Lɛvitikɔs 17:10 - Krio Fɔs Oli Baybul

¹⁰ I se if ɛni Izrɛlayt ɔ fɔrina we tap wit dɛn it ɛnitin we gɛt blɔd, PAPA GƆD go dison da pɔsin de ɛn i nɔ go mek i miks wit in di Izrɛlayt dɛn igen

Lɛvitikɔs 17:10 Referans Kwoze

Lɛvitikɔs 17:11

PAPA GƆD se na di blɔd di layf de; ɛn in dɔn gi dɛn fɔ put na di ɔlta fɔ pul sin na dɛn sol. Na di blɔd de beg fɔ dɛn bikɔs i gɛt layf.

Ditarɔnɔmi 12:23

pas we dɛn nɔ fɔ it di blɔd bikɔs, blɔd na layf ɛn dɛn nɔ fɔ it bif we gɛt layf.

Ditarɔnɔmi 12:16

Di waŋren tin na dat dɛn nɔ fɔ it di blɔd; dɛn fɔ trowe am na grɔn lɛkɛ aw dɛn go trowe wata na grɔn.

Lɛvitikɔs 3:17

Na tin dis we na lɔ ɛn i fɔ bi na ɔl di jɛnareshɔn, i lɛk usay dɛn de, dɛn nɔ fɔ it blɔd ɛn dɛn nɔ fɔ it fat.

Jɛrimaya 44:11

“Fɔseka dat, na dis PAPA GƆD Ɔlmayti we na Izrɛl dɛn Gɔd se: A de tɛl una, a go tay mi at pan una ɛn du una bad ɛn nyakanyaka di wanol Juda.

1 Samiɛl 14:33

Sɔmbɔdi go tɛl Sɔl se in man dɛn de sin to PAPA GƆD as dɛn de it bif wit in blɔd pan am. Sɔl ala pan dɛn fɔ da bievɔ de ɛn tɛl dɛn fɔ briŋ wan big ston kam to am.

Lɛvitikɔs 26:17

I go dison dɛn ɛn mek dɛn ɛnimi dɛn win dɛn; di wan dɛn we et dɛn, go rul dɛn ɛn dɛn go de rɔn ivin we nɔbɔdi nɔ de rɔnata dɛn.

Jɛnɛsis 9:4

Wan tin nɔmɔ, una nɔ fɔ it ɛnitin we rɔ we gɛt blɔd pan am, bikɔs na di blɔd gɛt layf.

Izikɛl 44:7

dat na we una de mek fɔrena, dɛn wan dɛn we dɛn at ɛn flɛsh nɔ sakɔmsayz, fɔ kam na di ples we una de pre to mi, ɛn mek am dɔti na mi yay, we una de ɔfa mi it, di fat ɛn di blɔd. Una dɔn brok mi Kɔvinant ɛn dis ad to ɔl di tin dɛn we una de du we a et bad bad wan.

Izikɛl 15:7

Ɛn a go dil wit dɛn; i lɛk dɛn rɔnawe kɔmɔt na di faya, di faya go stil bɔn dɛn; ɛn una go no se na mi na PAPA GƆD we a go dɔn dil wit dɛn dɔn.

Izikɛl 14:8

ɛn a go dil wit da pɔsin de; a go mek am ɛgzampul, ɛn dɛn go de tɔk bad bɔt am, ɛn a go pul am kɔmɔt kpatakpata midul mi pipul dɛn; ɛn una go no se na mi na PAPA GƆD.

Di Sam Dɛm 34:16

PAPA GƆD et udat de du bad ɛn ivin we i dɔn day sɛf nɔbɔdi nɔ go mɛmba am.

Ditarɔnɔmi 15:23

Wan tin we Mozis wɔn dɛn bɔt na fɔ lɛ dɛn nɔ it di animal dɛn blɔd; i se dɛn fɔ trowe am na grɔn lɛk wata.

Lɛvitikɔs 19:26

I se dɛn nɔ fɔ it bif we dɛn nɔ kɔt di animal in trot fɔ kil am. Nɔ fɔ miks pan wich ɔ ɛni majik biznɛs.

Izikɛl 33:25

Fɔseka dat, tɛl dɛn se, na dis PAPA GƆD se: Wɛn una de it bif wit in blɔd pan am, ɛn de es una yay to una lay lay gɔd dɛm, ɛn de mek blɔd flo; di kɔntri go bi una yon?

Jɛrimaya 21:10

PAPA GƆD se, bikɔs a dɔn tɔn mi fes to dis siti fɔ bad, ɛn nɔto fɔ gud; a go mek di kiŋ na Babilɔn kapchɔ am, ɛn i go bɔn am wit faya?

Apɔsul Dɛn Wok 15:20

Bɔt una lɛ wi rayt tɛl dɛn se dɛn nɔ fɔ it ɛnitin we pipul dɔn sakrifays to dɛn gɔd, dɛn nɔ fɔ liv fri layf, dɛn nɔ fɔ it bif we gɛt blɔd pan am, ɛn dɛn nɔ fɔ it blɔd.

Di Ibru Pipul Dɛn 10:29

Una fɔ no se, da pɔsin we nɔ tek in Pikin mek ɛnitin, Gɔd go mɔs pɔnish am traŋa wan; da pɔsin de de se Krays in blɔd we Gɔd tek mek agrimɛnt wit mɔtalman fɔ mek mɔtalman bi in yon, nɔ gɛt pawa; ɛn i fityay Gɔd in Spirit we briŋ blɛsin kam.

Apɔsul Dɛn Wok 15:29

una nɔ fɔ it ɛni bif we dɛn dɔn sakrifays to dɛn yon gɔd, una nɔ fɔ it bif we gɛt blɔd pan am, una nɔ fɔ it blɔd, ɛn una nɔ fɔ liv fri layf. I go gud if una nɔ du dɛn tin ya we wi dɔn rayt to una. Una mekes, o!”

1 Samiɛl 14:32

Dɛn jomp pan di tin dɛn we dɛn bin tek na di Filistin dɛn an, lɛkɛ di ship dɛn, kaw dɛn ɛn di kaw pikin dɛnsɛf, bucha dɛn usay dɛn de na di grɔn de ɛn it dɛn wit dɛn blɔd ɔl.

2 Samiɛl 23:17

I se, “mek PAPA GƆD nɔ mek mi drink wata we pipul risk dɛn layf fɔ go gɛt fɔ mi” So Devid nɔ gri drink di wata. Na dɛn kayn tin de dɛn tri tɔf man du.

Emɔs 9:4

If dɛn ɛnimi dɛn kech dɛn ɛn kɛr dɛn go as rɛfyuji, a go mek dɛn kil dɛn ɔl. A dɔn mekɔp mi maynd fɔ dɔnawe wit dɛn kpatakpata. A nɔ go sev dɛn.”

Ɛksodɔs 30:33

Ɛnibɔdi we falamakata fɔ mek dis kayn ɔyl, ɔ yuz am pan ɛnibɔdi we nɔto man we de mek sakrifays nɔ fɔ miks pan mi pipul dɛn.”