Lɛvitikɔs 10:9 - Krio Fɔs Oli Baybul

⁹ in ɛn in bɔypikin dɛn nɔ fɔ go insay di tɛnt we dɛn kin mit PAPA GƆD afta dɛn dɔn drink ɛni kayn rɔm, wɛda na wayn ɔ na bia, ɔ nɔ so dɛn go day. I se dat fɔ bi lɔ na ɔl in jɛnareshɔn dɛn.

Lɛvitikɔs 10:9 Referans Kwoze

Lyuk 1:15

Da pikin de go bi bigman pan Gɔd we na wi Masta in biznɛs. I nɔ fɔ drink wayn ɔ ɛnitin we de mek pɔsin drɔnk frɔm di de we i bɔn. Gɔd in Spirit go de insay am frɔm di tɛm we i de nain mama bɛlɛ.

Fɔs Lɛta To Timoti 3:3

i nɔ fɔ de drɔnk, i nɔ fɔ de vɛks kwik kwik, i nɔ fɔ de mek plaba; i nɔ fɔ lɛk mɔni;

Taytɔs 1:7

Na ovasia in an Gɔd in wok de, so i nɔ fɔ du ɛnitin we go mek pɔsin pɔynt fiŋa pan am. I nɔ fɔ prawd, i nɔ fɔ de vɛks kwik kwik, i nɔ fɔ de drɔnk, i nɔ fɔ de fɛt, i nɔ fɔ want plɛnti tin fɔ insɛf.

Lɛta Fɔ Ɛfisɔs 5:18

Una nɔ fɔ drink wayn te una drɔnk we go mek una du bad, bɔt una fɔ mek Gɔd in Spirit de insay una gud gud.

Izikɛl 44:21

Nɔn man we de mek sakrifays fɔ pipul sin nɔ go drink wayn wɛn i go na di insay kɔt.

Ayzaya 28:7

Dɛnwanya sɛf de rol na grɔn we dɛn drink wayn ɛn de staga we dɛn drink traŋa rɔm; di man we de mek sakrifays fɔ pipul sin ɛn di prɔfɛt bin de rol na grɔn we dɛn drink traŋa rɔm, wayn kɔnfyus dɛm, traŋa rɔm mek dɛn staga; dɛn nɔ de si gud, dɛn de mistek we dɛn de gi jɔjmɛnt.

Fɔs Lɛta To Timoti 3:8

Dɛn wan we de ɛp fɔ du Gɔd wok na chɔch, dɛnsɛf fɔ siriɔs, dɛn fɔ min wetin dɛn se; dɛn nɔ fɔ de drɔnk, dɛn nɔ fɔ want plɛnti tin fɔ dɛnsɛf;

Di Nɔmba Dɛm 6:3

nɔ fɔ drink wayn ɔ ɛni ɔda drink we go mek pɔsin drɔnk. I nɔ fɔ ivin drink viniga we dɛn tek wayn ɔ ɔda drink we go mek pɔsin drɔnk fɔ mek. I nɔ fɔ drink grep jus, ɔ it frɛsh ɔ dray greps.

Fɔs Lɛta To Timoti 5:23

Nɔ jɛs de drink wata nɔmɔ, tek lili wayn fɔ mek yu it go go dɔŋ gud ɛn fɔ we yu kin de sik sik.

Ozie 4:11

I se ɛni kaynaba wayn de mek pipul lɔs dɛn sɛns.

Prɔvabs 20:1

Wayn de mek yu nɔ tek natin mek natin, ɛn ad lika de mek yu lɔs kɔntrol; so ɛnibɔdi we rɔm opin yay pan na styupid mɔtalman.

Di Nɔmba Dɛm 6:20

Dɔn di man we de mek sakrifays fɔ pipul sin fɔ wev dɛn bifo PAPA GƆD as wev sakrifays; dɛn oli, so na di man we de mek sakrifays fɔ pipul sin gɛt dɛn, plɔs di chɛst we dɛn bin wev ɛn di lɛg dɛn we dɛn gi. Afta ɔl dis, di Nazirayt kin drink wayn naw.

Lɛvitikɔs 3:17

Na tin dis we na lɔ ɛn i fɔ bi na ɔl di jɛnareshɔn, i lɛk usay dɛn de, dɛn nɔ fɔ it blɔd ɛn dɛn nɔ fɔ it fat.

Lɛvitikɔs 10:8

PAPA GƆD tɔk to Erɔn. I tɛl am se,

Ɛksodɔs 27:21

Erɔn ɛn in bɔypikin dɛn fɔ de tek kia ɔf di lamp. I fɔ layt frɔm ivintɛm te mɔnin. Dɛn fɔ put am insay di tɛnt bifo di Kɔvinant Bɔks. Di Izrɛlayt dɛn fɔ de du dis ɛvri de ɛn i nɔ fɔ ɛva tap.