Lɛvitikɔs 10:14 - Krio Fɔs Oli Baybul

¹⁴ Bɔt dɛn ɛn dɛn famili wɛda man ɔ uman, kin it di chɛst ɛn di lɛg we dɛn bin gi PAPA GƆD as spɛshal prɛzɛnt na ɛnisay we klin na PAPA GƆD yay, bikɔs na dɛn yon we dɛn fɔ gɛt pan di pis ɔfrin dɛn we di Izrɛlayt dɛn gi.

Lɛvitikɔs 10:14 Referans Kwoze

Di Nɔmba Dɛm 18:11

Ɛnitin we dɛn put wansay fɔ wev as sakrifays fɔ di Izrɛlayt dɛn, na una yon. A gi yu, yu bɔy ɛn gyal pikin dɛn as una yon te go. Ɛnibɔdi we tap na yu os, wans i klin na PAPA GƆD in yay, fɔ it pan am.

Jɔn 4:34

Jizɔs se, “Mi yon it na fɔ dɔn di wok we di wan we sɛn mi gi mi fɔ du, ɛn fɔ du ɔl wetin i want.

Lɛvitikɔs 9:21

bɔt Erɔn wev di chɛst ɛn di rayt lɛg as spɛshal prɛzɛnt bifo PAPA GƆD lɛk aw Mozis se.

Ɛksodɔs 29:33

Dɛn fɔ it ɔl wetin dɛn yuz fɔ di sakrifays we dɛn mek fɔ lɛ a fɔgiv dɛn sin di tɛm we dɛn bin de Ɔden. Bikɔs dis it yaso na it we dɔn kɔnsikret, na man dɛn we de mek sakrifays fɔ pipul sin nɔmɔ fɔ it am.

Lɛvitikɔs 10:13

I se dɛn nɔ fɔ it am ɛniɔda say pas usay oli bikɔs na Erɔn ɛn in bɔypikin dɛn nɔmɔ gɛt da rayt de fɔ it pan di ɔfrin we dɛn mek na faya to PAPA GƆD as na so PAPA GƆD tɛl am.

Di Nɔmba Dɛm 5:9

Ɔl dɛn kayn kɔntribyushɔn de we di Izrɛlayt dɛn de gi di man we de mek sakrifays fɔ pipul sin, nain gɛt am.

Izikɛl 42:13

Dɛn i tɛl mi se, “Di rum dɛn na di nɔt ɛn di wan dɛm na di sawt, ɔpozit di yad, na di oli rum dɛm, we di man we de mek sakrifays fɔ pipul sin dɛm we de go to PAPA GƆD go it di ɔfrin dɛn we oli pas ɔl; na de dɛn go put di ɔfrin dɛn we oli pas ɔl - di sirial ɔfrin, di sin ɔfrin ɛn di gilt ɔfrin, bikɔs da ples de na oli ples.

Lɛvitikɔs 22:13

Bɔt if di gyal pikin in man dɔn day, ɔ i dɔn drɛb am na os ɔ i nɔ bɔn pikin we go kia fɔ am, we mek i go bak nain papa in os, lɛkɛ se in na pikin stil, i kin it pan in papa in it bɔt nɔn ɔda pɔsin na di os we na trenja nɔ fɔ it de.