Lamɛnteshɔn 5:5 - Krio Fɔs Oli Baybul

⁵ Di ebi ebi wok we wi de wok de mɔna wi; wi dɔn taya, chans nɔ de fɔ blo.

Lamɛnteshɔn 5:5 Referans Kwoze

Lamɛnteshɔn 1:14

Dɛn tay ɔl di bad tin dɛn we a dɔn du, wan say lɛk ebi lod; na PAPA GƆD sɛf tay dɛn ɔl togɛda; i put dɛn ɔl na mi nɛk; I mek a wik dɔn i sɛl mi to pipul dɛn we a nɔ go ebul fɛt.

Jɛrimaya 28:14

Bikɔs na dis PAPA GƆD Ɔlmayti we na Izrɛl dɛn Gɔd se: A dɔn put ayɛn yok fɔ ad lebɔ na ɔl dɛn neshɔn ya dɛn nɛk fɔ wok fɔ Nɛbyukadnɛza we na kiŋ na Babilɔn, ɛn dɛn go sav am, bikɔs a dɔn ivin gi am dɛn animal na bush.’”

Jɛrimaya 27:8

“ ‘ “Bɔt if ɛni neshɔn ɔ kindɔm nɔ gri sav dis Nɛbyukadnɛza we na kiŋ na Babilɔn, ɛn nɔ rɛdi fɔ du ɛnitin, ɛnitɛm, fɔ di kiŋ na Babilɔn, a go pɔnish da neshɔn de wit wa, wit bad bad aŋri ɛn wit siknɛs, te a dɔn mek Nɛbyukadnɛza nyakanyaka am kpatakpata. Na so PAPA GƆD se.

Ditarɔnɔmi 28:48

dɛn go wok fɔ dɛn ɛnimi dɛn, we PAPA GƆD go mek fɛt dɛn, ɛn dɛn go so trit dɛn bad, dat dɛn nɔ go gɛt bɛtɛ it fɔ it, dɛn nɔ go gɛt tin fɔ drink ɛn klos fɔ wɛr.

Apɔsul Dɛn Wok 15:10

So wetin mek wi want du di tin we go mek Gɔd vɛks? Wetin mek wi de kam put lod pan dɛn pipul we dɔn biliv pan di Masta, da lod we wi grampapa papa dɛn nɔ bin ebul tot, da lod we wisɛf nɔ ebul tot?

Matyu 11:29

Una opin una at fɔ di tru tin dɛn we a de lan una, ɛn una lan ɔl wetin a de tɛl una, bikɔs a de bia wit una ɛn a nɔ de tɔk pan una; if una du dat, una go blo.

Lamɛnteshɔn 4:19

Di wan dɛn we bin wan kil wi bin fast pas aw yuba de flay na di skay; dɛn rɔnata wi na dɛn il dɛn, dɛn ambush wi na di dray ɛn ɛmti ples we pɔsin nɔ go ebul tap.

Jɛrimaya 27:2

Na dis PAPA GƆD bin tɛl mi: “Mek lɛda strap ɛn bod yok put na yu nɛk.

Jɛrimaya 51:58

“Na dis PAPA GƆD Ɔlmayti se: Di brɔd wɔl na Babilɔn, go fɔdɔm flat na grɔn ɛn dɛn go bɔn in ay get dɛm wit faya. Di pipul dɛm de lebɔ fɔ natin, ɛn di neshɔn dɛm taya dɛnsɛf nɔmɔ fɔ faya.

Mayka 2:3

PAPA GƆD se fɔseka dis, i go pɔnish dɛn kayn man dɛn de dɛn famili; i go gi dɛn lod we dɛn nɔ go ebul tot dɔn nɔbɔdi nɔ go ɛp dɛn. Da tɛm de dɛn go lɛf fɔ kak bikɔs tin go bad fɔ dɛn.

Lamɛnteshɔn 1:3

Juda dɔn go ɛgzayl bikɔs dɛn trit am bad ɛn gi am traŋa traŋa wok; naw i tap wit fɔrin pipul dɛn, bɔt nɔ gɛt blo blo; ɛnimi dɛn de ɔlsay ɔl we i de sɔfa so.