Lɛvitikɔs 15:8 - Krio Fɔs Oli Baybul

⁸ If di pɔsin we de pul wata insay am pit pan ɔda pɔsin we klin na PAPA GƆD yay, dɛn da pɔsin de insɛf fɔ go was in klos dɛn, was in bɔdi ɛn nɔ klin na PAPA GƆD yay te ivintɛm.

Lɛvitikɔs 15:8 Referans Kwoze

Jud In Lɛta 1:4

A de tɛl una dat bikɔs sɔm pipul we nɔ gɛt Gɔd na dɛn at dɔn kam miks wit una sikrit wan; dɛn se bikɔs Gɔd gud, dɛn kin du ɛni kayn tin, ɛn Gɔd nɔ go kɔndɛm dɛn; dɛn tɔn dɛn bak pan wi wangren Masta Jizɔs Krays. Na lɔn, lɔntɛm, Gɔd in Buk bin dɔn tɔk se Gɔd go kɔndɛm dɛn pipul ya.

Ayzaya 1:16

Una was una sɛf; una mek una sɛf klin na mi yay; una pul di bad bad dɛn pan wetin una de du kɔmɔt bifo mi; una tap fɔ du bad

Jems 4:8

Una kam klos Gɔd ɛn i go kam klos una. Una dɛn sina, una lɛf fɔ sin. Una dɛn ipokrit, una pul dɛn bad tin kɔmɔt na una at.

Lɛvitikɔs 15:7

If pɔsin tɔch in bɔdi sɛf, i fɔ was in klos dɛn, was insɛf ɛn nɔ klin na PAPA GƆD yay te ivintɛm.

Lɛvitikɔs 15:9

If i sidɔm pan ɛnitin we i de rayd in ɔs, di tin insɛf nɔ klin na PAPA GƆD yay.

Lɛvitikɔs 11:24

I se if dɛn du dɛn tin ya, dɛn nɔ go klin na PAPA GƆD yay: ɛnibɔdi we tɔch di animal ɔ insɛkt in day wan nɔ go klin na PAPA GƆD yay te ivintɛm,

Di Nɔmba Dɛm 19:22

Ɛnitin we di pɔsin we nɔ klin tɔch, nɔ go klin ɛn ɛnibɔdi we tɔch da tin de insɛf nɔ go klin te ivintɛm.