Lɛvitikɔs 13:25 - Krio Fɔs Oli Baybul

²⁵ di man we de mek sakrifays fɔ pipul sin go ɛgzamin am ɛn if di ia we de rawnd di mak dɔn tɔn wayt ɛn di mak go insay di bɔdi, dɛn na bad sik na di bɔdi we prɛd afta i dɔn bɔn na faya, ɛn di man we de mek sakrifays fɔ pipul sin go lɛ ɔlman no se i nɔ klin na PAPA GƆD yay;

Lɛvitikɔs 13:25 Referans Kwoze

Lɛvitikɔs 13:4

Bɔt if di mak we de na di bɔdi nɔ dip te go insay di bɔdi, ɛn di ia we de rawnd di mak nɔ wayt, di man we de mek sakrifays fɔ pipul sin nɔ fɔ mek di pɔsin miks wit ɔda pipul fɔ sɛvin de;

Ɛksodɔs 4:6

PAPA GƆD tɛl Mozis bak se, “Put yu an insay yu klos.” Mozis put in an insay in klos ɛn we i pul am na do, di an gɛt bad sik, na so i wayl

Lɛvitikɔs 13:24

I se, if na faya bɔn pɔsin in bɔdi ɛn i mek opin wan lɛk wund ɛn mek wayt ɔ rɛd,

Lɛvitikɔs 13:26

Bɔt if we di man we de mek sakrifays fɔ pipul sin ɛgzamin am, i si se di ia nain bɔdi nɔ wayt ɛn di mak nɔ go insay di bɔdi, bɔt mek lɛk i lɔs, dɛn di man we de mek sakrifays fɔ pipul sin nɔ fɔ mek i miks wit pipul fɔ sɛvin de;

Di Nɔmba Dɛm 12:10

Wɛn di klawd kɔmɔt pan di Tɛnt, Miriam bin lɛf tinap wit bad sik nain bɔdi. Na so i wayt lɛk shatin. We Erɔn tɔn luk am ɛn si se bad sik dɔn kɔba Miriam in bɔdi,

2 Kiŋ 5:27

Ilaɛlsha tɛl am se fɔ wetin i dɔn du, Neman in bad sik nain bɔdi go transfa pan in ɛn in jɛnareshɔn dɛn sote go. Frɔm da momɛnt de nain di sik kam pan Gɛazi, in bɔdi ɔl kam chenj ɛn wayt lɛk shatin.