Lɛvitikɔs 14:7 - Krio Fɔs Oli Baybul

⁷ ɛn i go sprinkul am sɛvin tɛm pan di man we gɛt di bad sik; dɔn di man we de mek sakrifays fɔ pipul sin go lɛ ɔlman no se i klin na PAPA GƆD yay ɛn i go lɛf di layf bɔd fɔ flay go usay i want.

Lɛvitikɔs 14:7 Referans Kwoze

Izikɛl 36:25

A go sprinkul klin wata pan una, ɛn una go klin pan ɔl una dɔti dɛm, ɛn a go was una klin pan ɔl una lay lay gɔd dɛm.

Ayzaya 52:15

na so i go shɔk plɛnti neshɔn dɛm; kiŋ dɛn go sɛt dɛn mɔt fɔseka am; bikɔs di tin we dɛn nɔ ɛva tɛl dɛn bɔt, dɛn go si, ɛn na di tin we dɛn nɔ yɛri bɔt wande, dɛn go ɔndastand.

2 Kiŋ 5:14

So Neman insɛf go dɔŋ na Riva Jɔdan ɛn ib insɛf sɛvin tɛm lɛkɛ aw di prɔfɛt tɛl am fɔ du; nain i wɛl; in bɔdi smut so lɛkɛ dɛn smɔl pikin.

2 Kiŋ 5:10

Ilaɛlsha sɛn mɛsej to am se lɛ i go was na Riva Jɔdan sɛvin tɛm, dɔn i go wɛl.

Pita In Fɔs Lɛta 1:2

Na Gɔd, we na wi Papa, dɔn pik una, lɛkɛ aw i bin dɔn plan, ɛn Gɔd in Spirit dɔn mek una bi Gɔd yon pipul, so dat una go du wetin Jizɔs Krays tɛl una fɔ du, ɛn di day we Jizɔs Krays day na di krɔs go mek una klin na Gɔd yay. A de pre mek Gɔd sho una aw i gud ɛn mek i gi una kol at mɔ ɛn mɔ.

Di Ibru Pipul Dɛn 9:19

Lɔntɛm, Mozis bin tɛl ɔl di pipul dɛn ɔl di lɔ dɛn we Gɔd se dɛn fɔ fala. Mozis tɛl dɛn ɔl di lɔ dɛn fɔs, dɔn i tek gras we dɛn kɔl “isɔp” ɛn ship ia we dɛn kɔla wit rɛd, dɔk dɛn insay kaw blɔd ɛn insay wata, dɔn i ib ib am ɔlsay pan di Lɔ buk ɛn pan ɔl di pipul dɛn.

Di Ibru Pipul Dɛn 9:13

Fɔstɛm dɛn bin de tek got blɔd, man kaw blɔd, ɛn asis we kɔmɔt pan yɔŋ kaw we dɛn bɔn skata dɛn pan pipul we nɔ klin na Gɔd in yay, fɔ mek dɛn go klin.

Jɔn In Fɔs Lɛta 5:6

Jizɔs Krays wan kam na wɔl bay wata ɛn blɔd. I nɔ kam na wɔl bay wata nɔmɔ, i kam bay wata ɛn blɔd. Na Gɔd in Spirit mek wi no se dat na tru bikɔs in Spirit de tɔk tru.

Di Ibru Pipul Dɛn 12:24

Una dɔn kam to Jizɔs we bin mek di nyu agrimɛnt bitwin Gɔd ɛn mɔtalman. I dɔn mek una no bɔt in blɔd we was wi sin kɔmɔt pan wi. In blɔd pas Ebɛl yon blɔd, bikɔs i de du big wok fɔ wi pas Ebɛl in yon.

Di Ibru Pipul Dɛn 10:22

So, lɛ wi biliv pan Jizɔs Krays gud wan; lɛ wi kam klos Gɔd wit ɔl wi at, bikɔs Jizɔs in blɔd dɔn klin wi at; ɛn wi na pipul we dɔn was wi bɔdi na di klin wata.

Di Ibru Pipul Dɛn 9:26

If nɔto bin so, Krays bin fɔ sɔfa plɛnti tɛm frɔm di tɛm we Gɔd mek di wɔl. Bɔt i dɔn kam di fɔs ɛn las tɛm, naw we di wɔl de dɔn, fɔ sakrifays insɛf, so dat i go pul sin kɔmɔt na wi layf, wan tɛm fɔ ɔl.

Di Ibru Pipul Dɛn 9:21

Semwe so, Mozis bin ib ib di blɔd pan di Bafa we dɛn bin de mek sakrifays to Gɔd ɛn pan ɔl dɛn tin we dɛn kin yus wɛn dɛn de pre to Gɔd.

Jɔn 19:34

Wan pan di soja man dɛn tek lɔŋ nɛf ɛn chuk Jizɔs in sayd, blɔd ɛn wata bɔs kɔmɔt de wantɛm.

Mayka 7:19

I go sɔri fɔ ɔlman ɛn mek lɛk se dɛn nɔ du natin.

Daniɛl 9:24

“Dɛn dɔn put sɛvinti tayms sɛvin ia, we na lɔ fɔseka una oli siti ɛn yu pipul dɛn, fɔ tap wikɛdnɛs, fɔ tap sin, ɛn fɔ pe fɔ di bad bad tin dɛn, lɛ pipul de waka tret ɔltɛm, fɔ kɔba di vishɔn ɛn di prɔfɛt ɛn fɔ pre fɔ wan ples we go oli pas ɔl mek i go klin.

Di Sam Dɛm 51:7

Pul mi fɔlt pan mi ɛn was mi klin; mek a wayt lɛk shatin.

Di Sam Dɛm 51:2

Was mi sin kɔmɔt pan mi lɛk aw pɔsin de was dɔti kɔmɔt na plet, ɛn mek mi klin.

Lɛvitikɔs 16:22

Di got go tot ɔl di Izrɛlayt dɛn sin go na ples we pipul nɔ de ɛn di man go lɛf am na di ples we pɔsin nɔ go ebul tap.

Lɛvitikɔs 16:19

I go sprinkul sɔm pan di blɔd wit in fiŋa sɛvin tɛm pan am ɛn na so i go mek am klin na PAPA GƆD yay bak fɔ di Izrɛlayt dɛn.

Lɛvitikɔs 16:14

ɛn i go tek sɔm pan di man kaw in blɔd ɛn sprinkul am wit in fiŋa frɔnt di say we di Ak ɔf di Kɔvinant in kɔba de ɛn sprinkul am sɛvin tɛm pan di Ak ɔf di Kɔvinant insɛf.

Lɛvitikɔs 14:51

ɛn i go tek di sida wud, di dak rɛd pisis ɛn di isɔp, wit di layf bɔd dɔk dɛn insay di wan we dɛn bin kil in blɔd, ɛn insay di klin wata we de bɔs na grɔn ɛn sprinkul am na di os sɛvin tɛm.

Lɛvitikɔs 13:17

ɛn i go ɛgzamin am, dɔn if di mak we bin opin dɔn tɔn wayt, dɛn i klin na PAPA GƆD yay ɛn di man we de mek sakrifays fɔ pipul sin go lɛ ɔlman no se i klin na PAPA GƆD yay.

Lɛvitikɔs 13:13

i fɔ ɛgzamin am bak, ɛn if i fɛnɔt se di sik dɔn kɔba di pɔsin in wanol bɔdi, i go lɛ ɔlman no se i klin na PAPA GƆD yay, ɔlsay dɔn wayt nain bɔdi ɛn i klin na PAPA GƆD yay.

Lɛvitikɔs 8:11

Ɛn i sprinkul sɔm pan di ɔyl pan di ɔlta sɛvin tɛm, dat na di tin dɛn we dɛn de yuz ɛn di besin wit in bes we de midul di tɛnt usay dɛn kin mit PAPA GƆD, ɛn di ɔlta, so dat i kin sho se na PAPA GƆD gɛt dɛn.

Lɛvitikɔs 4:17

ɛn di man we de mek sakrifays fɔ pipul sin, go dɔk di fiŋa we i de tek pɔynt insay di blɔd ɛn sprinkul am sɛvin tɛm bifo PAPA GƆD, frɔnt di klos we ɛŋ.

Lɛvitikɔs 4:6

ɛn di man we de mek sakrifays fɔ pipul sin, go dɔk di fiŋa we i de tek pɔynt ɛn sprinkul sɔm pan di blɔd sɛvin tɛm bifo PAPA GƆD, bifo di klos we ɛŋ na di sankchwari.

Di Nɔmba Dɛm 19:12

I fɔ was wit di wata di de we mek tri ɛn di de we mek sɛvin dɔn i go klin. If i nɔ was wit di wata di de we mek tri ɛn di de we mek sɛvin, dɔn i nɔ go klin.