Lɛvitikɔs 16:10 - Krio Fɔs Oli Baybul

¹⁰ bɔt i go gi PAPA GƆD di got we i fɔ lɛf fɔ go layv wan. I go beg padin wit am ɛn sɛn am go to Azazɛl na di say we pɔsin nɔ go ebul tap.

Lɛvitikɔs 16:10 Referans Kwoze

Jɔn In Fɔs Lɛta 2:2

Na bikɔs Krays sakrifays insɛf mek Gɔd de padin wi sin dɛn, ɛn nɔto wi yon sin dɛn nɔmɔ Gɔd de padin, i de padin ɔlman sin.

Jɔn In Fɔs Lɛta 3:16

Na dis mek wi no wetin lɛk min: Krays sakrifays in layf fɔseka wi. Semwe so, wisɛf fɔ sakrifays wi layf fɔseka wi kɔmpin mɔtalman!

2 Kɔrint 5:21

Krays nɔ bin gɛt sin, bɔt fɔ sev wi, Gɔd put wi sin dɛn pan am, so dat we wi gɛt wanwɔd wit am, ɔltin go rayt bitwin wi ɛn Gɔd.

Lɛta Fɔ Rom 4:25

Gɔd bin gri fɔ mek Jizɔs day fɔseka wi sin dɛn, ɛn i mek Jizɔs rayz frɔm di grev so dat i kin mek ɔltin rayt bitwin wi ɛn Gɔd.

Lɛta Fɔ Rom 3:25

Gɔd sakrifays Jizɔs Krays fɔ padin mɔtalman sin bay di day we Jizɔs Krays day, ɛn if mɔtalman biliv pan am. Gɔd du dat fɔ sho se in de du rayt ɔltɛm. Fɔs tɛm, i bin de bia wit mɔtalman ɛn i nɔ bin de pɔnish dɛn fɔ ɛni bad we dɛn du;

Lɛvitikɔs 14:7

ɛn i go sprinkul am sɛvin tɛm pan di man we gɛt di bad sik; dɔn di man we de mek sakrifays fɔ pipul sin go lɛ ɔlman no se i klin na PAPA GƆD yay ɛn i go lɛf di layf bɔd fɔ flay go usay i want.

Lɛvitikɔs 16:8

ɛn Erɔn go fɛnɔt to PAPA GƆD fɔ disayd udat gɛt uswan pan di got dɛn; uswan na fɔ PAPA GƆD ɛn uswan fɔ bi fɔ Azazɛl.

Lɛvitikɔs 16:9

We Erɔn go dɔn no uswan fɔ bi fɔ PAPA GƆD, i go gi PAPA GƆD as sin ɔfrin;