Lɛvitikɔs 17:4 - Krio Fɔs Oli Baybul

⁴ pas i kɛr am go na di tɛnt usay dɛn kin mit PAPA GƆD in domɔt, ɛn gi PAPA GƆD de ɔ nɔ so dɛn go se di pɔsin dɔn kil ɛn i nɔ go miks wit di ɔda Izrɛlayt dɛn igen

Lɛvitikɔs 17:4 Referans Kwoze

Jɔn 14:6

Jizɔs se, “Mi na di rod we fɔ pas go to Gɔd, na mi de tɛl pipul wetin tru bɔt Gɔd, na mi de gi pipul di tru layf; nɔbɔdi nɔ go kam to mi Papa pas di pɔsin pas tru mi.”

Jɔn 10:9

Mi na di get. Ɛnibɔdi we pas tru mi fɔ go insay, go sev; di pɔsin go fri fɔ kam insay ɛn kɔmɔt na do fɔ go fɛn ɔl wetin i nid fɔ gɛt fɔ in layf.

Jɔn 10:7

So Jizɔs tɔk to dɛn bak. I se, “A de tɛl una se: Mi na di get we di ship dɛn de pas.

Izikɛl 20:40

“Bikɔs na pan mi oli mawnten, pantap di ay mawnten na Izrɛl, na de di wanol Izrɛl, dɛn ɔl, go wɔship mi na di land; na de a go gri fɔ dɛm, ɛn aks fɔ una kɔntribyushɔn dɛm paopa, ɛn di bɛst wan dɛn pan una prɛzɛnt dɛn, ɛn ɔl una oli ɔfrin dɛm.

Ayzaya 66:3

“Di pɔsin we de kil kaw na lɛk pɔsin we kil mɔtalman; pɔsin we de sakrifays ship pikin na lɛk udat brok dɔg nɛk; pɔsin we de mek sid ɔfrin na lɛk pɔsin we de sakrifays ɔg blɔd; pɔsin we de mek sakrifays wit insɛns fɔ mɛmba wetin bin dɔn bi, na lɛk pɔsin we de blɛs lay lay gɔd. Dɛn dɔn pik dɛn yon we, we dɛn want fɔ de, dɛn sol de gladi fɔ du dɛn bad bad tin dɛm we PAPA GƆD nɔ lɛk.

Jɛnɛsis 17:14

Ɛni man we nɔ sakɔmsayz dɔn brok mi Kɔvinant. I nɔ fɔ de wit in pipul dɛn.”

Lɛta Fɔ Rom 5:20

Gɔd sɛn di Lɔ kam fɔ sho wi se tin de na wi at we kin mek wi want fɔ sin mɔ ɛn mɔ; bɔt aw sin de plɛnti, na so Gɔd de sho wi se in lɛk wi mɔ ɛn mɔ, pan ɔl we wi nɔ fit fɔ mek i lɛk wi.

Lɛta Fɔ Rom 5:13

Sin bin dɔn de na di wɔl bifo Gɔd gi Mozis di Lɔ; bɔt if di Lɔ nɔ de, Gɔd nɔ de mak sin.

Lɛta Fɔ Rom 4:6

Na dat Devid bin min wɛn i de tɔk bɔt pɔsin we Gɔd luk se na pɔsin we de waka tret, pan ɔl we di pɔsin nɔ du ɛnitin we fɔ mek dat bi so. Devid se da pɔsin de gɛt blɛsin. I se,

Di Sam Dɛm 32:2

I fayn fɔ da pɔsin we nɔ miks pan bɛnbɛn PAPA GƆD nɔ de kip natin nain at fɔ am.

Lɛvitikɔs 20:18

If man mek uman we de si in piriɔd pul klos fɔ am ɛn i lidɔm wit am, i dɔn ɛkspoz am ɛn di uman dɔn ɛkspoz di blɔd. Dɛn fɔ drɛb am kɔmɔt Izrɛl.

Lɛvitikɔs 20:16

If na uman sɛf go lidɔm wit di animal, na dɛn ɔltu fɔ kil, na dɛn fɛn dɛn day fɔ dɛnsɛf.

Lɛvitikɔs 20:3

I se insɛf go dison di pɔsin ɛn i nɔ go miks wit in pipul igen bikɔs nain tɛnt usay dɛn kin mit am i go de mek nɔ klin nain yay, ɛn i go de disgres in nem.

Lɛvitikɔs 18:29

I se if ɛniwan pan dɛn du dɛn bad bad tin we nɔ fɔ du, dɛn fɔ drɛb dɛn kɔmɔt Izrɛl.

Lɛvitikɔs 17:14

Bikɔs we blɔd de pan ɛnitin dat min se i gɛt layf, na dat mek PAPA GƆD se nɔ fɔ it ɛnitin we gɛt blɔd, as na we ɛnitin gɛt blɔd yu go se i gɛt layf; if pɔsin it blɔd i nɔ go miks wit ɔda pipul igen

Lɛvitikɔs 17:10

I se if ɛni Izrɛlayt ɔ fɔrina we tap wit dɛn it ɛnitin we gɛt blɔd, PAPA GƆD go dison da pɔsin de ɛn i nɔ go mek i miks wit in di Izrɛlayt dɛn igen

Lɛvitikɔs 7:18

If pɔsin it di bif we lɛf pan di pis ɔfrin di tɔd de, PAPA GƆD nɔ go aksɛpt in sakrifays ɛn i bin fɔ bɛtɛ i nɔ wes in tɛm; bifo dat i de mek insɛf lɛk udat nɔ klin na PAPA GƆD yay ɛn i go gɛt fɔ bia wetin go apin.

Lɛvitikɔs 1:3

If di animal we i de ɔfa, na pan di wan dɛn we i de mɛn, ɛn na bɔn i de bɔn am, i fɔ bi man wan we nɔ gɛt bɔt; na di Tɛnt we dɛn kin mit PAPA GƆD, in domɔt, dɛn fɔ ɔfa am so dat PAPA GƆD go gri fɔ tek am;

Ɛksodɔs 12:19

Dɛn sɛvin de de, nɔbɔdi nɔ fɔ kip ɛni yist nain os. Ɛnibɔdi we it ɛnitin we yist de pan dɛn fɔ pul am kɔmɔt na di Izrɛlayt kɔmyuniti, i lɛk sɛf di pɔsin na fɔrina we tap wit una.

Ɛksodɔs 12:15

“Fɔ sɛvin de, di bred we una fɔ it na bred we dɛn bek we nɔ gɛt yist. Frɔm di fɔs de una fɔ dɔn pul ɔl di yist kɔmɔt na una os. Ɛnibɔdi we it bred we dɛn bek wit yist ɛnitɛm insay da sɛvin de de, dɛn fɔ drɛb am kɔmɔt na di Izrɛlayt kɔmyuniti.

Lɛvitikɔs 17:3

Nɔn Izrɛlayt nɔ fɔ kil man kaw ɔ yɔŋ ship ɔ got ɛnisay na di kamp wɛda nainsay ɔ na do,

Lɛvitikɔs 17:5

I se dis lɔ na fɔ mek di Izrɛlayt dɛn no se naw, dɛn fɔ nɔ kɛr dɛn animal we dɛn kin kil ɛni ɔda say, pas to PAPA GƆD, dat na to di man we de mek sakrifays fɔ pipul sin na di tɛnt usay dɛn kin mit PAPA GƆD in domɔt, ɛn kil am de as pis sakrifays to PAPA GƆD;

Lɛvitikɔs 17:9

ɛn nɔ kɛr am go na di tɛnt usay dɛn kin mit PAPA GƆD in domɔt, fɔ sakrifays am to PAPA GƆD, nɔ fɔ miks wit di ɔda Izrɛlayt dɛn igen

Ɛksodɔs 30:33

Ɛnibɔdi we falamakata fɔ mek dis kayn ɔyl, ɔ yuz am pan ɛnibɔdi we nɔto man we de mek sakrifays nɔ fɔ miks pan mi pipul dɛn.”

Ɛksodɔs 30:38

Ɛnibɔdi we mek dis kayn insɛns ɛn se na pafyum fɔ insɛf nɔ fɔ miks pan mi pipul dɛn.”

Lɛvitikɔs 3:2

I fɔ le in an pantap di animal we i de gi in ed, ɛn i fɔ kil am na di domɔt na di Tɛnt usay dɛn kin mit PAPA GƆD; dɔn Erɔn in bɔypikin dɛn we na di man dɛn we de mek sakrifays fɔ pipul sin, fɔ ib di blɔd rawnd di ɔlta.

Ditarɔnɔmi 21:8

So PAPA GƆD, fɔgiv Izrɛl, yu yon pipul dɛn we yu pul na Ijipt, ɛn nɔ mek di sin fɔ di kil we dɛn kil da pɔsin de, kam pan Izrɛl, duya, sɔri fɔ Izrɛl.