Lɛvitikɔs 13:2 - Krio Fɔs Oli Baybul

² wɛn pɔsin wund nain bɔdi, ɔ gɛt bwɛl nain bɔdi, ɔ ɛni ɔda mak nain bɔdi, we go tɔn bad sik we i kin gi pɔsin, dɛn fɔ briŋ am to Erɔn ɔ wan pan di ɔda man dɛn we de mek sakrifays fɔ pipul sin,

Lɛvitikɔs 13:2 Referans Kwoze

Ditarɔnɔmi 24:8

If ɛnibɔdi gɛt da bad sik na bɔdi we dɛn kɔl lɛprɔsi, i fɔ du ɔl wetin di man dɛn we de mek sakrifays fɔ pipul sin se, dɛn fɔ du. I se dɛn go tɛl dɛn fɔ du ɔl wetin in bin dɔn tɛl di man dɛn we de mek sakrifays fɔ pipul sin, fɔ tɛl di pipul dɛn we gɛt da bad sik na bɔdi, so dɛn fɔ mek shɔ se, dɛn du ɔl wetin di man dɛn we de mek sakrifays fɔ pipul sin, se.

Lɛvitikɔs 14:56

fɔ ɔda kayn swɛl we di bɔdi kin swɛl ɔ mek mak.

Lɛvitikɔs 14:3

ɛn di man we de mek sakrifays fɔ pipul sin go tek am kɔmɔt insay di kamp go na do fɔ go ɛgzamin am. Dɛn if di bad sik nain bɔdi dɔn wɛl,

Lyuk 17:14

Wɛn Jizɔs si dɛn, i se, “Una go to dɛn man we de mek sakrifays fɔ pipul sin mek dɛn luk una.” Aw dɛn de na rod de go, nain dɛn ɔl wɛl.

Lyuk 5:14

Jizɔs se, “Nɔ tɛl ɛnibɔdi se a dɔn mɛn yu! Go wantɛm to di man we de mek sakrifays fɔ pipul sin mek i luk yu ɛn mek di sakrifays we Mozis bin tɛl pipul fɔ mek. Dat go mek ɔlman no se yu dɔn wɛl.”

Matyu 8:4

Jizɔs se, “Lisin, nɔ tɛl ɛnibɔdi wetin bi so, go mek di man we de mek sakrifays fɔ pipul sin luk yu; dɛn, mek di sakrifays we Mozis bin tɛl pipul fɔ mek. Dat go mek ɔlman no se yu dɔn wɛl.”

Malakay 2:7

PAPA GƆD Ɔlmayti se, man we de mek sakrifays fɔ pipul sin fɔ de tɔk tin we go gi pipul sɛns, ɛn pipul fɔ de go to am fɔ advays.

Ayzaya 3:17

PAPA GƆD go put siknɛs pan Zayɔn in gyal pikin dɛn ed, ɛn PAPA GƆD go mek dɛn nekɛd.

Ayzaya 1:6

Frɔm bɔtɔm di fut te rich di ed, nɔn say nɔ de we bɛtɛ, pas so so brus brus ɛn sofut ɛn wund dɛn we de blid; dɛn nɔ kwis di tɔf kɔmɔt ɛn dɛn nɔ tay dɛn, ɔ ivin put mɛrɛsin de.

2 Kiŋ 5:27

Ilaɛlsha tɛl am se fɔ wetin i dɔn du, Neman in bad sik nain bɔdi go transfa pan in ɛn in jɛnareshɔn dɛn sote go. Frɔm da momɛnt de nain di sik kam pan Gɛazi, in bɔdi ɔl kam chenj ɛn wayt lɛk shatin.

2 Kiŋ 5:1

Wan man we nem Neman na bin di ami kɔmanda fɔ di kiŋ na Siria. Neman na bin impɔtant man to in masta, ɛn in masta bin lɛk am bikɔs nain mek PAPA GƆD bin de lɛ dɛn win wa. Neman na bin gud sojaman, bɔt i bin gɛt bad sik nain bɔdi.

2 Samiɛl 3:29

I swɛ Joab. I se mek Joab ɛn in fambul dɛn pe fɔ di kil we i kil Abna; ɛn mek sɔmbɔdi de nain os we go gɛt sik nain bɔdi ɛn mek sɔmbɔdi de de we go de yuz krɔch, ɔ we dɛn go kil na wɔfrɔnt ɔ we nɔ go de gɛt tin fɔ it.

Ditarɔnɔmi 28:27

PAPA GƆD go mek dɛn gɛt di kayn bwɛl dɛn we di Ijipshian dɛn bin gɛt we dɛn bin de de. Dɛn go gɛt sofut, ɔl kayn skebiz ɛn krɔ krɔ na dɛn bɔdi, we nɔ go mɛn te dɛn day.

Di Nɔmba Dɛm 12:10

Wɛn di klawd kɔmɔt pan di Tɛnt, Miriam bin lɛf tinap wit bad sik nain bɔdi. Na so i wayt lɛk shatin. We Erɔn tɔn luk am ɛn si se bad sik dɔn kɔba Miriam in bɔdi,

Lɛvitikɔs 14:35

dɛn di wan we gɛt di os fɔ tɛl di man we de mek sakrifays fɔ pipul sin se i tan lɛk in os dɔn miliju.

Di Nɔmba Dɛm 12:12

I tɛl Mozis se lɛ Mozis nɔ mek Miriam fiba dɛn pikin we kin day insay dɛn mama in bɛlɛ so wɛn di mami kin manej bɔn am, af ɔf in bɔdi kin dɔn wes.

Lɛvitikɔs 13:1

PAPA GƆD tɛl Mozis ɛn Erɔn se,

Lɛvitikɔs 13:3

we go ɛgzamin am; ɛn if di ia we de gro usay di mak de dɔn wayt ɛn di mak dip te go insay in bɔdi, dat sho se na bad sik i gɛt nain bɔdi we i kin gi ɔda pɔsin; we di man we de mek sakrifays fɔ pipul sin dɔn ɛgzamin am dɔn, i go lɛ ɔlman no se i nɔ klin na PAPA GƆD yay.

Lɛvitikɔs 13:8

ɛn i go ɛgzamin am bak ɛn if i si se di mak dɔn prɛd nain bɔdi, dɛn i go lɛ ɔlman no se i nɔ klin na PAPA GƆD yay; na bad sik i gɛt nain bɔdi.