Lɛvitikɔs 12:7 - Krio Fɔs Oli Baybul

⁷ ɛn in go gi PAPA GƆD as ɔfrin ɛn beg padin fɔ am; na da tɛm de i go klin na PAPA GƆD yay we in blɔd go dɔn dray.

Lɛvitikɔs 12:7 Referans Kwoze

Lɛta Fɔ Galeshya 3:28

Una ɔl we gɛt wanwɔd wit Jizɔs Krays dɔn bi wan: Ju pɔsin, pɔsin we nɔto Ju, slev, fribɔn, man ɛn uman; ɔl na wan bikɔs dɛn ɔl gɛt wanwɔd wit Krays.

1 Kɔrint 7:14

Bikɔs maredman we nɔto Kristiɛn ɛn in wɛf we na Kristiɛn, dɔn bi wan, Gɔd go tek di man we nɔto Kristiɛn lɛkɛ in yon. Ɛn bikɔs mare du man we nɔto Kristiɛn ɛn in man we na Kristiɛn, dɔn bi wan, Gɔd go tek di uman we nɔto Kristiɛn lɛkɛ in yon. If nɔ so, dɛn pikin go bi lɛkɛ dɛn pikin we nɔ no Gɔd. Bɔt we Gɔd dɔn tek dɛn mami ɛn dɛn dadi lɛkɛ in yon, Gɔd go tek di pikin dɛn lɛkɛ in yon.

Lɛta Fɔ Rom 3:26

bɔt naw fɔ sho se in de du wetin rayt ɔltɛm, i de pɔnish mɔtalman fɔ in sin dɛn ɛn i de mek ɔltin rayt bitwin in ɛn ɔlman we biliv pan Krays.

Lɛta Fɔ Rom 3:23

Ɔlman dɔn sin, dɛn nɔ bi igen lɛkɛ aw dɛn bin fɔ bi, if dɛn bin stil de klos Gɔd.

Job 14:4

Udat go ebul pul klin tin kɔmɔt pan tin we nɔ klin na PAPA GƆD in yay? Nɔbɔdi nɔ go ebul

Job 1:5

Ɛvri mɔnin afta di pati kin dɔn, Job kin mek shɔ se i sɛn go was dɛn; spɛshal was fɔ mek shɔ se dɛn klin na PAPA GƆD yay; i kin grap ali mɔnin mek bɔn ɔfrin fɔseka dɛn ɔl. I kin tink se sɔntɛm we dɛn de na di pati, dɛn dɔn du ɔ se sɔntin we go dɔn mek PAPA GƆD vɛks pan dɛn. Na so Job bin de du ɔltɛm.

Lɛvitikɔs 4:35

Di man we de mek di sakrifays go pul ɔl di fat kɔmɔt, lɛkɛ aw dɛn bin pul di fat kɔmɔt pan di yɔŋ ship pan di pis ɔfrin ɛn di man we de mek sakrifays fɔ pipul sin go bɔn am na di ɔlta pantap di ɔfrin dɛn we dɛn de mek na faya to PAPA GƆD; dɔn di man we de mek sakrifays fɔ pipul sin go beg padin fɔ am, ɛn PAPA GƆD go fɔgiv am.

Lɛvitikɔs 4:31

Di man we de mek di sakrifays go pul ɔl di fat kɔmɔt, lɛkɛ aw dɛn bin pul di fat kɔmɔt pan di pis ɔfrin ɛn di man we de mek sakrifays fɔ pipul sin go bɔn am na di ɔlta so dat i go pul fayn sɛnt we go mek PAPA GƆD gladi; dɔn di man we de mek sakrifays fɔ pipul sin go beg padin fɔ am, ɛn PAPA GƆD go fɔgiv am.

Lɛvitikɔs 4:26

Dɔn i go bɔn ɔl in fat na di ɔlta lɛkɛ aw i bɔn di pis ɔfrin in fat; di man we de mek sakrifays fɔ pipul sin go beg padin fɔ dis lida in sin ɛn PAPA GƆD go fɔgiv am.

Lɛvitikɔs 4:20

Lɛkɛ aw i bin du di man kaw fɔ di sin ɔfrin, na so i fɔ du dis wan; di man we de mek sakrifays fɔ pipul sin go beg padin fɔ ɔlman ɛn PAPA GƆD go fɔgiv dɛn sin.

Lɛvitikɔs 1:4

i fɔ put in an na di ɔfrin we i de bɔn in ed, ɛn dɛn i go tek am fɔ beg padin fɔ in sin.

Lɛvitikɔs 12:6

Ɛn wɛn i dɔn mek insɛf klin, wɛda na bɔbɔ ɔ na gyal pikin i bɔn, i fɔ kɛr wan yɔŋ ship we ol wan ia fɔ bɔn ɔfrin ɛn wan yɔŋ ɔdinari pijin ɔ wan bush pijin fɔ sin ɔfrin. I fɔ kɛr dɛn go gi di man we de mek sakrifays fɔ pipul sin na di tɛnt usay dɛn kin mit PAPA GƆD, in domɔt,

Lɛvitikɔs 12:8

If i nɔ mitɔp fɔ bay di yɔŋ ship, dɛn i go kɛr tu yɔŋ bush pijin ɔ tu ɔdinari pijin, wan fɔ di bɔn ɔfrin ɛn di ɔda wan fɔ di sin ɔfrin; ɛn di man we de mek sakrifays fɔ pipul sin go beg padin fɔ am ɛn i go klin na PAPA GƆD yay.

Lɛvitikɔs 15:15

ɛn in naw go gi dɛn fɔ sakrifays, wan fɔ sin ɔfrin ɛn di ɔda wan fɔ di bɔn ɔfrin; dɔn i go beg PAPA GƆD fɔ padin am fɔ di wata we i de pul insay am.