Lɛvitikɔs 1:5 - Krio Fɔs Oli Baybul

⁵ Na da tɛm de i go kil di man kaw bifo PAPA GƆD; dɔn Erɔn in bɔypikin we na man dɛn we de mek sakrifays fɔ pipul sin go gi di blɔd ɛn ib pan an rawnd di ɔlta we de na di domɔt na di Tɛnt usay dɛn kin mit PAPA GƆD.

Lɛvitikɔs 1:5 Referans Kwoze

Lɛvitikɔs 3:8

i fɔ le in an pantap di animal in ed ɛn kil am bifo di Tɛnt usay dɛn de mit PAPA GƆD; Erɔn in bɔypikin dɛn go ib di blɔd rawnd di ɔlta.

Lɛvitikɔs 1:11

ɛn na di nɔth sayd pan di ɔlta i go kil am bifo PAPA GƆD ɛn Erɔn in bɔypikin dɛn we na man dɛn we de mek sakrifays fɔ pipul sin, go ib di blɔd rawnd di ɔlta.

Lɛvitikɔs 3:2

I fɔ le in an pantap di animal we i de gi in ed, ɛn i fɔ kil am na di domɔt na di Tɛnt usay dɛn kin mit PAPA GƆD; dɔn Erɔn in bɔypikin dɛn we na di man dɛn we de mek sakrifays fɔ pipul sin, fɔ ib di blɔd rawnd di ɔlta.

Pita In Fɔs Lɛta 1:2

Na Gɔd, we na wi Papa, dɔn pik una, lɛkɛ aw i bin dɔn plan, ɛn Gɔd in Spirit dɔn mek una bi Gɔd yon pipul, so dat una go du wetin Jizɔs Krays tɛl una fɔ du, ɛn di day we Jizɔs Krays day na di krɔs go mek una klin na Gɔd yay. A de pre mek Gɔd sho una aw i gud ɛn mek i gi una kol at mɔ ɛn mɔ.

Di Ibru Pipul Dɛn 12:24

Una dɔn kam to Jizɔs we bin mek di nyu agrimɛnt bitwin Gɔd ɛn mɔtalman. I dɔn mek una no bɔt in blɔd we was wi sin kɔmɔt pan wi. In blɔd pas Ebɛl yon blɔd, bikɔs i de du big wok fɔ wi pas Ebɛl in yon.

2 Kronikuls 35:11

Ɛn dɛn kil di pasova ship pikin ɛn di man we de mek sakrifays fɔ pipul sin dɛn trowe di blɔd we dɛn gɛt na dɛn an wayl di Livayt dɛn de pul di kanda kɔmɔt.

Lɛvitikɔs 3:13

ɛn le in an pantap di animal in ed ɛn kil am bifo di Tɛnt we dɛn kin mit PAPA GƆD ɛn Erɔn in bɔypikin dɛn go ib di blɔd rawnd di ɔlta.

Ɛksodɔs 29:16

dɔn kil am ɛn skata in blɔd na di ɔlta in fo kɔna dɛn ɛn ɔlɔbɔt.

Di Ibru Pipul Dɛn 10:11

Dɛn man we de mek sakrifays fɔ pipul sin de wok fɔ Gɔd ɛvri de, dɛn de tek kaw ɛn got mek di sem kayn sakrifays ɔltɛm, bɔt dɛn kayn sakrifays de, nɔ ebul pul di pipul dɛn sin kɔmɔt na dɛn layf.

Mayka 6:6

Una de aks se wetin una fɔ gi PAPA GƆD naw we una de go wɔship am, in we na di PAPA GƆD we de ɔp yanda. Una de aks if na fɔ bɔn animal as sakrifays ɔ na fɔ gi am fayn yɔŋ kaw dɛn.

Izikɛl 36:25

A go sprinkul klin wata pan una, ɛn una go klin pan ɔl una dɔti dɛm, ɛn a go was una klin pan ɔl una lay lay gɔd dɛm.

Ayzaya 52:15

na so i go shɔk plɛnti neshɔn dɛm; kiŋ dɛn go sɛt dɛn mɔt fɔseka am; bikɔs di tin we dɛn nɔ ɛva tɛl dɛn bɔt, dɛn go si, ɛn na di tin we dɛn nɔ yɛri bɔt wande, dɛn go ɔndastand.

Di Nɔmba Dɛm 18:17

Una nɔ fɔ bay di fɔs kaw pikin, di fɔs ship pikin ɔ di fɔs got pikin dɛn bak, bikɔs dɛn oli. Una fɔ sprinkul dɛn blɔd na di ɔlta ɛn bɔn dɛn fat na faya so dat i go pul sɛnt we go mek PAPA GƆD gladi.

Lɛvitikɔs 16:15

Afta dat, i se Erɔn fɔ mek di pipul kil di got we dɛn bin kɛr go fɔ sin ɔfrin, ɛn kɛr di blɔd go to am na di ples we oli pas ɔl, ɛn in go du wetin i bin du wit di man kaw in blɔd, dat na fɔ sprinkul am pan di Ak ɔf di Kɔvinant ɛn pan di kɔba;

Lɛvitikɔs 1:15

Di man we de mek sakrifays fɔ pipul sin fɔ twis in ed bifo i bɔn am na di ɔlta ɛn i fɔ dren in blɔd na di ɔlta sayd;

Ɛksodɔs 29:11

kil di kaw bifo mi PAPA GƆD in yay na di Tɛnt in domɔt.

Lɛvitikɔs 4:29

I fɔ le in an pantap di sin ɔfrin in ed, ɛn kil di sin ɔfrin na di sem ples usay dɛn kil di bɔn ɔfrin.

Lɛvitikɔs 4:33

i fɔ le in an pantap di sin ɔfrin in ed, ɛn kil di sin ɔfrin na di sem ples usay dɛn kil di bɔn ɔfrin.

Lɛvitikɔs 17:11

PAPA GƆD se na di blɔd di layf de; ɛn in dɔn gi dɛn fɔ put na di ɔlta fɔ pul sin na dɛn sol. Na di blɔd de beg fɔ dɛn bikɔs i gɛt layf.

1 Samiɛl 1:25

Afta dɛn dɔn kil di man kaw dɔn, dɛn kɛr di bɔbɔ go to Ilaɛl, dɛn

Izikɛl 43:18

Ɛn i tɛl mi se, “Mɔtalman, na dis PAPA GƆD se: dis na di ɔda dɛn fɔ di ɔlta: di de we dɛn go sɛt am ɔp fɔ mek dɛn go de du ɔfrin dɛn we na fɔ bɔn pan am ɛn fɔ sɛn blɔd agens am.

Ɛksodɔs 40:6

Put di ɔlta we na de fɔ bɔn sakrifays bifo di Tɛnt.

Lɛvitikɔs 4:7

Dɔn di man we de mek sakrifays fɔ pipul sin go put sɔm pan di blɔd pan di ɔn dɛn na di insɛns ɔlta bifo PAPA GƆD we de na di tɛnt usay dɛn kin mit PAPA GƆD, ɛn di wan we lɛf pan di man kaw in blɔd, i go put am bɔtɔm na di ɔlta we dɛn kin bɔn di sakrifays we de na di domɔt na di tɛnt usay dɛn kin mit PAPA GƆD.