Lɛvitikɔs 12:2 - Krio Fɔs Oli Baybul

² fɔ tɛl di Izrɛlayt dɛn se we uman bɔn bɔbɔ, i nɔ de klin na PAPA GƆD yay fɔ sɛvin de; jɛs lɛkɛ aw i nɔ go klin na PAPA GƆD yay we i de si in piriɔd.

Lɛvitikɔs 12:2 Referans Kwoze

Lyuk 2:22

Wɛn di tɛm rich fɔ mek Josɛf ɛn Meri go na Gɔd in Os fɔ du dɛn tin we go mek dɛn klin na Gɔd in yay lɛkɛ aw di Lɔ we Gɔd gi Mozis se, dɛn kɛr di pikin go na Gɔd in Os na Jerusɛlɛm ɛn aks Gɔd fɔ blɛs am.

Lɛvitikɔs 15:19

We uman de pul blɔd we i de si in piriɔd we na nɔmal tin, i nɔ go klin na PAPA GƆD yay fɔ sɛvin de ɛn ɛnibɔdi we tɔch am nɔ go klin na PAPA GƆD yay te ivintɛm.

Job 25:4

Aw naw yu go se mɔtalman gud bifo PAPA GƆD? Aw yu go se mɔtalman we uman bɔn, klin na PAPA GƆD in yay?

Job 15:14

Udat na mɔtalman we yu go se klin na PAPA GƆD yay, ɔ udat we uman bɔn kam na dis wɔl, we yu go se nɔ de du bad?

Job 14:4

Udat go ebul pul klin tin kɔmɔt pan tin we nɔ klin na PAPA GƆD in yay? Nɔbɔdi nɔ go ebul

Lɛvitikɔs 18:19

I se man nɔ fɔ mek uman pul klos fɔ am tɛm we i de si in piriɔd.

Di Sam Dɛm 51:5

Frɔm we mi mama gɛt mi bɛlɛ sɛf, mi na sina ɛn na so i bɔn mi.

Jɛnɛsis 3:16

Dɛn PAPA GƆD tɛl di uman se, “A go mek i nɔ izi fɔ yu we yu gɛt bɛlɛ, ɛn na pan traŋa pen yu go bɔn pikin. Pan ɔl dat, yu nɔ go ebul kɔmɔt biɛn yu man ɛn i go de kɔntrol yu.”

Jɛnɛsis 1:28

PAPA GƆD blɛs dɛm, ɛn tɛl dɛn se, “Una bɔn bɔku pikin dɛn, fɔ mek una de ɔlsay na di wɔl ɛn kɔntrol di wɔl. Una go gɛt pawa fɔ kɔntrol ɔl di fish dɛm, ɔl di bɔd dɛm ɛn ɔl dɛn animal dɛm.

Lɛvitikɔs 12:1

PAPA GƆD tɛl Mozis se,

2 Samiɛl 11:4

Devid sɛn pipul fɔ go fɔ am ɛn wɛn i kam dɛn tu lidɔm da nɛt de. Bathshiba bin jɛs dɔn di spɛshal was we i fɔ was afta in piriɔd. We in ɛn Devid dɔn, i go bak usay i de slip.

Lɛvitikɔs 5:3

Ɔ if pɔsin tɔch ɔda tin we na mɔtalman mek i nɔ klin na PAPA GƆD yay, i lɛk us kayn tin, ɛn if i nɔ no sɛf, wɛn i kam no, i go gɛt fɔ sɔfa fɔ dat.

Lɛvitikɔs 12:5

Bɔt if na gyal pikin i bɔn, i nɔ de klin na PAPA GƆD yay fɔ tu wik, jɛs lɛk we i de si in piriɔd; i go de so fɔ siksti-siks de mɔ.