Lɛvitikɔs 17:5 - Krio Fɔs Oli Baybul

⁵ I se dis lɔ na fɔ mek di Izrɛlayt dɛn no se naw, dɛn fɔ nɔ kɛr dɛn animal we dɛn kin kil ɛni ɔda say, pas to PAPA GƆD, dat na to di man we de mek sakrifays fɔ pipul sin na di tɛnt usay dɛn kin mit PAPA GƆD in domɔt, ɛn kil am de as pis sakrifays to PAPA GƆD;

Lɛvitikɔs 17:5 Referans Kwoze

Izikɛl 22:9

Sɔm man dɛn de de we de tɔk bad tin dɛm bɔt pɔsin dɛm, ɛn pwɛl dɛm so dat dɛn go kil dɛm; ɔda man dɛn de we de mek sakrifays na dɛn mawnten; sɔm man dɛn de rud midul una.

Izikɛl 20:28

Bikɔs we a bin dɔn briŋ dɛm kam na di land we a bin dɔn swɛ se a go gi dɛm, ɛnisay we dɛn si ay il ɔ tik we gɛt bɔku lif, na de dɛn kin go mek dɛn sakrifays dɛn, ɛn kin gi wetin go mek mi at wam. Na de dɛn swit sɛnt kin kɔmɔt kam ɔp, ɛn na de dɛn kin tɔn dɛn drink ɔfrin dɛm.

2 Kronikuls 28:4

I bin de mek sakrifays ɛn bɔn insɛns na di ay ples dɛn, na di il dɛn ɛn ɔnda ɔl dɛn grin tik.

2 Kiŋ 17:10

Dɛn bil ples fɔ wɔship Ashɛra na ɔl dɛn il ɛn ɔnda dɛn tik.

2 Kiŋ 16:4

I bɔn insɛns ɛn mek sakrifays na dɛn ay ples we dɛn mek fɔ wɔship lay lay gɔd, i mek sakrifays pantap dɛn il ɛn ɔnda dɛn tik.

1 Kiŋ 14:23

Dɛn bil ples fɔ de wɔship lay lay gɔd, dɛn mek ɔlta fɔ de mek sakrifays to Ashɛra, dɔn dɛn mek ples fɔ de wɔship am pantap ɔl dɛn il dɛn ɔnda ɔl dɛn tik.

Ditarɔnɔmi 12:2

I tɛl di Izrɛlayt dɛn se we dɛn go na di land, dɛn fɔ brok brok ɔl usay di pipul dɛn we bin de de bin de wɔship dɛn gɔd dɛn; i lɛk na ɔp mawnten, dɔŋ vali ɔ ɔnda tik dɛn de,

Ɛksodɔs 24:5

I sɛn sɔm yɔŋ man dɛn fɔ bɔn animal as sakrifays ɛn kil kaw fɔ mek pis sakrifays to PAPA GƆD.

Jɛnɛsis 31:54

Jekɔb mek animal sakrifays to PAPA GƆD ɛn kɔl ɔl in fambul dɛn fɔ kam it; we dɛn dɔn it dɔn dɛn slip de da nɛt de.

Jɛnɛsis 22:13

Wɛn Ebraam tɔn rawnd, i si wan yɔŋ manship fasin wit in ɔn dɛn na di bush. I go tek di ship ɛn bɔn am as sakrifays to PAPA GƆD.

Jɛnɛsis 22:2

Nain PAPA GƆD tɛl am se, “Tek yu pikin, yu wangren bɔypikin, Ayzak, we yu lɛk, lɛkɛ yu bɔlyay, kɛr am go na Mɔria, yu fɔ tek am mek sakrifays to mi. Bɔn am pantap wan pan dɛn mawnten we a go sho yu.”

Jɛnɛsis 21:33

Afta dat Ebraam plant tamarisk tik na Biashiba ɛn wɔship PAPA GƆD de, di PAPA GƆD we na PAPA GƆD sote go.

Lɛvitikɔs 17:4

pas i kɛr am go na di tɛnt usay dɛn kin mit PAPA GƆD in domɔt, ɛn gi PAPA GƆD de ɔ nɔ so dɛn go se di pɔsin dɔn kil ɛn i nɔ go miks wit di ɔda Izrɛlayt dɛn igen

Lɛvitikɔs 17:6

ɛn di man we de mek sakrifays fɔ pipul sin go sprinkul di blɔd na PAPA GƆD in ɔlta we de na di tɛnt usay dɛn kin mit PAPA GƆD, in domɔt de, ɛn bɔn di fat so dat i go pul fayn sɛnt we go mek PAPA GƆD gladi.

Izikɛl 43:27

Ɛn wɛn dɛn dɔn dɔn dɛn de ya, frɔm di nɔmba et de te go, di man dɛn we de mek sakrifays fɔ pipul sin go ɔfa pan di ɔlta una ɔfrin dɛn we na fɔ bɔn, ɛn una pis ɔfrin dɛn; ɛn a go gri fɔ una, PAPA GƆD tɔk se.

Izikɛl 44:15

Bɔt di Levitikal man dɛn we de mek sakrifays fɔ pipul sin, Zedɔk in bɔypikin dɛm we bin de kia fɔ mi ples we dɛn de pre to mi wɛn di Izrɛl pipul bin go astre frɔm mi, go kam nia mi fɔ minista to mi ɛn dɛn go atɛnd to mi fɔ ɔfa to mi di fat ɛn di blɔd, PAPA GƆD tɔk se;

1 Kiŋ 3:2

Da tɛm de na difrɛn difrɛn say di pipul dɛn bin de mek dɛn sakrifays bikɔs dɛn nɔ bin bil os fɔ PAPA GƆD yet.

1 Kiŋ 3:3

Sɔlɔmɔn sho PAPA GƆD se in lɛk am bay aw i bin de go bay wetin in papa Devid bin dɔn tɛl am, bɔt na difrɛn difrɛn say nɔmɔ i bin de ɔfa in sakrifays to PAPA GƆD ɛn bɔn insɛns.