Lɛvitikɔs 14:6 - Krio Fɔs Oli Baybul

⁶ I go tek di layf bɔd wit di sida wud, di dak rɛd pisis ɛn di isɔp, dɔk dɛn ɛn di layf bɔd insay di wan we dɛn bin kil usay klin wata de bɔs na grɔn;

Lɛvitikɔs 14:6 Referans Kwoze

Rɛvɛleshɔn 1:18

Na mi gɛt layf naw. A bin dɔn day bɔt a dɔn gɛt layf bak, ɛn a go gɛt layf sote go; na mi gɛt pawa oba day ɛn na mi ol di ki fɔ di say we dɛn spirit we dɔn kɔmɔt na dis wɔl de.

Rɛvɛleshɔn 1:5

mek Jizɔs Krays insɛf, we wi kin trɔs, ɛn we de tɛl pipul wetin tru ɔltɛm, sho una aw i gud ɛn gi una kol at. Nain fɔs Gɔd mek rayz frɔm di grev. Ɔl dɛn wan we de rul na dis wɔl de ɔnda am. I lɛk wi ɛn i day fɔseka wi so dat i kin lus wi kɔmɔt pan di tay we wi sin tay wi,

Di Ibru Pipul Dɛn 1:3

I de sho pipul Gɔd in wɔndaful pawa. Wɛn una si di Pikin, una dɔn si Gɔd, ɛn na di Pikin in wɔd we gɛt pawa de mek ɔltin na di wɔl de aw dɛn fɔ de. Afta di Pikin dɔn pul mɔtalman sin kɔmɔt pan dɛn, so dat dɛn go klin na Gɔd yay, i go na ɛvin ɛn sidɔm na Gɔd we de rul ɔltin, in raytan.

Lɛta Fɔ Rom 5:10

Wi na pipul we nɔ bin lɛk Gɔd, bɔt Gɔd briŋ wi kam bak to insɛf bay di day we in Pikin day; naw we wi dɔn kam bak to Gɔd, wi fɔ no fɔ tru se Gɔd go sev wi bikɔs in Pikin dɔn rayz frɔm di grev.

Lɛta Fɔ Rom 4:25

Gɔd bin gri fɔ mek Jizɔs day fɔseka wi sin dɛn, ɛn i mek Jizɔs rayz frɔm di grev so dat i kin mek ɔltin rayt bitwin wi ɛn Gɔd.

Jɔn 14:19

I nɔ go te igen, di pipul dɛn na wɔl nɔ go si mi igen, bɔt una go si mi; ɛn bikɔs a gɛt layf, unasɛf go gɛt di tru layf.

Zɛkaraya 13:1

Da de de, wan fawnten go de we di pipul na Devid in os ɛn di pipul dɛn we tap na Jerusɛlɛm go go so dat dɛn go mek dɛnsɛf klin na PAPA GƆD yay ɛn dɛn sin go kɔmɔt.

Lɛvitikɔs 14:4

di man we de mek sakrifays fɔ pipul sin go tɛl sɔmbɔdi fɔ briŋ tu layf bɔd we PAPA GƆD se dɛn kin it, wit sida wud, dak rɛd pisis ɛn wan isɔp plant fɔ di man;

Lɛvitikɔs 14:5

di man we de mek sakrifays fɔ pipul sin go tɛl dɛn fɔ kil wan pan di bɔd dɛn oba bekin pɔt usay klin wata de bɔs na grɔn.

Di Sam Dɛm 51:7

Pul mi fɔlt pan mi ɛn was mi klin; mek a wayt lɛk shatin.

Lɛvitikɔs 14:50

ɛn i fɔ kil wan pan di bɔd dɛn oba kɔntri pɔt usay klin wata de bɔs na grɔn,