Lɛvitikɔs 16:2 - Krio Fɔs Oli Baybul

² I se Mozis fɔ tɛl in brɔda we na Erɔn se nɔto ɔltɛm i fɔ jɛs de go biɛn di do klos we ɛŋ insay di ples we oli pas ɔl, we na de di Ak ɔf di Kɔvinant in kɔba de, ɔ nɔ so i go day bikɔs in kin apia insay klawd ɛn sidɔm de.

Lɛvitikɔs 16:2 Referans Kwoze

Ɛksodɔs 30:10

Erɔn fɔ pafɔm sɛrimɔni fɔ mek di ɔlta klin wan tɛm fɔ ia; i fɔ put di blɔd we kɔmɔt pan di animal we dɛn sakrifays fɔ sin pan di ɔn dɛn na di ɔlta. Dis ɔlta oli ɛn ɛni jɛnareshɔn we kam fɔ de pafɔm dis sɛrimɔni.

Di Ibru Pipul Dɛn 9:25

Di Ju edman we kin mek sakrifays fɔ pipul sin, kin go insay di sɛkɛn ples na di Bafa wan tɛm ɛvri ia; i kin kɛr bif blɔd go insay de, nɔto in yon blɔd. Bɔt na wan tɛm nɔmɔ Krays go na di ples we Gɔd de ɛn sakrifays insɛf to Gɔd. I nɔ du dat pas wan tɛm.

Matyu 27:51

Di tik tik kɔtin we bin ɛŋ na Gɔd in Os chɛr tu, frɔm ɔp sote kam dɔŋ. Di grɔn shek, dɔn di big ston dɛn brok.

2 Kronikuls 5:14

we mek di man dɛn we de mek sakrifays fɔ pipul sin nɔ bin ebul tinap fɔ du dɛn wok, fɔseka di klawd; bikɔs PAPA GƆD in glori ful PAPA GƆD in os.

1 Kiŋ 8:6

Di man dɛn we de mek sakrifays fɔ pipul sin put di Kɔvinant Bɔks insay PAPA GƆD in os na di say we oli pas ɔl, midul di chɛryubim dɛn fɛda.

Di Ibru Pipul Dɛn 9:3

Wɛn yu pas di sɛkɛn big tik kɔtin, wan ɔda pat bin de we dɛn kɔl “Di ples we Gɔd de pas ɛni ɔda ples.”

Di Nɔmba Dɛm 17:10

PAPA GƆD tɛl Mozis fɔ put Erɔn in wɔkinstik bak na di tɛnt usay i bin de. I se, “Dis go lɛ di pipul dɛn blo fɔ grɔmbul pan mi mek dɛn nɔ day.

Di Nɔmba Dɛm 4:19

I se, dɛn fɔ mek shɔ se ivin we dɛn go nia di tin dɛn we oli pas ɔl, dɛn nɔ day. Erɔn ɛn in bɔypikin dɛn fɔ go insay di Tɛnt ɛn gi ɔlman wetin i fɔ du.

Lɛvitikɔs 23:27

di tɛn de na di sɛvin mɔnt na de we na fɔ fɔgiv sin, so i fɔ bi tɛm we dɛn fɔ gɛda fɔ wɔship PAPA GƆD ɛn na di de we dɛn fɔ fast ɛn mek ɔfrin to PAPA GƆD na faya.

Lɛvitikɔs 16:13

ɛn put di insɛns na di faya bifo PAPA GƆD, so dat di tik smok we di insɛns go pul go kɔba di Ak ɔf di Kɔvinant in kɔba, ɔ nɔ so Erɔn go day if i si di Ak ɔf di Kɔvinant in kɔba;

Lɛvitikɔs 8:35

I se, na di tɛnt usay dɛn kin mit PAPA GƆD in domɔt dɛn fɔ de ol de ɛn nɛt fɔ sɛvin de, de du ɔl wetin PAPA GƆD dɔn gi dɛn fɔ du, ɔ nɔ so dɛn go day.

Di Ibru Pipul Dɛn 6:19

Wetin wi de put ɔl wi at pan tan lɛkɛ anka fɔ wi layf, we de mek wi tinap traŋa. Na fɔseka dat, wi go go insay insay di ples we Gɔd de na ɛvin, ɛn wi go pas di big tik kɔtin we ɛŋ ɛn kɔba di ples we Gɔd de.

Di Ibru Pipul Dɛn 9:5

Oba di bɔks dɛn bin gɛt sɔm krichɔ we gɛt fɛda fɔ sho pipul se Gɔd de na da ples de. Di krichɔ dɛn fɛda kɔba Gɔd in chia we i sidɔm fɔ padin pipul dɛn sin. Bɔt nɔto naw wi go ɛksplen ɔl dɛn tin ya to una gud.

Rɛvɛleshɔn 15:8

Smok we sho Gɔd in pawa ɛn we sho aw i wɔndaful bin ful di ples, ɛn nɔbɔdi nɔ bin ebul go insay di ples te di sɛvin bad bad tin dɛn we di enjɛl dɛn bin briŋ, bin dɔn dɔn.

Di Nɔmba Dɛm 4:5

We di kamp fɔ muf, Erɔn ɛn in bɔypikin dɛn fɔ pul di klos we kin kɔba di ak ɛn ɛŋ am pan am.

1 Kiŋ 6:16

I kɔt wan rum insay de we i se na de fɔ oli pas ɔl. Di rum in mɛzhɔmɛnt na tati fut. Na sida bod i yuz fɔ patishɔn am frɔm di grɔn te go ɔp di silin.

Lɛvitikɔs 16:34

Na di lɔ dɛn dis we go de na ɔl di jɛnareshɔn dɛn te go. Na fɔ de beg PAPA GƆD padin fɔ di Izrɛlayt dɛn sin dɛn wan tɛm fɔ ia. Mozis du wetin PAPA GƆD tɛl am fɔ du.

Di Nɔmba Dɛm 18:7

Bɔt na yu ɛn yu bɔypikin dɛn nɔmɔ fɔ de as man dɛn we de mek sakrifays fɔ pipul sin ɛn we gɛt ɛnitin fɔ du wit di ɔlta ɛn di Tɛnt. A de mek una bi man dɛn we de mek sakrifays fɔ pipul sin as prɛzɛnt to una. Dɛn fɔ kil ɛni ɔda pɔsin we kam nia di Tɛnt.