Lɛvitikɔs 1:3 - Krio Fɔs Oli Baybul

³ If di animal we i de ɔfa, na pan di wan dɛn we i de mɛn, ɛn na bɔn i de bɔn am, i fɔ bi man wan we nɔ gɛt bɔt; na di Tɛnt we dɛn kin mit PAPA GƆD, in domɔt, dɛn fɔ ɔfa am so dat PAPA GƆD go gri fɔ tek am;

Lɛvitikɔs 1:3 Referans Kwoze

Ditarɔnɔmi 15:21

I tɛl dɛn se dɛn nɔ fɔ sakrifays animal we gɛt bɔt, to PAPA GƆD we na dɛn PAPA GƆD; dat na animal we nɔ de waka ɔ we blɛn.

Di Ibru Pipul Dɛn 9:14

If di bif dɛn blɔd bin gɛt pawa fɔ klin pipul, dat min se, Krays in blɔd gɛt pawa pas di bif dɛn blɔd fɔ klin wi at. I tek insɛf we nɔ sin wande, mek sakrifays fɔ wi, ɛn na Gɔd in Spirit we de sote go gi am pawa fɔ sakrifays insɛf. Fɔseka dat, Krays mek wi at klin, so dat wi nɔ go du bad igen we go mek wi day, bɔt wi go sav Gɔd we gɛt layf sote go.

Ɛksodɔs 12:5

Di animal dɛn we una pik fɔ bi wan ia ol got ɔ ship ɛn i nɔ fɔ gɛt bɔt pan in bɔdi.

Lɛta Fɔ Ɛfisɔs 5:27

Krays du ɔl dat, so dat wɛn i go mek di chɔch tinap bifo am, di chɔch go klin, i nɔ go gɛt bɔt pan am.

Ditarɔnɔmi 17:1

Mozis tɛl di Izrɛlayt dɛn se dɛn nɔ fɔ sakrifays animal we gɛt bɔt, ɔ ɛni ɔda siknɛs, to PAPA GƆD we na dɛn PAPA GƆD, bikɔs na bad bad tin fɔ PAPA GƆD we na dɛn PAPA GƆD.

Di Ibru Pipul Dɛn 7:26

So Jizɔs na di edman we de mek sakrifays fɔ pipul sin ɛn i de gi wi ɔl wetin wi fɔ gɛt. I de du wetin rayt ɔltɛm; i nɔ gɛt sin nain layf; sin nɔ gɛt pawa pan am; ɛn i de nain ples we de na ɛvin.

Lɛta Fɔ Ɛfisɔs 2:18

Di tin we Krays dɔn du fɔ ɔlman mek wi ebul fɔ kam klos Gɔd we na wi Papa bay Gɔd in Spirit.

Jɛnɛsis 22:8

Ebraam ansa se, “Na PAPA GƆD insɛf go gi wi di yɔŋ ship.” So dɛn ɔl tu kɔntinyu fɔ waka go.

Jɔn 1:36

Wɛn Jɔn si Jizɔs de pas, i se, “Una luk di pɔsin we go padin pipul dɛn sin!”

2 Kɔrint 9:7

So ɔlman fɔ gi wetin i mekɔp fɔ gi, i nɔ fɔ sɔri ɛn i nɔ fɔ jɛs gi nɔmɔ bikɔs dɛn fos am fɔ gi; Gɔd lɛk pɔsin we gladi fɔ gi wetin i de gi.

Malakay 1:14

I se, di pɔsin we gɛt animal we natin nɔ du bɔt prɔmis se i go gi PAPA GƆD, go alaki if na di wan we ambɔg i gi, bikɔs PAPA GƆD na Kiŋ ɛn ɔlman na wɔl fɔ fred ɛn rɛspɛkt am.

Izikɛl 20:40

“Bikɔs na pan mi oli mawnten, pantap di ay mawnten na Izrɛl, na de di wanol Izrɛl, dɛn ɔl, go wɔship mi na di land; na de a go gri fɔ dɛm, ɛn aks fɔ una kɔntribyushɔn dɛm paopa, ɛn di bɛst wan dɛn pan una prɛzɛnt dɛn, ɛn ɔl una oli ɔfrin dɛm.

Di Sam Dɛm 110:3

Di de we yu go rɛdi fɔ fɛt yu ɛnimi ɔl yu man dɛn go gladi fɔ go frɔnt. Na so dɛn go de blɔf bikɔs dɛn ɔl go frɛsh lɛk udat jɛs grap ali mɔnin fɔ kam fɛt fɔ yu.

Di Sam Dɛm 40:8

a de ɛnjɔy fɔ du wetin yu want a de kip yu lɔ na mi at so a go obe am.”

Di Nɔmba Dɛm 29:13

Dɛn fɔ mek sakrifays na faya to PAPA GƆD we go pul fayn sɛnt fɔ mek i gladi. Dɛn fɔ bɔn tɔtin yɔŋ man kaw, tu man ship ɛn fotin yɔŋ man ship we fɔ ol wan ia, ɛn dɛn nɔ fɔ gɛt wan bɔt.

Lɛvitikɔs 3:1

If di ɔfrin we pɔsin de gi na fɔ di sakrifays fɔ gɛt wanwɔd wit PAPA GƆD, if i de ɔfa kaw ship ɔ got, di man yon ɔ di uman yon, i fɔ gi PAPA GƆD di wan we nɔ gɛt bɔt

Ɛksodɔs 24:5

I sɛn sɔm yɔŋ man dɛn fɔ bɔn animal as sakrifays ɛn kil kaw fɔ mek pis sakrifays to PAPA GƆD.

Jɛnɛsis 22:13

Wɛn Ebraam tɔn rawnd, i si wan yɔŋ manship fasin wit in ɔn dɛn na di bush. I go tek di ship ɛn bɔn am as sakrifays to PAPA GƆD.

Jɔn 10:9

Mi na di get. Ɛnibɔdi we pas tru mi fɔ go insay, go sev; di pɔsin go fri fɔ kam insay ɛn kɔmɔt na do fɔ go fɛn ɔl wetin i nid fɔ gɛt fɔ in layf.

Lyuk 1:35

Di enjɛl ansa am se, “Gɔd in Spirit go kam pan yu, Gɔd we pas ɔl in pawa go kɔba yu. Na dat mek pipul go kɔl di pikin we Gɔd go sɛn we yu go bɔn, Gɔd in Pikin.

Ayzaya 1:11

PAPA GƆD se, “Wetin ɔl dɛn bɔku bɔku sakrifays we una de mek min to mi? A dɔn gɛt tumɔs man ship ɔfrin we dɛn de bɔn na faya ɛn fat we kɔmɔt pan animal dɛn we dɛn fid gud gud wan; Man kaw blɔd o, ship pikin blɔd o, ɔ ivin man got blɔd, nɔ de mek a gladi.

Ɛksodɔs 32:6

Di pipul dɛn grap ali mɔnin di nɛks de ɛn bɔn animal as sakrifays ɛn ɔfa ɔda sakrifays fɔ pis; dɔn dɛn sidɔm naw fɔ it ɛn drink ɛn de mek lɔv.

Ɛksodɔs 29:42

“Ɔl di jɛnareshɔn dɛn fɔ de mek dis sakrifays to mi bifo di Tɛnt in domɔt; na de PAPA GƆD go mit una we i de tɔk to una.

Ɛksodɔs 29:18

Bɔn di wanol ship na di ɔlta to mi PAPA GƆD as sakrifays PAPA GƆD lɛk di sɛnt we i de bɔn.

Jɛnɛsis 22:2

Nain PAPA GƆD tɛl am se, “Tek yu pikin, yu wangren bɔypikin, Ayzak, we yu lɛk, lɛkɛ yu bɔlyay, kɛr am go na Mɔria, yu fɔ tek am mek sakrifays to mi. Bɔn am pantap wan pan dɛn mawnten we a go sho yu.”

Jɛnɛsis 8:20

Noa bil ɔlta fɔ PAPA GƆD. I tek tu-tri pan di ‘klin’ animal ɛn klin bɔd dɛn, ɛn bɔn dɛn wanol wan fɔ sakrifays pantap di ɔlta.

Zɛkaraya 13:7

PAPA GƆD Ɔlmayti se, di sɔd dɛn fɔ rɛdi fɔ fɛt in lida dɛn we fɔ de wok wit am. I se we dɛn ambɔg di lida dɛn, di pipul dɛn go rɔnawe go ɔlɔbɔt, dɔn na di lili wan dɛn i go ebul dil wit.

Di Nɔmba Dɛm 23:3

Dɔn Belam tɛl Belak lɛ i wet fɔ am usay dɛn mek di sakrifays. I se in go go na kɔna, sɔntɛm PAPA GƆD go go mit am de ɛn ɛnitin we i tɛl am, in go tɛl Belak. Na so in wan tek go ɔp wan il.

2 Kɔrint 8:12

If una gɛt tin we una want gi bad bad, Gɔd go gri fɔ wetin una gi bay wetin una gɛt, nɔto bay wetin una nɔ gɛt.

Jɔn 10:7

So Jizɔs tɔk to dɛn bak. I se, “A de tɛl una se: Mi na di get we di ship dɛn de pas.

Di Nɔmba Dɛm 23:19

PAPA GƆD nɔto mɔtalman we de lay, ɛn in nɔto mɔtalman we kwik fɔ chenj in maynd. PAPA GƆD nɔ de tɔk natin we i nɔ de du ɛn i nɔ de mek prɔmis we i nɔ de kip.

Lɛvitikɔs 17:9

ɛn nɔ kɛr am go na di tɛnt usay dɛn kin mit PAPA GƆD in domɔt, fɔ sakrifays am to PAPA GƆD, nɔ fɔ miks wit di ɔda Izrɛlayt dɛn igen

Lɛvitikɔs 4:23

if i kam no se na sin i bin sin, i fɔ gi wan man got we nɔ gɛt bɔt as in yon ɔfrin,

Ɛksodɔs 35:5

“Una fɔ gi sɔntin to PAPA GƆD. Udat gɛt fri an we want fɔ gi fɔ briŋ gold, silva ɛn bras,

Ɛksodɔs 29:4

Briŋ Erɔn ɛn in bɔypikin dɛn bifo di Tɛnt in domɔt ɛn tek wata was dɛn.

Lɛvitikɔs 17:4

pas i kɛr am go na di tɛnt usay dɛn kin mit PAPA GƆD in domɔt, ɛn gi PAPA GƆD de ɔ nɔ so dɛn go se di pɔsin dɔn kil ɛn i nɔ go miks wit di ɔda Izrɛlayt dɛn igen

Lɛvitikɔs 16:7

Da tɛm de naw i kin tek di tu got ɛn put dɛn bifo PAPA GƆD na di tɛnt usay dɛn kin mit am in domɔt;

Lɛvitikɔs 8:21

Wɛn dɛn dɔn was di gɔt ɛn lɛg dɛn, Mozis bɔn di wanol man ship na di ɔlta as bɔn ɔfrin; na ɔfrin we dɛn mek na faya, i go pul fayn sɛnt we go mek PAPA GƆD gladi lɛk aw i tɛl Mozis.

Lɛvitikɔs 8:18

Dɛn Mozis kɛr di man ship go bifo fɔ bɔn ɔfrin; ɛn Erɔn ɛn in bɔypikin dɛn le dɛn an dɛn pantap di man ship in ed.

Lɛvitikɔs 7:16

Bɔt if i bawn fɔ ɔ jɛs fil fɔ mek di ɔfrin, i fɔ it am di sem de ɛn i kin it di wan we lɛf, di nɛks de mɔnin,

Ɛksodɔs 38:1

As fɔ di ɔlta fɔ bɔn sakrifays, Bɛzalɛl yuz akeshia bod bil di ɔlta. I bin gɛt fo kɔna. In mɛzhɔmɛnt na sɛvin ɛn af fut lɔŋ, sɛvin ɛn af fut wayd ɛn fo ɛn af fut ay.

Ɛksodɔs 36:3

Mozis gi dɛn ɔl di bildin matirial ɛn ɔda tiŋs dɛn we di Izrɛlayt dɛn dɔn gi. Pan ɔl we di pipul dɛn bin dɔn gi tiŋs dɛn, dɛn bin stil kɔntinyu fɔ de gi mɔ ɛvri mɔnin.

Ɛksodɔs 35:29

Ɔl di Izrɛlayt dɛn, man o, uman o, dɛn ɔl briŋ sɔntin to PAPA GƆD fɔ di wok we i dɔn gi Mozis fɔ du.

Ɛksodɔs 35:21

Dɔn dɛn ɔl briŋ difrɛn difrɛn tiŋs dɛn fɔ bil di Tɛnt we PAPA GƆD go de. Ɔlman gi wetin in at tɛl am fɔ gi ɛn matirial fɔ mek di man dɛn we de mek sakrifays fɔ pipul sin dɛn gawn.

Di Nɔmba Dɛm 23:30

Belak du wetin Belam se ɛn sakrifays wan man kaw ɛn wan man ship pan dɛn ɔl.

Ditarɔnɔmi 12:27

ɛn we dɛn de mek dɛn sakrifays dɛn we dɛn fɔ bɔn na faya, dɛn fɔ bɔn di wanol animal na PAPA GƆD in ɔlta. I se dɛn fɔ de mek dɛn sakrifays dɛn we dɛn kin it di flɛsh, bɔt fɔ tɔn ɔl di blɔd na PAPA GƆD we na dɛn PAPA GƆD in ɔlta.

Di Nɔmba Dɛm 23:27

Dɛn Belak tɛl Belam se i go kɛr am go ɔda say. I se sɔntɛm PAPA GƆD go gladi fɔ mek Belam ib swɛ pan di pipul dɛn fɔ am na da say de.

Lɛvitikɔs 1:10

If di prɛzɛnt we i de gi na frɔm di got ɛn ship we i de mɛn, i fɔ bi man ɛn i nɔ fɔ gɛt bɔt;

Lɛvitikɔs 4:15

ɛn di big wan dɛn pan di pipul dɛn go le dɛn an dɛn pantap di man kaw in ed bifo PAPA GƆD, dɔn dɛn go kil di man kaw bifo PAPA GƆD de.

Lɛvitikɔs 6:8

PAPA GƆD tɛl Mozis se,

Lɛvitikɔs 17:8

I se Mozis fɔ tɛl dɛn bak se, ɛni Izrɛlayt ɔ fɔrina we tap wit dɛn, we mek bɔn ɔfrin ɔ bɔn sakrifays,

Di Nɔmba Dɛm 15:3

ɛn dɛn want fɔ bɔn sakrifays to PAPA GƆD frɔm di animal dɛn we dɛn gɛt fɔ mek i pul fayn sɛnt we go mek PAPA GƆD gladi, wɛda na bikɔs dɛn wan fulfil prɔmis ɔ na bikɔs dɛn fil fɔ du am ɔ na bikɔs dɛn gɛt sɔm kayn gladi-gladi,

Di Nɔmba Dɛm 15:8

If na wan yɔŋ man kaw dɛn de bɔn as sakrifays, wɛda na bikɔs dɛn swɛ se dɛn go du am ɔ dɛn de du am as pis sakrifays to PAPA GƆD,

Izikɛl 40:39

Tu tebul bin de na di tu say dɛn na di pɔch na di get we na pan dɛn dɛn fɔ kil di bɔn sakrifays, sin ɔfrin ɛn di ɔfrin we yu fɔ mek lɛ yu nɔ sɔfa.

Lɛvitikɔs 4:3

If na di man we de mek sakrifays fɔ pipul sin we dɛn anɔynt, sin, ɛn mek di pipul dɛn sɔfa fɔ dat, i fɔ ɔfa wan yɔŋ man kaw we nɔ gɛt bɔt, to PAPA GƆD as sin ɔfrin.

Lɛvitikɔs 4:32

If pɔsin we fɔ sɔfa fɔ in sin briŋ yɔŋ ship fɔ sin ɔfrin, i fɔ bi uman ɛn i nɔ fɔ gɛt bɔt,

Lɛvitikɔs 5:15

if pɔsin do in kɔmpin tin we mi i nɔ go biliv am igen bay mistek, i fɔ gi PAPA GƆD wan manship we nɔ gɛt bɔt as di ɔfrin we i fɔ mek ɛn in valyu fɔ tan lɛk di shɛkɛl silva in wet we dɛn de yus na di sankchwari; dat na gilt ɔfrin.

Lɛvitikɔs 5:18

I fɔ kɛr wan manship we nɔ gɛt bɔt we i tek kɔmɔt pan di wan dɛn we i de mɛn as di ɔfrin we i fɔ mek we in valyu fɔ bi wetin di lɔ se; dɔn di man we de mek sakrifays fɔ pipul sin go beg padin fɔ am fɔ di mistek we i mistek sin, ɛn PAPA GƆD go fɔgiv am.

Lɛvitikɔs 6:2

sɔpoz pɔsin sin bɔt nɔto bay wilful, bay we i ple rikishi pan in kɔmpin, we gi am sɔntin fɔ kip, dɔn i tif in kɔmpin we mek in kɔmpin vɛks;

Lɛvitikɔs 9:2

ɛn tɛl Erɔn se i fɔ mek sin ɔfrin wit wan yɔŋ man kaw we nɔ gɛt bɔt, ɛn bɔn ɔfrin wit wan man ship we insɛf nɔ fɔ gɛt bɔt to PAPA GƆD.

Lɛvitikɔs 14:10

Di de we mek et, i go tek tu yɔŋ manship we nɔ gɛt bɔt, wan yɔŋ uman ship we nɔ gɛt bɔt ɛn fayv pawn flawa we miks wit ɔyl, fɔ sid ɔfrin ɛn af paynt ɔliv ɔyl.

Lɛvitikɔs 23:12

Na da sem de de, dɛn fɔ gi wan yɔŋ man ship we nɔ gɛt bɔt as bɔn ɔfrin to PAPA GƆD.

Lɛvitikɔs 23:18

Ɛn fɔ gi bred wit sɛvin yɔŋ ship we ol wan ia, wan yɔŋ man kaw ɛn tu man ship ɛn dɛn nɔn nɔ fɔ gɛt bɔt,; dɛn fɔ bi bɔn ɔfrin to PAPA GƆD wit dɛn sid ɛn drink ɔfrin dɛn wit dɛn; na ɔfrin we dɛn go mek na faya ɛn i fɔ pul fayn sɛnt we go mek PAPA GƆD gladi.

Di Nɔmba Dɛm 19:2

“Dis na di lɔ we PAPA GƆD se: Una tɛl di Izrɛlayt dɛn fɔ briŋ wan rɛd yɔŋ uman kaw we nɔ gɛt nɔn bɔt ɛn we dɛn nɔ yuz wande fɔ du ɛni wok.

Di Nɔmba Dɛm 28:11

Di fɔs de na ɛvri mɔnt na fɔ mek sakrifays. Di sakrifays fɔ bi tu yɔŋ man kaw, wan man ship ɛn sɛvin yɔŋ man ship we ol wan ia. Dɛn ɔl nɔ fɔ gɛt wan bɔt.

Di Nɔmba Dɛm 28:19

Dɛn fɔ bɔn tu yɔŋ man kaw, wan man ship ɛn sɛvin yɔŋ man ship as sakrifays na faya to PAPA GƆD. Dɛn ɔl nɔ fɔ gɛt wan bɔt.

Di Nɔmba Dɛm 28:31

Dɛn fɔ mek dɛn ɔl wit dɛn drink sakrifays ɛn dɛn fɔ ad to di nɔmal sakrifays we dɛn kin bɔn ɛvride ɛn di sid sakrifays. Dɛn fɔ mek shɔ se nɔn pan di animal dɛn nɔ gɛt bɔt.

Di Nɔmba Dɛm 29:2

Fɔ pul fayn sɛnt we go mek PAPA GƆD in at gladi, dɛn fɔ bɔn wan yɔŋ man kaw, wan man ship ɛn sɛvin yɔŋ man ship we dɛn nɔn nɔ fɔ gɛt bɔt as sakrifays.

2 Kronikuls 29:32

Di ɔfrin fɔ bɔn we di pipul dɛn briŋ na sɛvinti man kaw, wan ɔndrɛd manship ɛn tu ɔndrɛd ship pikin ɔl dɛn wan ya na fɔ bɔn to PAPA GƆD.

2 Kronikuls 35:12

Ɛn dɛn put di bɔn ɔfrin wan say fɔ shelɔ am akɔdin to aw dɛn di pipul dɛn sheb bay papa os fɔ ɔfa am to PAPA GƆD, lɛk aw dɛn rayt am na Mozis in bak ɛn na so dɛn du wit di man kaw dɛm.