Lɛvitikɔs 10:19 - Krio Fɔs Oli Baybul

¹⁹ Erɔn ansa Mozis se, if PAPA GƆD bin fɔ gladi wit am we i bin fɔ dɔn it di sin ɔfrin ɛn na da de de we di pipul dɛn gi PAPA GƆD dɛn sin ɛn bɔn ɔfrin nain in tu bɔypikin day.

Lɛvitikɔs 10:19 Referans Kwoze

Lɛvitikɔs 9:12

I kil di animal fɔ di bɔn ɔfrin; Erɔn in bɔypikin dɛn gi am di blɔd we i ib ib rawnd di ɔlta.

Lɛvitikɔs 9:8

So Erɔn go nia di ɔlta ɛn kil di yɔŋ kaw fɔ di sin ɔfrin we i de mek fɔ insɛf.

Malakay 2:13

Ɔda tin we dɛn kin du, na we dɛn de put dɛn kray wata ɛn sho se dɛn sɔri we dɛn de na PAPA GƆD in ɔlta bikɔs i nɔ de tek dɛn prɛzɛnt ɔ sakrifays igen as i nɔ gladi wit dɛn.

Malakay 1:13

I se, dɛn kin mek se dɛn taya ɛn mek fes pan am, ɛn dɛn kin gi am animal bay we dɛn tek bay fos, ɔ wan we nɔ de waka ɔ i sik as dɛn sakrifays bɔt in nɔ go tek am na dɛn an.

Malakay 1:10

I se in bin de op se sɔmbɔdi go de we go tɛl dɛn nɔ fɔ wes dɛn tɛm bikɔs in nɔ go tek dɛn sakrifays as i nɔ gladi.

Ozie 9:4

Dɛn nɔ fɔ tamisilɛ wit rɔm to PAPA GƆD ɛn nɔ go gladi wit dɛn sakrifays. Dɛn it go tan lɛk it we dɛn pul fɔ dayman; ɛnibɔdi we it am nɔ go klin na PAPA GƆD in yay; bikɔs na dɛnsɛf nɔmɔ go it dɛn it; dɛn nɔ fɔ kɛr am go na PAPA GƆD in os.

Jɛrimaya 14:12

Ilɛk dɛn fast, a nɔ go yɛri dɛn kray, ɛn ilɛk dɛn mek sakrifays we dɛn de bɔn na faya ɛn sid ɔfrin, a nɔ go tek dɛm; bɔt a go kil dɛm wit wa, aŋri ɛn wit bad bad sik dɛm.

Jɛrimaya 6:20

Wetin mek insɛns de kɔmɔt Shiba kam fɔ mi, ɔ wetindu shuga ken de kɔmɔt fawe kam fɔ mi? Una sakrifays dɛn we una de bɔn na faya, nɔ gud fɔ mi fɔ gri fɔ, jɛs lɛk we una sakrifays dɛn nɔ kin pliz mi.

Ayzaya 1:15

We una tret una an dɛn to mi, A go kɔba mi yay lɛ a nɔ si, i lɛk we una pre bɔku bɔku prea A nɔ go lisin; na so so blɔd de na una an.

Di Ibru Pipul Dɛn 9:8

Gɔd in Spirit yus ɔl dɛn tin ya fɔ sho wi klia wan se, wans di fɔs ples na di Bafa stil de, mɔtalman nɔ gɛt rayt fɔ go insay di sɛkɛn ples we Gɔd de.

Di Ibru Pipul Dɛn 7:27

Dɛn ɔda edman we de mek sakrifays fɔ pipul sin, bin de mek sakrifays ɛvri de fɔseka dɛn yon sin, bifo dɛn mek sakrifays fɔ di ɔda pipul dɛn sin. Bɔt Jizɔs nɔ bin de mek dɛn kayn sakrifays de, bikɔs i bin dɔn mek wan sakrifays nɔmɔ we go de sote go, ɛn nain layf i tek mek da sakrifays de.

Lɛta Fɔ Filipay 4:4

Una fɔ gladi ɔltɛm bikɔs una gɛt wanwɔd wit di Masta. A de tɛl una igen se una fɔ gladi!

Ayzaya 1:11

PAPA GƆD se, “Wetin ɔl dɛn bɔku bɔku sakrifays we una de mek min to mi? A dɔn gɛt tumɔs man ship ɔfrin we dɛn de bɔn na faya ɛn fat we kɔmɔt pan animal dɛn we dɛn fid gud gud wan; Man kaw blɔd o, ship pikin blɔd o, ɔ ivin man got blɔd, nɔ de mek a gladi.

Ditarɔnɔmi 26:14

Dɛn nɔ bin tek natin pan dɛn we dɛn bin gɛt bɛrin ɛn dɛn nɔ bin tɔch dɛn we dɛn nɔ bin klin na PAPA GƆD in yay, ɛn dɛn nɔ sakrifays natin pan am to dayman. Dɛn dɔn du ɔl wetin PAPA GƆD bin se dɛn fɔ du we gɛt fɔ du wit di tayth, we dɛn fɔ giwe pan ɔltin we dɛn kɔt na dɛn fam.

Ditarɔnɔmi 12:7

Mozis tɛl di Izrɛlayt dɛn se na de dɛn ɛn di wan dɛn we de na os to dɛn fɔ it ɛn tɛl PAPA GƆD we na dɛn PAPA GƆD tɛnki fɔ ɔl wetin i dɔn du fɔ dɛn.

Lɛvitikɔs 10:20

We Mozis yɛri wetin Erɔn se, i satisfay.