Lɛvitikɔs 13:6 - Krio Fɔs Oli Baybul

⁶ dɔn we da sɛvin de de insɛf dɔn, i go ɛgzamin am bak, ɛn if di mak mek lɛk i lɔs ɛn nɔ prɛd nain bɔdi, dɛn di man we de mek sakrifays fɔ pipul sin go lɛ ɔlman no se di pɔsin klin na PAPA GƆD yay; na smɔl mak nɔmɔ i bin gɛt nain bɔdi we nɔ fɔ fred; dɛn i go was in klos nɔmɔ ɛn i go klin na PAPA GƆD yay.

Lɛvitikɔs 13:6 Referans Kwoze

Lɛvitikɔs 11:25

ɛn if ɛnibɔdi tot ɛni pat pan dɛn day wan, i fɔ was in klos ɛn i nɔ go klin na PAPA GƆD yay te ivintɛm.

Lɛvitikɔs 14:8

Di man we bin gɛt di bad sik go was in klos dɛn, krep in ed ɛn was in bɔdi, dɔn i go klin na PAPA GƆD yay; ɛn na afta dat i go go insay di kamp, bɔt i go wet na do fɔ sɛvin de mɔ bifo i go insay in tɛnt.

Jems 3:2

Wi ɔl de du tin we nɔ rayt. Ɛnibɔdi we nɔba tɔk tin we nɔ rayt na pɔsin we nɔba du tin we nɔ rayt. I ebul kɔntrol ɔl pat pan in bɔdi.

Di Ibru Pipul Dɛn 10:22

So, lɛ wi biliv pan Jizɔs Krays gud wan; lɛ wi kam klos Gɔd wit ɔl wi at, bikɔs Jizɔs in blɔd dɔn klin wi at; ɛn wi na pipul we dɔn was wi bɔdi na di klin wata.

Di Ibru Pipul Dɛn 9:10

Ɔl dɛn tin ya na lɔ we tɔk bɔt tin fɔ it ɛn drink ɛn aw fɔ was dɛn tin we go mek pipul klin na Gɔd yay. Ɔl dɛn lɔ ya jɛs de fɔ dis wɔl, ɛn dɛn pawa go jɛs de sote di tɛm rich we Gɔd go chenj ɔltin.

2 Kɔrint 7:1

Mi padi dɛn, Gɔd dɔn mek ɔl dɛn prɔmis ya fɔ wi. So, lɛ wi nɔ du ɛnitin we go mek wi bɔdi ɔ wi spirit nɔ klin, lɛ wi liv fɔ Gɔd nɔmɔ, ɛn lɛ wi sho pipul se wi de fred Gɔd.

Lɛta Fɔ Rom 14:1

Una fɔ trit di pɔsin we nɔ biliv gud yet lɛkɛ una brɔda, una nɔ fɔ agyu wit am bɔt wetin i tink se rayt fɔ du.

Ayzaya 42:3

gras we de na watasay we dɔn wik, sɛf i nɔ go brok, wik we de bɔn lo wan na lamp, sɛf i nɔ go ɔt; i go waka tret wit PAPA GƆD fɔ mek ɔlman trit in kɔmpin di sem.

Ɛkliziastis 7:20

Na tru se nɔbɔdi nɔ de na wɔl we de du wetin PAPA GƆD want ɔltɛm ɛn nɔ de ɛva sin.

Prɔvabs 20:9

Udat na wɔl go es in an ɔp se in an klin, in nɔ de kɔmit wan sin?

Di Sam Dɛm 19:12

Wi mistek dɛn tan lɛk we pɔsin gɛt ɔmbak i nɔ de si in ɔmbak. Fɔgiv mi fɔ di sin we a de sin ɛn a nɔ no se na sin.

1 Kiŋ 8:45

ansa dɛn prea. Ansa dɛn na ɛvin ɛn gi dɛn viktri.

1 Kiŋ 8:38

if ɛnibɔdi pre to yu ɛn kɔnshɔs se in dɔn du bad, dɔn i tɔn to yu os ɛn es in an ɔp to yu,

Ditarɔnɔmi 32:5

Bɔt dɛn nɔ waka tret wi am, so dɛn nɔ fit fɔ bi in pipul, dɛn na sinful ɛn bɛn bɛn pipul.

Lɛvitikɔs 13:2

wɛn pɔsin wund nain bɔdi, ɔ gɛt bwɛl nain bɔdi, ɔ ɛni ɔda mak nain bɔdi, we go tɔn bad sik we i kin gi pɔsin, dɛn fɔ briŋ am to Erɔn ɔ wan pan di ɔda man dɛn we de mek sakrifays fɔ pipul sin,

Lɛvitikɔs 11:40

ɛn if pɔsin it pan di day wan, i fɔ was in klos ɛn i nɔ go klin na PAPA GƆD yay te ivintɛm; dɔn bak, di wan we tot di day bɔdi insɛf fɔ was in klos ɛn i nɔ go klin na PAPA GƆD yay te ivintɛm.

Lɛvitikɔs 11:28

ɛn if pɔsin tot dɛn day wan, i fɔ was in klos, dɔn i nɔ go klin na PAPA GƆD yay te ivintɛm; dɛn nɔ klin na PAPA GƆD yay.

Lɛvitikɔs 13:5

bɔt i fɔ ɛgzamin am bak di de we mek sɛvin ɛn if i tink se di mak nɔ prɛd go ɔda say, bɔt de lɛk aw i bin de, i fɔ lɛ i de fɔ ɔda sɛvin de i nɔ miks wit pipul;

Lɛvitikɔs 13:7

Bɔt if di mak we i gɛt nain bɔdi prɛd na di bɔdi afta i bin dɔn go to di man we de mek sakrifays fɔ pipul sin fɔ ɛgzamin am, i fɔ go bak to di man we de mek sakrifays fɔ pipul sin;