Lɛvitikɔs 14:12 - Krio Fɔs Oli Baybul

¹² Ɛn di man we de mek sakrifays fɔ pipul sin go tek wan pan di yɔŋ man ship ɛn gi PAPA GƆD as sɔntin we i fɔ gi PAPA GƆD, wit di af paynt ɔliv ɔyl, ɛn wev dɛn as spɛshal prɛzɛnt to PAPA GƆD;

Lɛvitikɔs 14:12 Referans Kwoze

Ɛksodɔs 29:24

Put ɔl dɛn tin ya na Erɔn in bɔypikin dɛn an, ɛn mek dɛn es dɛn ɔp to mi as dɛn yon spɛshal gift to mi PAPA GƆD.

Ayzaya 53:10

Bɔt ɔl dat, na bin PAPA GƆD in plan fɔ mek dɛn brus am; I mek i sɔfa; we i mek insɛf di sakrifays fɔ sin, I go si in pikin dɛn, I go mek i gɛt lɔŋ layf; PAPA GƆD in plan go sɔksid nain an;

Ɛksodɔs 29:22

Pul di man ship in fat, di tel wit in fat ɛn di fat we de pan in gɔt, di bɛst pat pan di liva, di tu kidni wit di fat we de pan dɛn wit di rayt bakfut, ɛn put dɛn wansayna bikɔs na di animal we dɛn de yuz fɔ ɔdineshɔn.

Ɛksodɔs 29:26

Wɛn yu dɔn du dat dɔn, tek di chɛst pan di ship we yu yuz fɔ mek sakrifays fɔ Erɔn ɛn es am ɔp to mi PAPA GƆD as sakrifays, dɔn yu kin tek am naw fɔ yusɛf.

Lɛvitikɔs 14:10

Di de we mek et, i go tek tu yɔŋ manship we nɔ gɛt bɔt, wan yɔŋ uman ship we nɔ gɛt bɔt ɛn fayv pawn flawa we miks wit ɔyl, fɔ sid ɔfrin ɛn af paynt ɔliv ɔyl.

Lɛvitikɔs 14:11

Ɛn di man we de mek sakrifays fɔ pipul sin go mek di man we bin gɛt di bad sik tinap wit ɔl in ɔfrin bifo PAPA GƆD na di tɛnt usay dɛn kin mit PAPA GƆD in domɔt.

Lɛvitikɔs 14:19

Di man we de mek sakrifays fɔ pipul sin go gi di animal fɔ di sin ɔfrin so dat i go beg padin fɔ di man we wan klin na PAPA GƆD yay. Ɛn we i dɔn i go kil di wan fɔ di bɔn ɔfrin;

Lɛvitikɔs 5:15

if pɔsin do in kɔmpin tin we mi i nɔ go biliv am igen bay mistek, i fɔ gi PAPA GƆD wan manship we nɔ gɛt bɔt as di ɔfrin we i fɔ mek ɛn in valyu fɔ tan lɛk di shɛkɛl silva in wet we dɛn de yus na di sankchwari; dat na gilt ɔfrin.