Lɛvitikɔs 11:44 - Krio Fɔs Oli Baybul

⁴⁴ I se in na PAPA GƆD we na dɛn Gɔd. I se so dɛn fɔ de klin wan fɔ am ɛn tan lɛk am bikɔs in na oli Gɔd. I se dɛn nɔ fɔ tek dɛn tin dɛn we de krip na wɔl fɔ ambɔg dɛnsɛf.

Lɛvitikɔs 11:44 Referans Kwoze

Ɛksodɔs 20:2

“Mi na PAPA GƆD, di PAPA GƆD we una fɔ wɔship we pul una kɔmɔt na Ijipt usay una na bin de as slev.

Lɛvitikɔs 19:2

mek i tɛl ɔl di Izrɛlayt dɛn se, dɛn fɔ oli bikɔs PAPA GƆD we na dɛn GƆD oli.

Lɛvitikɔs 20:7

I se so naw, dɛn fɔ mek dɛnsɛf oli to PAPA GƆD; bikɔs nain na PAPA GƆD we na dɛn GƆD.

Fɔs Lɛta Fɔ Tɛsalonayka 4:7

Gɔd nɔ kɔl wi fɔ mek wi liv fri layf, wi nain yon pipul so wi fɔ liv di kayn layf we go sho se wi nain yon pipul.

Lɛvitikɔs 20:26

I se dɛn gɛt fɔ oli lɛkɛ aw PAPA GƆD oli ɛn dɛn na PAPA GƆD yon pipul we mek dɛn difrɛn frɔm di ɔda wan dɛn.

Pita In Fɔs Lɛta 2:9

Bɔt una na lɛkɛ wan neshɔn, Gɔd dɔn pik una, una na pipul we de mek sakrifays to Gɔd ɛn we de wok fɔ Gɔd we na una Kiŋ; una na neshɔn we dɔn gi unasɛf to Gɔd, una na Gɔd in yon pipul dɛn we i pik fɔ tɔk bɔt di wɔndaful wok dɛn we i de du. Na Gɔd pul una kɔmɔt na dak briŋ una kam nain wɔndaful layt.

Lɛvitikɔs 21:8

I se di pipul dɛnsɛf fɔ trit dɛn lɛkɛ se dɛn oli bikɔs na dɛn de gi PAPA GƆD it so dɛn fɔ oli as in PAPA GƆD we de mek dɛn oli, insɛf oli.

Ditarɔnɔmi 14:2

I tɛl dɛn se dɛn fɔ no se dɛn na pipul dɛn we PAPA GƆD insɛf dɔn pik pan ɔl di ɔda pipul dɛn we de na dis wɔl, fɔ bi in yon pipul dɛn.

Rɛvɛleshɔn 22:11

Lɛ di pɔsin we de du bad nɔ lɛf fɔ du bad igen o, mek ɛnibɔdi we de du dɛn dɔti tin nɔ lɛf fɔ du dɛn igen o, mek ɛnibɔdi we de du rayt nɔ lɛf fɔ du rayt, ɛn mek di pɔsin we de waka wit Gɔd nɔ lɛf fɔ waka wit Gɔd.”

Di Sam Dɛm 99:9

Lɛ wi tɛl ɔlman se, PAPA GƆD wi PAPA GƆD na big PAPA GƆD. Lɛ wi wɔship am nain oli mawnten bikɔs in na oli PAPA GƆD.

Di Sam Dɛm 99:5

Wɔship PAPA GƆD we na PAPA GƆD na di say we i sidɔm as Kiŋ; in na oli PAPA GƆD.

Matyu 5:48

Una fɔ lɛk una kɔmpin mɔtalman lɛkɛ aw Gɔd, we na una Papa we de na ɛvin, lɛk ɔlman.

Lɛvitikɔs 10:3

Mozis mɛmba Erɔn se na dat PAPA GƆD min we i se, i go sho in pipul dɛn we de nia am se in oli, ɛn na bifo dɛn dɛn go rɛspɛkt am. Erɔn nɔ se natin.

Ɛksodɔs 23:25

Na mi PAPA GƆD una fɔ wɔship, ɛn if una wɔship mi, a go blɛs una wit bɔku it ɛn wata, ɛn a nɔ go mek wan sik ol una.

Ɛksodɔs 19:6

fɔ de sav mi ɛn bi midulman fɔ dɛn ɔda neshɔn dɛn. Na ɔl wetin a dɔn tɛl yu so yu fɔ tɛl di Izrɛlayt dɛn.”

Ayzaya 43:3

Bikɔs mi na PAPA GƆD we na yu Gɔd, di Oli Wan na Izrɛl we na yu seviɔ. A giwe Ijipt fɔ fri yu, ɛn ɛkschenj Itiopia ɛn Sɛba fɔ yu.

1 Samiɛl 6:20

Di pipul dɛn na Bɛth Shɛmɛsh bigin aks dɛnsɛf udat go ebul fɔ de usay dis oli PAPA GƆD de. Dɛn bigin wɔnda usay di ak fɔ go mek dɛn nɔ gɛt mɔ prɔblɛm.

Lɛvitikɔs 11:43

I se dɛn nɔ fɔ it dɛn kayn tin de we go mek i et dɛn; dɛn nɔ fɔ mek dɛn tin de ambɔg dɛn bikɔs dɛn nɔ go klin na PAPA GƆD yay.

Ɛksodɔs 6:7

A go mek una bi mi yon pipul dɛn ɛn a go bi dɛn PAPA GƆD. Da tɛm de dɛn go no se mi na dɛn PAPA GƆD we a pul dɛn kɔmɔt pan slev layf na Ijipt.

Emɔs 3:3

Una dɔn wande si tu man we nɔ gri de waka?

Ayzaya 51:15

Bikɔs na mi na PAPA GƆD we na yu Gɔd, we de shek di si, mek in swɛlin dɛn mek lawd lawd nɔys- na PAPA GƆD Ɔlmayti nain nem.

Ɛksodɔs 16:12

“A dɔn yɛri bɔt di grɔmbul we di Izrɛlayt dɛn de grɔmbul. Tɛl dɛn se dɛn go de gɛt bif fɔ it ivintɛm, dɔn na mɔnin na bred dɛn go gɛt fɔ it, ɛn na dat go mek dɛn no fɔ tru, tru se mi na PAPA GƆD PAPA GƆD.”

Ɛksodɔs 19:10

PAPA GƆD tɔk bak to Mozis, I se, “Go dɔŋ to di pipul dɛn ɛn tɛl dɛn se lɛ dɛn kip dɛnsɛf piɔ ɛn oli. Dɛn fɔ du dat tide ɛn tumara: ɛn lɛ dɛn was dɛn klos ɛn

Ɛksodɔs 22:31

“Una na man dɛn we oli to mi, so una nɔ fɔ it ɛni animal we wayl animal kil na bush; bifo dat una gi dɛn dɔg fɔ it.

Lɛvitikɔs 18:2

fɔ tɛl di Izrɛlayt dɛn se, in se nain na PAPA GƆD we na dɛn GƆD.

Lɛvitikɔs 19:3

I se ich wan pan dɛn fɔ rɛspɛkt in mama ɛn papa, du wetin in we na PAPA GƆD se fɔ du di de we mek sɛvin we na fɔ blo bikɔs nain na PAPA GƆD we na dɛn GƆD.

Di Nɔmba Dɛm 15:40

Dɛn dɛn go mɛmba fɔ de obe ɔl wetin a se ɛn dat go mek dɛn de fɔ mi nɔmɔ.

Ɛksodɔs 22:30

Una fɔ gi mi di fɔs wan we una kaw, ship ɛn got bɔn. Una fɔ lɛf dɛn we dɛn jɛs bɔn to dɛn mami dɛn fɔs fɔ sɛvin de, dɔn di de we mek et una fɔ gi mi dɛn.

Lɛvitikɔs 19:4

I se nɔ fɔ lɛf am go wɔship dɛn ɔda gɔd dɛn we nɔ min natin we dɛn mɛlt ayɛn fɔ mek bikɔs nain na PAPA GƆD we na dɛn GƆD.

Lɛvitikɔs 19:10

Ɛn ivin we na frut dɛn de pik, dɛn nɔ fɔ pik ɔltin na di tik dɛn; dɛn fɔ lɛf sɔm fɔ poman ɔ fɔ ɛni trenja: nain na PAPA GƆD we na dɛn GƆD.

Jɔshwa 24:19

Nain Jɔshwa tɛl di Izrɛlayt dɛn se PAPA GƆD nɔto PAPA GƆD we izi fɔ sav; I oli ɛn i de jɛlɔs ɛn i nɔ go fɔgiv dɛn if dɛn du wetin i se dɛn nɔ fɔ du.

1 Samiɛl 2:2

“Nɔbɔdi nɔ de we oli lɛk PAPA GƆD: Natin nɔ de we tan lɛk am; Natin nɔ kin kɔba wi lɛk aw PAPA GƆD de kɔba wi.