɔk bad bɔt pipul, dɛn nɔ go ebul kɔntrol dɛnsɛf, ɛn dɛn go wayl if pɔsin ambɔg dɛn; dɛn nɔ go lɛk ɛnitin we gud;

Fɔs Lɛta To Timoti 3:11

Dɛn wɛf sɛf fɔ siriɔs, dɛn nɔ fɔ de koŋosa; dɛn fɔ soba, dɛn fɔ ebul kɔntrol dɛnsɛf, ɛn dɛn fɔ de waka tret ɔltɛm.

Matyu 27:4

I se, “A dɔn sin, bikɔs a dɔn sɛl pɔsin we nɔ du bad ɛn dat go mek dɛn kil am.” Dɛn se, “Wi nɔ bisin de, dat na yu biznɛs.”

Ditarɔnɔmi 27:25

“ ‘Ɛnibɔdi we go gri fɔ tek mɔni fɔ kil pɔsin we nɔ du am natin, lɛ PAPA GƆD mek bad bad tin mit am.’ “ ‘Ɔlman fɔ ansa se, ‘Emɛn!’

Job 17:5

Da pɔsin we go pul in padi in sikrit mek in go gɛt pan in prɔpati, nain yon pikin dɛn go sɔfa.

1 Samiɛl 24:10

Devid tɛl Sɔl se insɛf dɔn si korokoro wan aw PAPA GƆD sɛl am gi am da de de insay di kev. I tɛl Sɔl se sɔm pan in man dɛn se fɔ kil am, bɔt i nɔ gri. Devid tɛl am se i tɛl in man dɛn se in nɔ go tɔch in bɔs as na PAPA GƆD dɔn pik am.

Di Sam Dɛm 50:20

Una nɔ jɛs de fɔ pwɛl ɔda pɔsin ɛn una yon yon bɛlɛ bɔn brɔda sɛf, una de mɛmba bad fɔ am.

Di Sam Dɛm 101:5

A go kil udat de go rawnd ɛn pwɛl in kɔmpin; dɔn i de kak, a nɔ go tɔlaret am.

Prɔvabs 10:18

Udat de ayd in bad at na layman, ɛn yu de koŋosa na fulman.