Lɛvitikɔs 16:21 - Krio Fɔs Oli Baybul

²¹ we i go le in tu an pantap in ed, kɔnfɛs se di Izrɛlayt dɛn nɔ du wetin PAPA GƆD se dɛn fɔ du, di bad tin dɛn we dɛn dɔn du to dɛn kɔmpin, ɛn di tin dɛn we dɛn dɔn du we Papa nɔ lɛk, oba di got in ed. Dat min se na di got go tot ɔl di pipul dɛn sin. Dɛn go gi wan man we go kɛr am go na di dray ples we pipul nɔ go ebul tap.

Lɛvitikɔs 16:21 Referans Kwoze

2 Kɔrint 5:21

Krays nɔ bin gɛt sin, bɔt fɔ sev wi, Gɔd put wi sin dɛn pan am, so dat we wi gɛt wanwɔd wit am, ɔltin go rayt bitwin wi ɛn Gɔd.

Ayzaya 53:6

Wi ɔl dɔn go astre lɛk ship; ɔlman dɔn go in yon we; ɛn PAPA GƆD dɔn put wi ɔl sin dɛn pan am.

Di Sam Dɛm 51:3

A no se a dɔn sin, ɛn ɔltɛm mi sin dɛn de fala mi.

Ɛzra 10:1

We Ɛzra lidɔm na grɔn bifo PAPA GƆD in os de pre to PAPA GƆD wit kray ɛn de kɔnfɛs dɛn sin, big big krawd frɔm di Izrɛlayt dɛn kam gɛda pan am - man, uman ɛn pikin, dɛn ɔl bin de kray bita bita wan.

Lɛta Fɔ Rom 10:10

Wɛn wi biliv pan Krays, Gɔd de mek ɔltin rayt bitwin wi ɛn insɛf; ɛn wɛn wi tɛl pipul se wi biliv pan Krays, Gɔd go sev wi.

Prɔvabs 28:13

Udat ayd in sin nɔ de mek am na layf; bɔt udat kɔnfɛs in sin ɛn lɛf fɔ du bad, PAPA GƆD go sho am masi.

Di Sam Dɛm 32:5

A gri se a bin de mek rebɛl pan PAPA GƆD ɛn kɔnfɛs mi sin. A mekɔp mi maynd ɛn se “A mɔs kɔnfɛs mi sin to PAPA GƆD.” Wɛn a du am, yu fɔgiv mi ɛn nɔ pɔnish mi igen

Lɛvitikɔs 26:40

I se if di wan dɛn we lɛf kɔnfɛs dɛn sin dɛn wit dɛn fɔstɛm-papa dɛn sin dɛn, we dɛn bin stil de mek traŋayes ɛn nɔ lisin to am,

Ɛksodɔs 29:10

“We yu dɔn dɔn, briŋ di yɔŋ man kaw kam bifo di Tɛnt in domɔt ɛn mek Erɔn ɛn in bɔypikin dɛn le dɛn an pan di kaw in ed;

Lɛvitikɔs 5:5

Wɛn pɔsin gɛt fɔ sɔfa fɔ ɔl wetin de dɔŋ so, i fɔ kɔnfɛs di sin we i kɔmit,

Lɛvitikɔs 1:4

i fɔ put in an na di ɔfrin we i de bɔn in ed, ɛn dɛn i go tek am fɔ beg padin fɔ in sin.

Lɛvitikɔs 16:20

Wɛn Erɔn dɔn mek di ples we oli pas ɔl, di tɛnt usay dɛn kin mit PAPA GƆD ɛn di ɔlta fit fɔ PAPA GƆD fɔ yus, i go gi di layf got;

Lɛvitikɔs 16:22

Di got go tot ɔl di Izrɛlayt dɛn sin go na ples we pipul nɔ de ɛn di man go lɛf am na di ples we pɔsin nɔ go ebul tap.