Lamɛnteshɔn 5:7 - Krio Fɔs Oli Baybul

⁷ Wi papa dɛn we kɔmit di sin dɔn day; na wi de gɛt di pɔnishmɛnt.

Lamɛnteshɔn 5:7 Referans Kwoze

Jɛrimaya 31:29

Dɛn tɛm dɛn de, dɛn nɔ go de se: ‘Di dadi dɛm dɔn it sawa greps, ɛn di pikin dɛn tit de kramp.’

Jɛrimaya 16:12

ɛn bikɔs una dɔn du wɔs pas una fɔstɛmpapa dɛm, bikɔs a si se una ɔl de fala inyon stɔbɔn ɛn ivul we, ɛn nɔ gri fɔ lisin to mi;

Izikɛl 18:2

wetin una min we una de tɔk tɔk dis parebul bɔt Izrɛl, se, ‘Di dadi dɛn dɔn it sawa greps, ɛn di pikin dɛn tit dɛn de kramp’?

Jɛrimaya 14:20

E PAPA GƆD, wi gri se wi dɔn du bad ɛn wi gri se wi fɔstɛmpapa dɛn bin kɔmit sin, bikɔs wi dɔn sin to yu.

Ɛksodɔs 20:5

Una nɔ fɔ butu to ɛni lay lay gɔd fɔ wɔship am bikɔs mi GƆD we na una PAPA GƆD, a nɔ want wan rayval. A kin mek pikin, grampikin, gret ɛn gret gret grampikin dɛn sɔfa fɔ dɛn papa dɛn sin fɔ we dɛn et mi;

Jɛrimaya 31:15

Na dis PAPA GƆD se: “Dɛn yɛri wan vɔys na Rama, bita bita kray. Rechɛl de kray fɔ in pikin dɛm; i nɔ gri fɔ tek ɔsh fɔ in pikin dɛm, bikɔs dɛn dɔn day.”

Jɛnɛsis 42:36

Dɛn papa tɛl dɛn se if dɛn want mek i lɔs ɔl in pikin dɛn. I se Josɛf nɔ de igen; Simiɔn nɔ de; ɛn naw dɛn want fɔ kɛr Bɛnjamin insɛf go. I tan lɛkɛ se tin jɛs de bad fɔ am.

Zɛkaraya 1:5

I aks am se usay dɛn fɔstɛm-papa dɛn de naw, ɛn di prɔfɛt dɛn, if dɛn liv sote go.

Job 7:21

Yu fɔ mek lɛk se a nɔ sin ɛn fɔgiv mi sin. A go day jisnɔ; yu go de fɛn mi, bɔt da tɛm de, a go de insay mi grev.

Job 7:8

Yu de si mi naw, bɔt yu nɔ go gɛt fɔ si mi igen; yu go de luk mi so, a go dɔn day.

Jɛnɛsis 42:13

Dɛn se, dɛn na bin twɛlv brɔda dɛn, dɛn papa de na Kenan wit dɛn las brɔda ɛn dɛn ɔda brɔda dɛn nɔ no if i de ɔ i nɔ de.

Di Nɔmba Dɛm 14:18

yu PAPA GƆD nɔ de vɛks kwik, yu gɛt beberebe lɔv ɛn yu rɛdi fɔ fɔgiv sin ɛn ɔda kayn rebɛl wok. Yu se yu PAPA GƆD nɔ de lɛf di pɔsin we du bad fɔ go skɔchfri, yu de pɔnish pikin dɛnsɛf fɔ dɛn papa dɛn sin te rich di gret gret grampikin dɛn.

Jɛrimaya 16:11

PAPA GƆD se, dɔn yu go tɛl dɛm se, ‘Na bikɔs una fɔstɛmpapa dɛm dɔn fɔsek mi, ɛn dɔn go de biɛn ɔda gɔd dɛm, ɛn de sav dɛm ɛn wɔship dɛm, ɛn fɔsek mi ɛn nɔ de kip mi lɔ,

Izikɛl 16:58

PAPA GƆD se, yu de bia di pe fɔ una lus layf ɛn ɔl di bad bad tin dɛn we una bin du we a nɔ lɛk.