Lɛvitikɔs 10:6 - Krio Fɔs Oli Baybul

⁶ Mozis tɛl Erɔn ɛn di ɔda bɔypikin dɛn we na Ɛlieza ɛn Ithama se dɛn nɔ fɔ lɛf di ia na dɛn ed so ɛn nɔ kom am, dɛn nɔ fɔ chɛr chɛr dɛn klos fɔ sho se dɛn gɛt bɛrin, ɔ nɔ so dɛnsɛf go day ɛn PAPA GƆD go vɛks pan ɔlman; i se na di ɔda Izrɛlayt dɛn fɔ munin fɔ di man dɛn we day, we PAPA GƆD mek faya kil.

Lɛvitikɔs 10:6 Referans Kwoze

Jɔshwa 22:18

we fɔ mek de lɛk tide dɛn nɔ kɔmɔt biɛn PAPA GƆD tɛm lɛkɛ dawande, bikɔs we PAPA GƆD go wan pɔnish, i nɔ go pik; na dɛn ɔl i go pɔnish bambay.

Jɔshwa 7:1

PAPA GƆD bin tɛl di Izrɛlayt dɛn se dɛn fɔ bɔn Jɛriko ɛn dɛn nɔ fɔ tek natin we i dɔn se dɛn fɔ bɔn. Ekan we kɔmɔt na Juda, na kami in bɔypikin. Kami na Zabdi in yon bɔypikin. Zabdi na Zɛra in bɔy in yon pikin. Ekan tek sɔm pan di tin dɛn, ɛn dat bin mek PAPA GƆD vɛks bad bad wan pan Izrɛl.

Di Nɔmba Dɛm 16:22

Bɔt Mozis ɛn Erɔn fɔdɔm bifo PAPA GƆD ɛn beg am. Dɛn se “E PAPA GƆD, di PAPA GƆD we mek mɔtalman, yu go vɛks ɛn pɔnish ɔlman we na waŋren man sin?

Di Nɔmba Dɛm 1:53

bɔt di Livayt dɛn fɔ mek shɔ se dɛn bil dɛn tɛnt dɛn rawnd di tɛnt we PAPA GƆD fɔ de so dat waala nɔ go mit ɔlman na di Izrɛlayt kɔmyuniti. Na di Livayt dɛn dyuti fɔ tek kia ɔf di tɛnt we PAPA GƆD fɔ de. Na so PAPA GƆD se.

2 Samiɛl 24:1

PAPA GƆD vɛks pan di pipul bak so i mek Devid kɔnt ɔmɔs man ebul fɛt na Izrɛl ɛn na Juda.

Jɔshwa 22:20

Finɛas ɛn di bigman dɛn na di wɛst mɛmba dɛn bɔt aw Ekan bin tek di tin dɛn we PAPA GƆD se nɔ fɔ tek we nɔto in waŋren bin sɔfa; na di wanol Izrɛl sɔfa.

Lɛvitikɔs 13:45

Di man we gɛt di bad sik go wɛr chɛr chɛr klos fɔ sho se i nɔ gladi ɛn lɛf in ia chakachaka wan nain ed ɛn kɔba af in fes de ala se, “Una gi rod! A nɔ klin na PAPA GƆD yay!”

Di Nɔmba Dɛm 18:5

Na una rɛspɔnsibul fɔ tek kia ɔf di Tɛnt ɛn di ɔlta so dat PAPA GƆD nɔ go vɛks ɛn baranta pan di Izrɛlayt dɛn igen

Mayka 1:16

I se di pipul dɛn na Juda fɔ krep dɛn ed fɔ sho aw dɛn fil am we dɛn tek dɛn pikin dɛn na dɛn an kɛr dɛn go. Dɛn fɔ fiba yuba we nɔ gɛt ia.

Jɛrimaya 7:29

Una kɔt una ia trowe; una kray na dɛn ɛmti mawnten dɛn bikɔs PAPA GƆD dɔn se i nɔ want ɛn pul an pan di jɛnareshɔn we kin mek i vɛks bad bad wan.’

Jɔshwa 7:11

PAPA GƆD se Izrɛl dɔn kɔmit sin bikɔs dɛn dɔn jomp in wɔd. I se di agrimɛnt we dɛn bin gɛt, na fɔ nyakanyaka ɔltin na Jɛriko, bɔt dɛn dɔn tif sɔm pan di tin dɛn put pan dɛn yon ɛn dɛn de lay.

Ditarɔnɔmi 33:9

Dɛn lɛk ɛn rɛspɛkt yu pas dɛn mami ɛn dadi, ɛn dɛn brɔda, sista ɛn pikin dɛn. Dɛn de obe yu ɛn de du ɔl wetin yu tɛl dɛn fɔ du, ɛn dɛn de waka tret wit yu insay di Kɔvinant.

Di Nɔmba Dɛm 14:6

Jɔshwa we na Nɔn in bɔypikin ɛn Kelɛb we na Jɛfunɛ in bɔypikin we bin de pan di man dɛn we go wach aw di land tan, chɛr dɛn klos fɔ sho aw dɛn vɛks,

Di Nɔmba Dɛm 5:18

Afta we i bin dɔn put di uman fɔ tinap bifo PAPA GƆD, i fɔ lus in ia ɛn gi am da siks kɔp bali we in man bin briŋ kam, fɔ sho se i de jɛlɔs, fɔ ol. Dɔn in di man we de mek sakrifays fɔ pipul sin fɔ ol di wata we i wan tek fɔ swɛ.

Ɛksodɔs 33:5

PAPA GƆD bin dɔn tɛl Mozis fɔ tɛl di pipul dɛn se dɛn na traŋayes pipul dɛn, ɛn if i disayd fɔ waka wit dɛn fɔ wan minit sɛf, i go kil dɛn. I se dɛn fɔ pul ɔl di gold we dɛn wɛr, dɔn in go disayd wetin fɔ du wit dɛn.

Ɛksodɔs 6:23

Erɔn mared Ilishɛba, we na Aminadab in gyal pikin ɛn Nashɔn in sista. Ilishɛba bɔn Nadab, Abiu, Ɛlieza ɛn Itama fɔ Erɔn.

Di Nɔmba Dɛm 20:25

Kɔl Erɔn ɛn in bɔypikin Ɛlieza ɛn kɛr dɛn go ɔp Mawnt Ɔ.

Ɛzra 7:5

Abishua bɔn Buki, Finɛas bɔn Abishua, Ɛliaza bɔn Finɛas, dɔn Erɔn in bɔn Ɛliaza. Erɔn na bin di edman fɔ dɛn man dɛn we de mek sakrifays fɔ pipul sin.