Lɛvitikɔs 16:16 - Krio Fɔs Oli Baybul

¹⁶ na so i go mek di ples we oli pas ɔl klin na PAPA GƆD yay ɛn mek am fit fɔ de beg PAPA GƆD padin de fɔ we di Izrɛlayt dɛn nɔ du wetin rayt we na wetin PAPA GƆD want ɛn na so i go du wit di wanol tɛnt usay dɛn kin mit PAPA GƆD we na rawnd am di Izrɛlayt dɛn de sin.

Lɛvitikɔs 16:16 Referans Kwoze

Lɛvitikɔs 16:18

Afta dat, i go go to di ɔlta we na de dɛn de mek sakrifays bifo PAPA GƆD ɛn mek am fit fɔ sakrifays bifo PAPA GƆD. I go tek sɔm pan di man kaw ɛn di got dɛn blɔd ɛn put dɛn pantap di ɔn dɛn rawnd di ɔlta.

Lɛvitikɔs 8:15

Mozis kil am ɛn tek sɔm pan di blɔd wit in fiŋa ɛn put am pan di ɔn dɛn rawnd di ɔlta ɛn tɔn di balans blɔd na di bɔtɔm pat na di ɔlta fɔ sho se i dɔn pul di sin kɔmɔt de ɛn dɔn mek i fit fɔ de beg PAPA GƆD padin de.

Jɔn 14:3

Ɛn afta a dɔn rɛdi di ples fɔ una, a go kam bak fɔ kam tek una go na di ples we a de, so dat unasɛf go lib de.

Di Ibru Pipul Dɛn 2:17

Na dat mek, i bin tan lɛkɛ aw in brɔda dɛn tan pan ɔltin, so dat i go sɔri fɔ dɛn ɛn wok fɔ Gɔd wit ɔl in at, lɛkɛ di edman we de mek sakrifays fɔ pipul sin, we i bi, so dat i go padin ɔl Gɔd in pipul dɛn sin.

Ɛksodɔs 30:10

Erɔn fɔ pafɔm sɛrimɔni fɔ mek di ɔlta klin wan tɛm fɔ ia; i fɔ put di blɔd we kɔmɔt pan di animal we dɛn sakrifays fɔ sin pan di ɔn dɛn na di ɔlta. Dis ɔlta oli ɛn ɛni jɛnareshɔn we kam fɔ de pafɔm dis sɛrimɔni.

Lɛvitikɔs 16:17

We Erɔn go insay di ples we oli pas ɔl fɔ go beg padin fɔ insɛf, in wanol os ɛn di ɔda Izrɛlayt dɛn, nɔbɔdi nɔ fɔ de de.

Lɛvitikɔs 23:27

di tɛn de na di sɛvin mɔnt na de we na fɔ fɔgiv sin, so i fɔ bi tɛm we dɛn fɔ gɛda fɔ wɔship PAPA GƆD ɛn na di de we dɛn fɔ fast ɛn mek ɔfrin to PAPA GƆD na faya.

Di Nɔmba Dɛm 17:11

Mozis insɛf du jɛs lɛkɛ aw PAPA GƆD bin dɔn tɛl am.

Di Nɔmba Dɛm 28:15

Apat frɔm di sakrifays we dɛn de bɔn ɔltɛm wit in drink sakrifays, dɛn fɔ gi PAPA GƆD wan man got we fɔ bi sin sakrifays