Lɛvitikɔs 14:4 - Krio Fɔs Oli Baybul

⁴ di man we de mek sakrifays fɔ pipul sin go tɛl sɔmbɔdi fɔ briŋ tu layf bɔd we PAPA GƆD se dɛn kin it, wit sida wud, dak rɛd pisis ɛn wan isɔp plant fɔ di man;

Lɛvitikɔs 14:4 Referans Kwoze

Di Nɔmba Dɛm 19:6

Di man we de mek sakrifays fɔ pipul sin fɔ tek sɔm sida wud, Isɔp lif, ɛn rɛd wul sɛn am pan di yɔŋ uman kaw we i de bɔn.

Di Ibru Pipul Dɛn 9:19

Lɔntɛm, Mozis bin tɛl ɔl di pipul dɛn ɔl di lɔ dɛn we Gɔd se dɛn fɔ fala. Mozis tɛl dɛn ɔl di lɔ dɛn fɔs, dɔn i tek gras we dɛn kɔl “isɔp” ɛn ship ia we dɛn kɔla wit rɛd, dɔk dɛn insay kaw blɔd ɛn insay wata, dɔn i ib ib am ɔlsay pan di Lɔ buk ɛn pan ɔl di pipul dɛn.

Lɛvitikɔs 14:6

I go tek di layf bɔd wit di sida wud, di dak rɛd pisis ɛn di isɔp, dɔk dɛn ɛn di layf bɔd insay di wan we dɛn bin kil usay klin wata de bɔs na grɔn;

Di Sam Dɛm 51:7

Pul mi fɔlt pan mi ɛn was mi klin; mek a wayt lɛk shatin.

Ɛksodɔs 12:22

I se dɛn fɔ dren di animal we dɛn kil in blɔd insay wan bol. Dɛn dɛn fɔ tek sɔm branch pan di Isɔp tik ɛn dip am insay di blɔd. Dɔn dɛn fɔ tek di branch ɛn rɔb di blɔd na di domɔt in frem, dat na di tu we tinap tret ɛn di wan we krɔs pantap. I se nɔbɔdi nɔ fɔ kɔmɔt insay in os kam na do pas te na mɔnin,

Di Nɔmba Dɛm 19:18

Dɛn wan man we klin na PAPA GƆD yay fɔ tek sɔm pan di Isɔp lif, dip am insay di wata ɛn sprinkul am na di tɛnt pan ɔl di tin dɛn we de de, ɛnibɔdi we de de ɛn pan ɛnibɔdi we dɔn tɔch mɔtalman bon ɔ ɛni grev ɔ sɔmbɔdi we dɛn dɔn kil ɔ sɔmbɔdi we day nachɔral wan.

Lɛvitikɔs 12:8

If i nɔ mitɔp fɔ bay di yɔŋ ship, dɛn i go kɛr tu yɔŋ bush pijin ɔ tu ɔdinari pijin, wan fɔ di bɔn ɔfrin ɛn di ɔda wan fɔ di sin ɔfrin; ɛn di man we de mek sakrifays fɔ pipul sin go beg padin fɔ am ɛn i go klin na PAPA GƆD yay.

Lɛvitikɔs 5:7

Bɔt if i nɔ mitɔp fɔ gi yɔŋ ship, dɛn i fɔ gi tu bush pijin ɔ tu yɔŋ ɔdinari pijin as in yon ɔfrin we i de gi to PAPA GƆD, wan as sin ɔfrin ɛn di ɔda wan as bɔn ɔfrin.

Lɛvitikɔs 1:14

If na bɔd dɛn na di ɔfrin to PAPA GƆD, na bush pijin wit ɔdinari pijin fɔ gi.

Lɛvitikɔs 14:5

di man we de mek sakrifays fɔ pipul sin go tɛl dɛn fɔ kil wan pan di bɔd dɛn oba bekin pɔt usay klin wata de bɔs na grɔn.