Lɛvitikɔs 11:8 - Krio Fɔs Oli Baybul

⁸ Nɔ fɔ it dɛn animal ya dɛn bif ɛn nɔ fɔ ivin tɔch di wan we dɔn day; dɛn nɔ klin na PAPA GƆD yay.

Lɛvitikɔs 11:8 Referans Kwoze

Di Ibru Pipul Dɛn 9:10

Ɔl dɛn tin ya na lɔ we tɔk bɔt tin fɔ it ɛn drink ɛn aw fɔ was dɛn tin we go mek pipul klin na Gɔd yay. Ɔl dɛn lɔ ya jɛs de fɔ dis wɔl, ɛn dɛn pawa go jɛs de sote di tɛm rich we Gɔd go chenj ɔltin.

Lɛta Fɔ Kɔlɔse 2:16

So una nɔ mek ɛnibɔdi tɛl una wetin una fɔ it ɔ wetin una fɔ drink; us pati kla de dɛn pan di ia fɔ pre to Gɔd; us de pan di mɔnt fɔ mek sɔntin fɔ mɛmba di nyu mun; us de pan di wik fɔ pre ɛn blo.

Ozie 9:3

I se dɛn nɔ go lɛf na PAPA GƆD in land we ɔltin de, bɔt Ifrem go go bak na Ijipt ɛn we dɛn de na Asiria, dɛn go it it we nɔ klin na PAPA GƆD in yay.

Ayzaya 52:11

Una go, una go, una go yanda, nɔ tɔch natin we dɔti na PAPA GƆD in yay; kɔmɔt to am go, go mek unasɛf klin na PAPA GƆD in yay, una we de tot di tin dɛn we dɛn de yuz na PAPA GƆD in os.

Lɛvitikɔs 5:2

Ɔ if pɔsin tɔch ɛnitin we nɔ klin na PAPA GƆD yay, wɛda na wayl bist we dɔn day, ɔ nain animal we i de mɛn we day, ɔ na day arata ɔ insɛkt ɛn tin dɛn lɛk kondo we de waka na grɔn, ivin if i nɔ no, insɛf dɔn bi pɔsin we nɔ klin na PAPA GƆD yay so i gilti.

Lɛta Fɔ Ɛfisɔs 5:11

Una nɔ du dɛn tin we dɛn ɔda pipul de du we nɔ go ɛp nɔbɔdi, na dɛn pipul we de na dak de du dɛn kayn tin ya; bɔt una fɔ briŋ dɛn tin ya kam na layt.

Lɛta Fɔ Ɛfisɔs 5:7

Una nɔ fɔ gɛt natin fɔ du wit dɛn kayn pipul ya.

2 Kɔrint 6:17

Di Masta se, “Una fɔ lɛf dɛn bad pipul ya, ɛn nɔ gɛt ɛnitin fɔ du wit dɛn. Una nɔ fɔ gɛt natin fɔ du wit ɛnitin we nɔ klin. If una yɛri mi wɔd, a go tek una lɛkɛ mi yon.

1 Kɔrint 8:8

Bɔt nɔto di tin we wi de it de mek wi kam klos Gɔd; wi nɔ gɛt natin fɔ lɔs if wi nɔ it am, wi nɔ gɛt natin fɔ gen if wi it am.

Lɛta Fɔ Rom 14:21

Di rayt tin we una fɔ du, nain dis: una nɔ fɔ it bif, ɔ drink wayn, ɔ du ɛni ɔda tin we go mek una kɔmpin Kristiɛn sin.

Apɔsul Dɛn Wok 15:29

una nɔ fɔ it ɛni bif we dɛn dɔn sakrifays to dɛn yon gɔd, una nɔ fɔ it bif we gɛt blɔd pan am, una nɔ fɔ it blɔd, ɛn una nɔ fɔ liv fri layf. I go gud if una nɔ du dɛn tin ya we wi dɔn rayt to una. Una mekes, o!”

Apɔsul Dɛn Wok 10:28

I tɛl di pipul dɛn se, “Unasɛf no se wi Ju Lɔ tɛl wi se wi nɔ fɔ kip kɔmpin wit pipul dɛn we nɔto Ju ɔ miks to dɛnsɛf. Bɔt Gɔd dɔn sho mi se a nɔ fɔ se mi kɔmpin mɔtalman nɔ fit fɔ miks to wi.

Mak 7:18

Jizɔs aks dɛn se, “Una nɔ ɔndastand wetin a tɔk? Nɔto wetin pɔsin de it de mek in at nɔ klin,

Mak 7:15

Una fɔ no se, nɔto wetin pɔsin de it de mek i sin, bɔt na wetin i de du ɛn wetin i de tɔk de mek i sin ɛn mek i nɔ klin na Gɔd yay. [

Mak 7:2

Dɛn si Jizɔs in lanin bɔy dɛn de it wit dɛn an we nɔ klin, dat min se dɛn nɔ bin was dɛn lɛkɛ aw di Faresi dɛn se, fɔ mek dɛn klin na Gɔd yay. (

Matyu 15:20

Na tin dɛn lɛkɛ dɛn wan ya de mek pɔsin nɔ klin na Gɔd in yay, nɔto we pɔsin nɔ was in an bifo i it.”

Matyu 15:11

Nɔto wetin pɔsin de it de mek i nɔ klin na Gɔd yay, bɔt na wetin di pɔsin de tɔk de mek i nɔ klin na Gɔd yay.”

Lɛvitikɔs 11:7

Nɔ fɔ it bush ɔg bikɔs pan ɔl we in fut dɛn plit midul, i nɔ de cham ɔltɛm. I nɔ klin na PAPA GƆD yay.

Lɛvitikɔs 11:9

I se na dɛn wan ya we de na wata fɔ it. Ɔltin we gɛt fin ɛn skel. Di wan dɛn we de na si ɔ na riva, yu kin it dɛn.