Lɛvitikɔs 11:7 - Krio Fɔs Oli Baybul

⁷ Nɔ fɔ it bush ɔg bikɔs pan ɔl we in fut dɛn plit midul, i nɔ de cham ɔltɛm. I nɔ klin na PAPA GƆD yay.

Lɛvitikɔs 11:7 Referans Kwoze

Ayzaya 66:17

PAPA GƆD se, ɔl dɛn wan dɛn we de mek dɛnsɛf klin na dɛn lay lay gɔd dɛn yay fɔ go insay dɛn gadin, de it ɔg bif, dɛn insɛkt dɛn we de pwɛl fam ɛn arata, go day togɛda.

Ayzaya 66:3

“Di pɔsin we de kil kaw na lɛk pɔsin we kil mɔtalman; pɔsin we de sakrifays ship pikin na lɛk udat brok dɔg nɛk; pɔsin we de mek sid ɔfrin na lɛk pɔsin we de sakrifays ɔg blɔd; pɔsin we de mek sakrifays wit insɛns fɔ mɛmba wetin bin dɔn bi, na lɛk pɔsin we de blɛs lay lay gɔd. Dɛn dɔn pik dɛn yon we, we dɛn want fɔ de, dɛn sol de gladi fɔ du dɛn bad bad tin dɛm we PAPA GƆD nɔ lɛk.

Ayzaya 65:4

pipul dɛn we de sidɔm pantap dɛn grev ɛn pas di nɛt na sikrit ples dɛm; de it ɔg bif, ɛn na sup we dɛn tek dɛn bad bad tin dɛn we PAPA GƆD nɔ lɛk de na dɛn pɔt ɛn pan dɛm.

Ditarɔnɔmi 14:8

Ɔg na ɔda wan we PAPA GƆD se dɛn nɔ fɔ it bikɔs, ivin we in sus nain fut plit midul, i nɔ de pul it kɔmɔt nain bɛlɛ de cham; dɛn nɔ fɔ ivin tɔch in day wan.

Lyuk 15:15

So i beg wan pan dɛn bigman na di tɔŋ fɔ mek i fɛn wok fɔ am. Di man sɛn am go nain fam fɔ go luk in ɔg dɛn ɛn gi dɛn it.

Lyuk 8:33

Di dɛbul dɛn kɔmɔt insay di man ɛn rɔn go insay di ɔg dɛn. Di ɔg dɛn tek spid rɔn dɔŋ di il go fɔdɔm insay di wata ɛn drawn.

Matyu 7:6

“Una nɔ fɔ gi dɔg dɛn tin we una dɔn gi Gɔd, if una du dat di dɔg go tɔn pan una ɛn bɛt una. Una nɔ fɔ gi ɔg una fayn fayn bid dɛn, if una du dat, di ɔg go jɛs mas mas dɛn.

Lɛvitikɔs 11:3

I fayn fɔ it animal we tan lɛk se in fut plit midul, ɛn we kin de cham ɔltɛm.

Lɛvitikɔs 11:6

Nɔ fɔ it wan ɔda kayn animal we dɛn kɔl ɛa bikɔs pan ɔl we i de cham ɔltɛm, insɛf nɔ gɛt fut we plit midul. Insɛf nɔ klin na PAPA GƆD yay.

Lɛvitikɔs 11:8

Nɔ fɔ it dɛn animal ya dɛn bif ɛn nɔ fɔ ivin tɔch di wan we dɔn day; dɛn nɔ klin na PAPA GƆD yay.