Lɛvitikɔs 12:3 - Krio Fɔs Oli Baybul

³ Di de we mek et afta i bɔn, i fɔ sakɔmsayz di pikin.

Lɛvitikɔs 12:3 Referans Kwoze

Lyuk 2:21

Di de we mek et afta Jizɔs bɔn, dɛn sakɔmsayz am, ɛn nem am Jizɔs. Na bin di nem dat we di enjɛl bin gi am bifo in mama gɛt in bɛlɛ.

Lyuk 1:59

Di de we mek et afta di pikin bɔn, dɛn ɔl kam to Ilizabɛt dɛn; na da de de dɛn bin kam gɛda de fɔ sakɔmsayz di pikin. Dɛn bin want mek dɛn kɔl di pikin Zakaraya lɛkɛ in papa.

Lɛta Fɔ Kɔlɔse 2:11

We una gɛt wanwɔd wit Krays, una dɔn sakɔmsayz, ɛn di sakɔmsayz we una dɔn sakɔmsayz nɔto di sakɔmsayz we mɔtalman de sakɔmsayz, bɔt na di sakɔmsayz we Krays de sakɔmsayz, dat na we i de mek sin nɔ gɛt pawa oba una.

Lɛta Fɔ Filipay 3:5

Bikɔs wan wik afta a bɔn nain dɛn sakɔmsayz mi. Mi mama ɛn mi papa na Ju, dɛn fambul to Bɛnja min, ɛn ɔl mi fambul dɛn na Ibru pipul. Mi na wan pan dɛn Faresi so a bin de du ɔl wetin di Ju Lɔ se, lɛkɛ dɛn.

Lɛta Fɔ Galeshya 5:3

A de wɔn una igen se, ɛnibɔdi we gri fɔ mek dɛn sakɔmsayz am, mɔs du ɔl wetin di Ju Lɔ se.

Lɛta Fɔ Galeshya 3:17

A de tɛl una se Gɔd bin mek agrimɛnt wit Ebraam ɛn i bin prɔmis fɔ du wetin i tɛl Ebraam. Wɛn Gɔd dɔn mek dis agrimɛnt ya, i tek fo-ɔndrɛd ɛn tati ia bifo i gi di Ju neshɔn di Lɔ; ɛn dis Lɔ ya nɔ go pwɛl ɔ chenj wetin Gɔd dɔn prɔmis.

Lɛta Fɔ Rom 3:19

Wi dɔn no naw se ɔltin we de na di Ju Lɔ na fɔ dɛn pipul we fil se dɛn mɔs kip am. Di Lɔ de so dat nɔbɔdi nɔ go se in nɔ no wetin rayt fɔ du, ɛn, pantap dat i go mek Gɔd jɔj ɔlman na wɔl.

Ditarɔnɔmi 30:6

PAPA GƆD go chenj dɛn ɛn dɛn jɛnareshɔn dɛn at, so dat dɛn go lɛk PAPA GƆD we na dɛn PAPA GƆD wit ɔl dɛn at ɛn wit ɔl dɛn sol so dat dɛn go kɔntinyu fɔ de na di land.

Apɔsul Dɛn Wok 15:1

Sɔm pipul kɔmɔt Judia go Antiɔk. Dɛn go tɛl di pipul dɛn na Antiɔk se, Gɔd nɔ go sev dɛn pas dɛn sakɔmsayz bikɔs na dat di Lɔ we Gɔd gi Mozis se.

Ɛksodɔs 22:30

Una fɔ gi mi di fɔs wan we una kaw, ship ɛn got bɔn. Una fɔ lɛf dɛn we dɛn jɛs bɔn to dɛn mami dɛn fɔs fɔ sɛvin de, dɔn di de we mek et una fɔ gi mi dɛn.

Lɛvitikɔs 12:4

Dɛn i fɔ wet fɔ tati-tri mɔ de te di blɔd dɔn dray gud ɛn i dɔn klin na PAPA GƆD yay; bay da tɛm de i nɔ fɔ tɔch ɛnitin we oli, ɛn i nɔ fɔ go na di tɛnt usay dɛn kin mit PAPA GƆD in domɔt, te i dɔn du wetin fɔ mek i klin na PAPA GƆD yay.

Lɛvitikɔs 15:3

Wɛda i de pul am ɔltɛm ɔ i bin de pul di wata fɔs, i stil nɔ klin na PAPA GƆD yay.