Lɛvitikɔs 19:12 - Krio Fɔs Oli Baybul

¹² Nɔ yuz PAPA GƆD in nem fɔ swɛ mek pɔsin biliv dɛn we dɛn de lay, bay dat dɛn de sho se dɛn nɔ rɛspɛkt PAPA GƆD: nain na PAPA GƆD we na dɛn GƆD.

Lɛvitikɔs 19:12 Referans Kwoze

Ɛksodɔs 20:7

“Una nɔ fɔ tek PAPA GƆD we na una GƆD in nem mek ple ple bikɔs PAPA GƆD nɔ go tek am layt wit ɛnibɔdi we tek in nem mek ple ple.

Ditarɔnɔmi 5:11

Izrɛl nɔ fɔ yuz in PAPA GƆD in nem fɔ swɛ we i de lay, bikɔs i nɔ go sɔri fɔ nɔbɔdi we go yuz in nem fɔ swɛ we i de lay.

Lɛvitikɔs 18:21

PAPA GƆD se nɔn pan dɛn nɔ fɔ sakrifays ɛni pan dɛn pikin na faya to Molɛk bikɔs dat go mek dɛn put shem pan PAPA GƆD in nem. I se nain na PAPA GƆD.

Jems 5:12

Mi kɔmpin Kristiɛn dɛn, a want tɛl una wan ɔda tin we pas ɔl wetin a bin dɔn tɛl una. Wɛn una prɔmis fɔ du sɔntin, una nɔ fɔ swɛ. Una nɔ swɛ to Gɔd, una nɔ swɛ wit ɛnitin na dis wɔl. If una gri fɔ ɛnitin, una fɔ se, “Yɛs;” if una nɔ gri, una fɔ se, “Nɔ,” so dat wɛn Gɔd go jɔj una, i nɔ go kɔndɛm una.

Lɛvitikɔs 6:3

ɔ sɔpoz i fɛn am bɔt lay ɛn ivin swɛ se i nɔ gɛt am, ɔ ɛni ɔda sityueshɔn lɛk dis,

Lɛvitikɔs 24:11

we mek di wan we nɔto piɔ Izrɛlayt tɔk bad bɔt da Nem ɛn yuz am fɔ swɛ. Sɔm pipul we yɛri am kɛr am go to Mozis. In mama bin nem Shelomit we na bin Dibri in gyal pikin ɛn i kɔmɔt na Dan fambul.

Malakay 3:5

I se na da tɛm de in go pas in jɔjmɛnt pan ɔl dɛn wan we de lukgrɔn fɔ pipul, dɛn man we de kip pipul wɛf dɛn, dɛn wan we de fɔ lay pan pipul, dɛn wan we nɔ de gri pe wokman aw dɛn fɔ pe am, dɛn uman we dɛn man dɔn day ɛn dɛn pikin we nɔ gɛt papa; i go ivin jɔj dɛn wan dɛn we de buli fɔrina ɛn dɛn nɔ de fred in we na PAPA GƆD Ɔlmayti.

Zɛkaraya 5:4

PAPA GƆD se aw i de flay so, na so in de sɛn am fɔ go insay di tifman in os ɛn insay pɔsin we de lay ɛn swɛ in os; i go de insay di os dɔn nain go pwɛl di os kpatakpata wɛda na stonos ɔ na simɛnt os.

Jɛrimaya 4:2

ɛn if una swɛ se, ‘Wans PAPA GƆD de,’ fɔseka di tru, fɔ jɔstis sek, ɛn fɔ tretwaka, na da tɛm de ɔl dɛn neshɔn dɛm go blɛs dɛnsɛf insay in nem ɛn na wit in nem dɛn go mek mɔt.”

Di Sam Dɛm 15:4

ɛn we nɔ de tɔlaret bad kɔmpin bɔt lɛk fɔ de usay pipul we de fred PAPA GƆD de, i de swɛ ɛn du wetin i se i go du no mata wetin i min.

Jɛrimaya 7:9

Una go tif, kil pɔsin, kɔmit adɔltri, swɛ fɔ natin, bɔn insɛns to Beal, ɛn wɔship ɔda gɔd dɛm we una nɔ bin no,

Jɛrimaya 34:16

bɔt una tɔn rawnd ɛn briŋ fityay to mi nem we una ɔl tek una man ɛn uman slev dɛm bak, we una bin dɔn fri akɔdin to wetin dɛn bin want, ɛn una mek dɛn slev bak.

Zɛkaraya 5:3

I se na di swɛ dat we de pas ɔlɔbɔt na wɔl; ɛnibɔdi we tif go lɔs in ples na di land dɔn di wan we de swɛ dɔn i de lay insɛf go lɔs in ples na wɔl.

Lɛvitikɔs 20:3

I se insɛf go dison di pɔsin ɛn i nɔ go miks wit in pipul igen bikɔs nain tɛnt usay dɛn kin mit am i go de mek nɔ klin nain yay, ɛn i go de disgres in nem.

Ayzaya 48:1

Lisin dis, yu Jekɔb in os, yu we dɛn de kɔl Izrɛl, we Juda na yu dadi, we de swɛ wit PAPA GƆD in nem ɛn se yu biliv pan di Gɔd na Izrɛl, bɔt nɔ bin de tɔk tru ɔ wetin rayt.

Jɛrimaya 5:2

Ɔlwe dɛn kin swɛ se, “Wans PAPA GƆD de,” dɛn stil kin lay.