Lɛvitikɔs 18:3 - Krio Fɔs Oli Baybul

³ I se nɔto wetin di Ijipshian dɛn we na dɛn land dɛn bin tap, nɔto di sem tin dɛn fɔ du ɛn dɛn nɔ fɔ ivin fala fɔ du wetin di Kenanayt, usay dɛn de go, de du. Nɔ fɔ fala dɛn aw dɛn de biev.

Lɛvitikɔs 18:3 Referans Kwoze

Lɛvitikɔs 20:23

So dɛn nɔ fɔ biev lɛk di neshɔn we bin de de bifo dɛn as na ɔl dɛn bad tin we i dɔn tɔk bɔt so, nain dɛn bin du we mek PAPA GƆD nɔ lɛk dɛn biznɛs.

Ɛksodɔs 23:24

Una nɔ fɔ butu to dɛn gɔd dɛn fɔ wɔship dɛn, ɛn una nɔ fɔ falamakata dɛn fɔ de wɔship lɛkɛ aw dɛn de wɔship. Una pwɛl pwɛl dɛn gɔd dɛn ɛn brok di ston pila dɛn we dɛn mek fɔ wɔship dɛn gɔd.

Izikɛl 23:8

I nɔ bin tap in rare layf we i bin dɔn de pan, frɔm we i bin de na Ijipt; bikɔs frɔm di tɛm we i bin yɔŋ, man dɛn dɔn de lidɔm wit am ɛn ol in vajin buzɔm, ɛn dɛn tɔn di want we dɛn want uman bad bad wan, to am.

Lɛta Fɔ Rom 12:2

Una nɔ fɔ de du lɛkɛ aw di pipul dɛn na dis wɔl de du, bɔt una fɔ lɛ Gɔd chenj una at so dat ɔl wetin una de tink ɛn du go chenj. Dat go mek una ebul no wetin Gɔd want; dat na: wetin gud, wetin Gɔd lɛk, ɛn wetin nɔbɔdi nɔ go ebul fɛn fɔlt pan.

Di Sam Dɛm 106:35

bifo dat, dɛn miks fɔ du ɔlkayn tin wit dɛn sote dɛn bigin du ɔl wetin dɛn de du.

Ditarɔnɔmi 12:4

Mozis wɔn di Izrɛlayt dɛn nɔ fɔ wɔship PAPA GƆD we na dɛn PAPA GƆD di we, we dɛn pipul de bin de wɔship dɛn gɔd dɛn.

Ditarɔnɔmi 9:4

I tɛl dɛn se lɛ dɛn nɔ fil se na gud we dɛn gud mek PAPA GƆD de pul dɛn pipul de kɔmɔt na di land gi dɛn; i se na bikɔs di pipul dɛn na bad bad pipul dɛn.

2 Kiŋ 17:8

ɛn du wetin dɛn ɔda neshɔn dɛn we PAPA GƆD drɛb kɔmɔt bifo dɛn bin de du; dɔn dɛn bin de du dɛn bad bad tin we di kiŋ dɛn na Izrɛl bin de du.

Ditarɔnɔmi 29:17

ɛn dɛn bin si dɛn bad bad tin dɛn we PAPA GƆD nɔ lɛk, dat na dɛn bod ɛn ston, dɛn silva ɛn gold lay lay gɔd dɛn insay di kɔntri dɛn we dɛn bin pas.