Lɛvitikɔs 16:4 - Krio Fɔs Oli Baybul

⁴ PAPA GƆD se i fɔ wɛr gawn we i mek wit linin, lɔŋ fut drɔz, put brɔd band we dɛn mek wit linin rawnd in wes ɛn tay linin tɔban nain ed; na di we dis we i fɔ drɛs bɔt i fɔ was in bɔdi bifo i wɛr dɛn.

Lɛvitikɔs 16:4 Referans Kwoze

Ɛksodɔs 30:20

Bifo dɛn go insay di Tɛnt ɔ go nia di ɔlta fɔ du dɛn wok lɛkɛ fɔ mek faya fɔ sakrifays to mi, dɛn fɔ was wit wata ɔ nɔ so dɛn go day.

Di Ibru Pipul Dɛn 7:26

So Jizɔs na di edman we de mek sakrifays fɔ pipul sin ɛn i de gi wi ɔl wetin wi fɔ gɛt. I de du wetin rayt ɔltɛm; i nɔ gɛt sin nain layf; sin nɔ gɛt pawa pan am; ɛn i de nain ples we de na ɛvin.

Lɛvitikɔs 6:10

Di nɛks de, di man we de mek sakrifays fɔ pipul sin, go wɛr in linin klos wit in lɔŋfut drɔz, gɛda di ashis we kɔmɔt na di faya we bin de ɔnda di bɔn sakrifays na di ɔlta, ɛn put am kɔna say na di ɔlta.

Di Ibru Pipul Dɛn 10:22

So, lɛ wi biliv pan Jizɔs Krays gud wan; lɛ wi kam klos Gɔd wit ɔl wi at, bikɔs Jizɔs in blɔd dɔn klin wi at; ɛn wi na pipul we dɔn was wi bɔdi na di klin wata.

Di Ibru Pipul Dɛn 2:14

We dɛn pikin ya na mɔtalman, na dat mek Jizɔs insɛf kam na wɔl lɛkɛ mɔtalman, so dat di day we i day go pwɛl Setan, we gɛt pawa fɔ kil, ɔltogɛda.

Lɛta Fɔ Filipay 2:7

Bifo dat, Jizɔs mekɔp fɔ lɛf ɔltin, i lɛf fɔ rul lɛkɛ aw i bin de rul, ɛn i tɔn insɛf to savant. Jizɔs tɔn to mɔtalman ɛn i kam na wɔl lɛkɛ mɔtalman.

Lyuk 1:35

Di enjɛl ansa am se, “Gɔd in Spirit go kam pan yu, Gɔd we pas ɔl in pawa go kɔba yu. Na dat mek pipul go kɔl di pikin we Gɔd go sɛn we yu go bɔn, Gɔd in Pikin.

Ayzaya 53:2

Bikɔs I gro bifo am lɛk yɔŋ plant, ɛn lɛk rut we bɔs kɔmɔt na dray grɔn; I nɔ gɛt shep ɔ fayn fes we go mek wi go luk am, ɛn nɔ gɛt da fayn fes we go mek pɔsin want am.

Lɛvitikɔs 16:24

ɛn i go was in bɔdi na wan spɛshal ples, wɛr in yon klos bak, go na do ɛn mek di bɔn ɔfrin fɔ insɛf ɛn in pipul so dat i go beg padin fɔ dɛn ɔl.

Ɛksodɔs 40:12

Wɛn yu dɔn, briŋ Erɔn ɛn in bɔypikin dɛn na di Tɛnt in domɔt ɛn was wit wata,

Ɛksodɔs 29:4

Briŋ Erɔn ɛn in bɔypikin dɛn bifo di Tɛnt in domɔt ɛn tek wata was dɛn.

Ɛksodɔs 28:2

Mek fayn oli gawn fɔ Erɔn we di edman fɔ dɛn man we de mek sakrifays fɔ pipul sin fit fɔ wɛr.

Lɛvitikɔs 16:23

Dɛn Erɔn go go bak insay di tɛnt usay dɛn kin mit PAPA GƆD, pul ɔl di linin tin dɛn we i bin wɛr we i de go insay di ples we oli pas ɔl ɛn lɛf dɛn de;

Lɛvitikɔs 16:32

Di man we de mek sakrifays fɔ pipul sin we dɛn go dɔn pik fɔ bi di bigman pan dɛn man we de mek sakrifays fɔ pipul sin we go tek in papa in ples, go wɛr di spɛshal linin klos dɛn fɔ beg padin;

Izikɛl 9:2

A si siks man kɔmɔt na da pat we di get we de ɔpsay de, usay in fes tɔn nɔt; ɔlman ol wetin i go tek kil nain an, ɛn wan ɔda man we bin wɛr linin klos bin de wit dɛn siks man ya; ɛn wan kes we i de rayt pan, bin de bay in sayd. Ɛn dɛn ɔl kan insay ɛn tinap sayd di bras ɔlta.

Izikɛl 44:19

Ɛn wɛn dɛn go na do to di awtsay kɔt to di pipul, dɛn go dɔn pul dɛn klos we dɛn bin wɛr fɔ minista, ɛn le dɛm na di oli rum dɛm; ɛn dɛn go wɛr dɛn ɔda klos dɛm, bambay dɛn kam pas olinɛs to di pipul, wit dɛn klos.

Lɛvitikɔs 6:3

ɔ sɔpoz i fɛn am bɔt lay ɛn ivin swɛ se i nɔ gɛt am, ɔ ɛni ɔda sityueshɔn lɛk dis,