Lɛvitikɔs 17:11 - Krio Fɔs Oli Baybul

¹¹ PAPA GƆD se na di blɔd di layf de; ɛn in dɔn gi dɛn fɔ put na di ɔlta fɔ pul sin na dɛn sol. Na di blɔd de beg fɔ dɛn bikɔs i gɛt layf.

Lɛvitikɔs 17:11 Referans Kwoze

Di Ibru Pipul Dɛn 9:22

Fɔ tru, bay aw di Lɔ se, dɛn tin we dɛn nɔ bin de tek blɔd klin nɔ bin plɛnti. Ɔda we nɔ bin de fɔ padin pɔsin sin, pas fɔ kil bif ɛn tek di blɔd mek sakrifays to Gɔd.

Jɔn In Fɔs Lɛta 1:7

Bɔt if wi de waka na di layt lɛkɛ we in na di layt, wi jɔyn an wit wi kɔmpin dɛn; Gɔd in Pikin, dat na Jizɔs, in blɔd go pul ɔl wi sin kɔmɔt pan wi ɛn mek wi klin.

Lɛta Fɔ Rom 3:25

Gɔd sakrifays Jizɔs Krays fɔ padin mɔtalman sin bay di day we Jizɔs Krays day, ɛn if mɔtalman biliv pan am. Gɔd du dat fɔ sho se in de du rayt ɔltɛm. Fɔs tɛm, i bin de bia wit mɔtalman ɛn i nɔ bin de pɔnish dɛn fɔ ɛni bad we dɛn du;

Rɛvɛleshɔn 1:5

mek Jizɔs Krays insɛf, we wi kin trɔs, ɛn we de tɛl pipul wetin tru ɔltɛm, sho una aw i gud ɛn gi una kol at. Nain fɔs Gɔd mek rayz frɔm di grev. Ɔl dɛn wan we de rul na dis wɔl de ɔnda am. I lɛk wi ɛn i day fɔseka wi so dat i kin lus wi kɔmɔt pan di tay we wi sin tay wi,

Mak 14:24

I tɛl dɛn se, “Dis na mi blɔd we a tek mek di agrimɛnt we Gɔd mek wit in pipul dɛn. A dɔn sakrifays am fɔ plɛnti plɛnti pipul.

Jɛnɛsis 9:4

Wan tin nɔmɔ, una nɔ fɔ it ɛnitin we rɔ we gɛt blɔd pan am, bikɔs na di blɔd gɛt layf.

Matyu 26:28

dis na mi blɔd we a tek mek di agrimɛnt we Gɔd mek wit in pipul dɛn, a dɔn sakrifays am fɔ padin plɛnti plɛnti pipul dɛn sin.

Di Ibru Pipul Dɛn 13:12

Na dat mek Jizɔs insɛf nɔ mek dɛn kɛr am go insay di tɔŋ fɔ kil am, bɔt dɛn bin kɛr am go na ples we pipul nɔ tap, so dat i go tek in yon blɔd pul di pipul dɛn sin kɔmɔt na dɛn layf.

Lɛta Fɔ Ɛfisɔs 1:7

Bikɔs Krays day na di krɔs fɔ sev wi, wi dɔn fri ɛn Gɔd dɔn padin wi sin. Gɔd gud to wi, mɔt sɛf nɔ ebul tɔk am. Gɔd tek sɛns ɛn sabi

Lɛvitikɔs 17:14

Bikɔs we blɔd de pan ɛnitin dat min se i gɛt layf, na dat mek PAPA GƆD se nɔ fɔ it ɛnitin we gɛt blɔd, as na we ɛnitin gɛt blɔd yu go se i gɛt layf; if pɔsin it blɔd i nɔ go miks wit ɔda pipul igen

Pita In Fɔs Lɛta 1:2

Na Gɔd, we na wi Papa, dɔn pik una, lɛkɛ aw i bin dɔn plan, ɛn Gɔd in Spirit dɔn mek una bi Gɔd yon pipul, so dat una go du wetin Jizɔs Krays tɛl una fɔ du, ɛn di day we Jizɔs Krays day na di krɔs go mek una klin na Gɔd yay. A de pre mek Gɔd sho una aw i gud ɛn mek i gi una kol at mɔ ɛn mɔ.

Lɛta Fɔ Kɔlɔse 1:20

Na Krays Gɔd go mek briŋ ɔltin we de na dis wɔl ɛn we de na ɛvin kam bak to insɛf. Na tru di day we Krays day na di krɔs, Gɔd mek mɔtalman ebul kam to insɛf.

Lɛta Fɔ Rom 5:9

Bikɔs Krays day fɔ wi, i dɔn mek ɔltin rayt bitwin wi ɛn Gɔd. We na so i bi, wi fɔ shɔ se, i nɔ go mek Gɔd vɛks pan wi di de we Gɔd go jɔj ɔlman.

Lɛvitikɔs 8:15

Mozis kil am ɛn tek sɔm pan di blɔd wit in fiŋa ɛn put am pan di ɔn dɛn rawnd di ɔlta ɛn tɔn di balans blɔd na di bɔtɔm pat na di ɔlta fɔ sho se i dɔn pul di sin kɔmɔt de ɛn dɔn mek i fit fɔ de beg PAPA GƆD padin de.

Jɔn In Fɔs Lɛta 2:2

Na bikɔs Krays sakrifays insɛf mek Gɔd de padin wi sin dɛn, ɛn nɔto wi yon sin dɛn nɔmɔ Gɔd de padin, i de padin ɔlman sin.

Matyu 20:28

una fɔ tan lɛkɛ Mɔtalman Pikin, we nɔ kam fɔ mek mɔtalman bi in savant, bɔt i kam fɔ bi dɛn savant ɛn fɔ gi in layf fɔ sev plɛnti plɛnti pipul.”

Lɛvitikɔs 16:11

I se na Erɔn insɛf fɔ gi di man kaw we na fɔ sin ɔfrin so i go beg padin fɔ insɛf ɛn fɔ in os; i go kil di man kaw fɔ insɛf.

Lɛvitikɔs 1:5

Na da tɛm de i go kil di man kaw bifo PAPA GƆD; dɔn Erɔn in bɔypikin we na man dɛn we de mek sakrifays fɔ pipul sin go gi di blɔd ɛn ib pan an rawnd di ɔlta we de na di domɔt na di Tɛnt usay dɛn kin mit PAPA GƆD.

Lɛvitikɔs 17:12

Na dat mek PAPA GƆD se ɛni Izrɛlayt ɔ fɔrina we tap wit dɛn nɔ fɔ it ɛnitin we gɛt blɔd.

Lɛvitikɔs 4:25

Dɛn di man we de mek sakrifays fɔ pipul sin we de dyuti go tek sɔm pan di blɔd pan di sin ɔfrin wit in fiŋa ɛn put am na di ɔn dɛn na di bɔn ɔfrin in ɔlta ɛn tɔn di blɔd we lɛf bɔtɔm di ɔlta usay fɔ mek bɔn ɔfrin.

Lɛvitikɔs 4:26

Dɔn i go bɔn ɔl in fat na di ɔlta lɛkɛ aw i bɔn di pis ɔfrin in fat; di man we de mek sakrifays fɔ pipul sin go beg padin fɔ dis lida in sin ɛn PAPA GƆD go fɔgiv am.

Ditarɔnɔmi 12:23

pas we dɛn nɔ fɔ it di blɔd bikɔs, blɔd na layf ɛn dɛn nɔ fɔ it bif we gɛt layf.