Lɛvitikɔs 18:5 - Krio Fɔs Oli Baybul

⁵ Na dat mek dɛn fɔ du wetin i se ɛn we pɔsin du wetin PAPA GƆD se fɔ du, dat go mek i bɛtɛ na wɔl. Nain na PAPA GƆD.

Lɛvitikɔs 18:5 Referans Kwoze

Lɛta Fɔ Rom 10:5

Wɛn Mozis bin rayt bɔt dɛn pipul we tink se Gɔd de mek ɔltin rayt bitwin in ɛn dɛn pipul we de du wetin di Lɔ se, i rayt se: “Dɛn pipul we de du wetin di Lɔ se, go liv di kayn layf we di Lɔ de briŋ.”

Izikɛl 20:11

A bin gi dɛm mi lɔ dɛm ɛn sho dɛm mi kɔmand dɛm, we na dɛnɔl mɔtalman we de na wɔl fɔ du.

Lɛta Fɔ Galeshya 3:12

Fɔ du ɔl wetin di Ju Lɔ se, nɔto di sem lɛkɛ fɔ biliv Gɔd. Wi rid na Gɔd in Buk se, “If pɔsin du ɔl wetin di Ju Lɔ se, di pɔsin go jɛs gɛt di layf we di Ju Lɔ de mek pipul gɛt.”

Lyuk 10:28

Jizɔs se, “Yu ansa rayt. Go du ɔl wetin yu jɛs tɔk so ɛn yu go gɛt di layf we go de sote go.”

Izikɛl 20:21

Bɔt di pikin dɛn bin ribɛl agens mi; dɛn nɔ bin du wetin mi lɔ dɛn se, ɛn nɔ bin bisin bɔt mi kɔmand dɛm, we na we mɔtalman du dɛn, dɛn go gɛt lɔŋ layf, ɛn semwe dɛn nɔ bin rɛspɛkt mi de fɔ blo ɛn rɛst. “So a bin tink na mi at se a fɔ put mi bad bad vɛksteshɔn pan dɛm, ɛn put mi krɔs pan dɛm na di say we ɛmti ɛn natin nɔ de.

Izikɛl 20:13

Bɔt Izrɛl bin ribɛl agens mi na di say we ɛmti ɛn dray we natin nɔ de; dɛn nɔ bin du wetin mi lɔ se, bɔt tɔn dɛn bak pan mi kɔmand dɛm, we na we mɔtalman du dɛm dɛn go gɛt lɔŋ layf; dɛn disrɛspɛkt mi de fɔ blo ɛn rɛst bad bad wan. So a bin tink se a fɔ put mi vɛksteshɔn pan dɛn na di ɛmti ples we natin nɔ de, so dat dɛn ɔl go day.

Ɛksodɔs 6:6

So tɛl di Izrɛlayt pipul dɛn se, Mi na PAPA GƆD ɛn a go pul una kɔmɔt pan di waala we di Ijipshian dɛn put pan dɛn. A go pul dɛn kɔmɔt pan di slev layf we dɛn liv ɛn a go sho dɛn mi pawa.

Ɛksodɔs 6:2

PAPA GƆD tɔk bak to Mozis se, “Mi na PAPA GƆD.

Malakay 3:6

I tɛl dɛn se, bikɔs in we na PAPA GƆD nɔ de chenj, in nɔ dɔn fɔ dɛn we na Jekɔb in jɛnareshɔn yet.

Ɛksodɔs 6:29

i tɛl am se, “Mi na PAPA GƆD. Tɛl di kiŋ na Ijipt ɔl wetin a tɛl una.”

Matyu 19:17

Jizɔs aks am se, “Wetin du yu aks mi bɔt ɛnitin we gud? Na Gɔd wangren gud, nɔbɔdi nɔ de igen we gud. Yu fɔ fala dɛn lɔ we Mozis bin gi, if yu want layf we go de sote go.”

Lɛta Fɔ Rom 7:10

Fɔseka dat, a bin tan lɛkɛ pɔsin we dɔn day. So di lɔ we bin fɔ mek a gɛt layf, mek day kam pan mi.

Lɛvitikɔs 18:6

I se nɔn pan dɛn nɔ fɔ ask uman we i fambul to fɔ lidɔm wit am. I se nain na PAPA GƆD.

Ditarɔnɔmi 4:1

Mozis bin se Izrɛl fɔ de mɛmba ɛn du ɔl wetin i bin tɛl dɛn se PAPA GƆD se dɛn fɔ de du, so dat dɛn go gɛt lɔŋ layf fɔ ɛnjɔy di land we PAPA GƆD we na dɛn fɔstɛm-papa dɛn PAPA GƆD, dɔn gi dɛn.

Nɛimaya 9:29

Yu wɔn dɛn mek dɛn go bak ɛn du wetin de na di lɔ we yu gi dɛn, bɔt usay, dɛn traŋayes ɛn nɔ gri fɔ du wetin yu se. Dɛn sin ɛn nɔ gri biev lɛkɛ aw yu se. Yu se if mɔtalman biev lɛkɛ aw yu want, i go gɛt lɔŋ layf. Dɛn bin de mek traŋa at pan yu so dɛn nɔ ivin lisin we yu de tɔk to dɛn.

Ayzaya 55:3

Opin una yes lisin, ɛn kam to mi; una yɛri, mek una go gɛt layf; ɛn a go mek Kɔvinant wit yu we go de sote go, mi tru tru lɛk we nɔ de chenj, we a lɛk Devid.

Izikɛl 18:9

i de obe mi lɔ dɛn, ɛn de tek tɛm du mi kɔmand dɛm - da man de na man we de waka tret wit PAPA GƆD; fɔ tru tru, i go liv. Na so Papa Gɔd we na Gɔd se.

Ditarɔnɔmi 30:6

PAPA GƆD go chenj dɛn ɛn dɛn jɛnareshɔn dɛn at, so dat dɛn go lɛk PAPA GƆD we na dɛn PAPA GƆD wit ɔl dɛn at ɛn wit ɔl dɛn sol so dat dɛn go kɔntinyu fɔ de na di land.

Ditarɔnɔmi 30:20

ɛn de traŋa wan wit PAPA GƆD we na dɛn PAPA GƆD, de sho am se dɛn lɛk an bay we dɛn de du ɔl wetin i se; bikɔs na da we de dɛn go kɔntinyu fɔ de na dis wɔl ɛn gɛt lɔŋ layf, so dat dɛn go de na di land we PAPA GƆD bin dɔn swɛ to di Izrɛlayt dɛn fɔstɛm-papa dɛn, dat na Ebraam, Ayzak ɛn Jekɔb, se i go gi dɛn.