Lɛvitikɔs 14:8 - Krio Fɔs Oli Baybul

⁸ Di man we bin gɛt di bad sik go was in klos dɛn, krep in ed ɛn was in bɔdi, dɔn i go klin na PAPA GƆD yay; ɛn na afta dat i go go insay di kamp, bɔt i go wet na do fɔ sɛvin de mɔ bifo i go insay in tɛnt.

Lɛvitikɔs 14:8 Referans Kwoze

Lɛvitikɔs 11:25

ɛn if ɛnibɔdi tot ɛni pat pan dɛn day wan, i fɔ was in klos ɛn i nɔ go klin na PAPA GƆD yay te ivintɛm.

Pita In Fɔs Lɛta 3:21

Di wata na fɔ sho wi aw Gɔd go mek sin nɔ gɛt pawa oba dɛn Kristiɛn we baptayz, lɛkɛ aw una dɔn baptayz ɛn dat dɔn mek sin nɔ gɛt pawa oba una igen. Fɔ baptayz, nɔto fɔ pul dɔti kɔmɔt na di bɔdi, bɔt na di prɔmis we wi prɔmis Gɔd se wi go waka tret wit am so dat wi go no se wi nɔ gilti. Na we Jizɔs Krays rayz frɔm di grev mek di baptayz we una baptayz sev una.

Di Nɔmba Dɛm 8:7

Fɔ mek dɛn klin na mi yay, na dɛn tin ya yu fɔ du: sprinkul di spɛshal wata pan dɛn we fɔ yuz fɔ klin dɛn, dɔn mek dɛn shev dɛn wanol bɔdi ɛn was dɛn klos dɛn. Na so dɛn go mek dɛnsɛf klin na mi yay.

Rɛvɛleshɔn 7:14

A ansa am se, “Mi nɔ no dɛn, sa. Na yu no dɛn, sa.” Na de i se, “Dɛn pipul ya na dɛn wan we bin tinap traŋa wɛn da big trɔbul bin fɔdɔm. Dɛn dɔn tek di Ship in blɔd was dɛn klos, mek dɛn wayt.

2 Kronikuls 26:21

Kiŋ Uzaya na bin lɛpa te i day. Bikɔs in na bin lɛpa, i bin de na sɛpret os, bikɔs dɛn nɔ bin de alaw am fɔ go na PAPA GƆD in os. Na Jotam we na di kiŋ in bɔypikin bin de inchaj ɔf di kiŋ in os, de rul di pipul dɛn na di kɔntri.

Lɛvitikɔs 14:20

dɛn di man we de mek sakrifays fɔ pipul sin go gi di bɔn ɔfrin ɛn di sid ɔfrin na di ɔlta. Na so di man we de mek sakrifays fɔ pipul sin go beg padin fɔ am ɛn i go klin na PAPA GƆD yay.

Lɛvitikɔs 14:9

Afta di sɛvin de dɔn pas i go krep in ed bak, shev in biabia, ɛn pul ɔl di ia we de nain yay. Dɛn i go was in klos dɛn ɛn was in bɔdi bak bifo i klin prɔpa wan na PAPA GƆD yay.

Lɛvitikɔs 8:6

Dɛn i mek Erɔn ɛn in bɔypikin dɛn tinap frɔnt ɔlman ɛn mek lɛk dɛn de was dɛnsɛf.

Ɛksodɔs 19:14

So Mozis insɛf go dɔŋ di mawnten to di pipul dɛn. I mek dɛn mek dɛn bɔdi piɔ ɛn was dɛn klos.

Ɛksodɔs 19:10

PAPA GƆD tɔk bak to Mozis, I se, “Go dɔŋ to di pipul dɛn ɛn tɛl dɛn se lɛ dɛn kip dɛnsɛf piɔ ɛn oli. Dɛn fɔ du dat tide ɛn tumara: ɛn lɛ dɛn was dɛn klos ɛn

Lɛvitikɔs 15:13

We di pɔsin we de pul di wata lɛf fɔ pul wata, i go gi insɛf sɛvin de bifo i bigin du di tin dɛn we go mek i klin na PAPA GƆD yay, ɛn i go was in klos dɛn; ɛn was insɛf insay wata we de bɔs na grɔn bifo i go klin na PAPA GƆD yay.

Di Nɔmba Dɛm 6:9

PAPA GƆD se if pɔsin day usay di Nazirayt de we go mek di ia nain ed nɔ oli, we i de du di sɛrimɔni di sɛvin de, i fɔ shev di ia nain ed.

Ditarɔnɔmi 21:12

i kin tek am go nain os, ɛn di uman go krep ɔl in ia nain ed, ɛn kɔt ɔl in fiŋanel ɛn tonel.