Lɛvitikɔs 17:6 - Krio Fɔs Oli Baybul

⁶ ɛn di man we de mek sakrifays fɔ pipul sin go sprinkul di blɔd na PAPA GƆD in ɔlta we de na di tɛnt usay dɛn kin mit PAPA GƆD, in domɔt de, ɛn bɔn di fat so dat i go pul fayn sɛnt we go mek PAPA GƆD gladi.

Lɛvitikɔs 17:6 Referans Kwoze

Di Nɔmba Dɛm 18:17

Una nɔ fɔ bay di fɔs kaw pikin, di fɔs ship pikin ɔ di fɔs got pikin dɛn bak, bikɔs dɛn oli. Una fɔ sprinkul dɛn blɔd na di ɔlta ɛn bɔn dɛn fat na faya so dat i go pul sɛnt we go mek PAPA GƆD gladi.

Lɛvitikɔs 3:2

I fɔ le in an pantap di animal we i de gi in ed, ɛn i fɔ kil am na di domɔt na di Tɛnt usay dɛn kin mit PAPA GƆD; dɔn Erɔn in bɔypikin dɛn we na di man dɛn we de mek sakrifays fɔ pipul sin, fɔ ib di blɔd rawnd di ɔlta.

Lɛvitikɔs 4:31

Di man we de mek di sakrifays go pul ɔl di fat kɔmɔt, lɛkɛ aw dɛn bin pul di fat kɔmɔt pan di pis ɔfrin ɛn di man we de mek sakrifays fɔ pipul sin go bɔn am na di ɔlta so dat i go pul fayn sɛnt we go mek PAPA GƆD gladi; dɔn di man we de mek sakrifays fɔ pipul sin go beg padin fɔ am, ɛn PAPA GƆD go fɔgiv am.

Lɛvitikɔs 3:16

Dɔn di man we de mek sakrifays fɔ pipul sin go bɔn dɛn na di ɔlta as it we dɔn bɔn na faya so dat i go pul fayn sɛnt we go mek PAPA GƆD gladi. Nain gɛt ɔl di fat.

Lɛvitikɔs 3:13

ɛn le in an pantap di animal in ed ɛn kil am bifo di Tɛnt we dɛn kin mit PAPA GƆD ɛn Erɔn in bɔypikin dɛn go ib di blɔd rawnd di ɔlta.

Lɛvitikɔs 3:11

Dɔn di man dɛn we de mek sakrifays fɔ pipul sin, go bɔn dɛn na di ɔlta as it we dɛn mek na faya to PAPA GƆD.

Lɛvitikɔs 3:8

i fɔ le in an pantap di animal in ed ɛn kil am bifo di Tɛnt usay dɛn de mit PAPA GƆD; Erɔn in bɔypikin dɛn go ib di blɔd rawnd di ɔlta.

Lɛvitikɔs 3:5

Dɔn di man dɛn we de mek sakrifays fɔ pipul sin, go bɔn dɛn na di ɔlta wit di yuzhwal bɔn sakrifays we de pan di wud na di faya; na ɔfrin we fɔ mek na faya lɛ i go pul fayn sɛnt we go mek PAPA GƆD gladi.

Ɛksodɔs 29:18

Bɔn di wanol ship na di ɔlta to mi PAPA GƆD as sakrifays PAPA GƆD lɛk di sɛnt we i de bɔn.

Ɛksodɔs 29:13

Wɛn yu dɔn du dis, gɛda ɔl di fat we de rawnd di kaw bɛlɛ ɛn kaw gɔt, wit di bɛst pat pan di liva, ɛn di tu kidni wit dɛnsɛf yon fat ɛn bɔn ɔl na di ɔlta as sakrifays to mi.

Lɛvitikɔs 17:5

I se dis lɔ na fɔ mek di Izrɛlayt dɛn no se naw, dɛn fɔ nɔ kɛr dɛn animal we dɛn kin kil ɛni ɔda say, pas to PAPA GƆD, dat na to di man we de mek sakrifays fɔ pipul sin na di tɛnt usay dɛn kin mit PAPA GƆD in domɔt, ɛn kil am de as pis sakrifays to PAPA GƆD;

Izikɛl 44:15

Bɔt di Levitikal man dɛn we de mek sakrifays fɔ pipul sin, Zedɔk in bɔypikin dɛm we bin de kia fɔ mi ples we dɛn de pre to mi wɛn di Izrɛl pipul bin go astre frɔm mi, go kam nia mi fɔ minista to mi ɛn dɛn go atɛnd to mi fɔ ɔfa to mi di fat ɛn di blɔd, PAPA GƆD tɔk se;