Lɛvitikɔs 16:12 - Krio Fɔs Oli Baybul

¹² Dɛn i go tek di pan we dɛn kin bɔn insɛns we dɛn dɔn ful wit faya kol we dɛn pul na di ɔlta go bifo PAPA GƆD, wit tu an insɛns we dɛn dɔn gren fayn ɛn we gɛt fayn sɛnt ɛn kɛr dɛn ɔltu go na di ples we oli pas ɔl

Lɛvitikɔs 16:12 Referans Kwoze

Lɛvitikɔs 10:1

Nedab ɛn Abiu, we na tu pan Erɔn in bɔypikin dɛn ɔltu tek di pan we dɛn kin bɔn insɛns ɛn put faya insay am, ɛn put insɛns insay am ɛn gi faya we PAPA GƆD nɔ tɛl dɛn fɔ du.

Di Nɔmba Dɛm 16:46

Dɔn Mozis tɛl Erɔn mek i tek in pɔt fɔ bɔn insɛns, put insɛns insay wit faya we kɔmɔt na di ɔlta ɛn rɔn go to di pipul dɛn go beg PAPA GƆD fɔ padin dɛn sin. I tɛl am se PAPA GƆD dɔn bigin fɔ sho aw i vɛks ɛn bad bad sik dɔn bigin we go kil di pipul dɛn.

Di Nɔmba Dɛm 16:18

Dɛn ɔl put faya insay wit insɛns ɛn tinap wit Mozis ɛn Erɔn na di Tɛnt usay dɛn kin mit PAPA GƆD in domɔt.

Ɛksodɔs 31:11

di ɔyl fɔ anɔynt, kɔnsikret ɛn Ɔden ɛn di insɛns we gɛt fayn smɛl fɔ di oli ples. Yu fɔ tɛl dɛn fɔ mek ɔl dɛn tin ya we a dɔn tɛl yu fɔ mek.”

Di Ibru Pipul Dɛn 9:14

If di bif dɛn blɔd bin gɛt pawa fɔ klin pipul, dat min se, Krays in blɔd gɛt pawa pas di bif dɛn blɔd fɔ klin wi at. I tek insɛf we nɔ sin wande, mek sakrifays fɔ wi, ɛn na Gɔd in Spirit we de sote go gi am pawa fɔ sakrifays insɛf. Fɔseka dat, Krays mek wi at klin, so dat wi nɔ go du bad igen we go mek wi day, bɔt wi go sav Gɔd we gɛt layf sote go.

Jɔn In Fɔs Lɛta 1:7

Bɔt if wi de waka na di layt lɛkɛ we in na di layt, wi jɔyn an wit wi kɔmpin dɛn; Gɔd in Pikin, dat na Jizɔs, in blɔd go pul ɔl wi sin kɔmɔt pan wi ɛn mek wi klin.

Ɛksodɔs 37:29

I mek di oli ɔyl fɔ anɔynt ɛn di piɔ swit-smɛl insɛns we gɛt ɔl kayn fayn mikschɔ

Di Ibru Pipul Dɛn 9:7

Bɔt na di edman we bin de mek sakrifays fɔ pipul sin, in wangren kin go insay di sɛkɛn ples we de insay insay, wan tɛm fɔ ia. Na di tɛm dat we i kin tek bif blɔd mek sakrifays to Gɔd fɔseka in yon sin, dɛn i kin mek sakrifays fɔ ɔl di ɔda pipul dɛn sin we dɛn nɔ bin no se na sin.

Rɛvɛleshɔn 8:5

Dɛn di enjɛl tek di insɛns pɔt, i tek faya na di tebul we dɛn bin de mek sakrifays to Gɔd, put am insay di insɛns pɔt, dɔn i trowe am pan di wɔl. Na de tɛnda bigin krak, laytin bigin kɔt, big big nɔys bigin mek ɛn di grɔn bigin trimbul.

Ditarɔnɔmi 33:10

Dɛn tich yu pipul dɛn fɔ obe yu lɔ dɛn; Dɛn mek sakrifays na yu ɔlta.