Lamɛnteshɔn 5:21 - Krio Fɔs Oli Baybul

²¹ Briŋ wi kam bak to yu PAPA GƆD, so dat wi go de bak to yu! Mek wi de lɛk aw wi bin de fɔstɛm.

Lamɛnteshɔn 5:21 Referans Kwoze

Di Sam Dɛm 80:3

PAPA GƆD, mek wi bi wetin wi bin bi fɔs av masi pan wi ɛn sev wi.

Di Sam Dɛm 80:7

PAPA GƆD Ɔlmayti, mek wi bi wetin wi bin bi fɔs, Av masi pan wi ɛn sev wi.

Di Sam Dɛm 85:4

PAPA GƆD, yu we dɔn de sev wi, kol yu at ɛn lɛ wi bi wetin wi bin bi fɔs.

Jɛrimaya 31:18

A dɔn yɛri Ifrem in kɔmplen, we i de se, ‘Yu dɔn disiplin mi, ɛn yu disiplin mi lɛk kaw pikin we nɔ gɛt trenin; briŋ mi kam bak so dat a go de lɛk aw a bin de, bikɔs na yu na PAPA GƆD we na mi Gɔd.

Di Sam Dɛm 80:19

PAPA GƆD, PAPA GƆD Ɔlmayti, mek wi bi wetin wi bin bi fɔs, Av masi pan wi ɛn sev wi.

Abakɔk 3:2

“PAPA GƆD, a dɔn yɛri bɔt wetin yu dɔn du, ɛn i ful mi mɔt ɛn mek a fred. Naw, we wi de so, du wetin yu bin dɔn du lɔntɛm; naw, we wi de so, lɛ ɔlman no bɔt wetin yu kin du. We yu vɛks sɛf, sɔri fɔ wi.

Izikɛl 36:37

“Na dis PAPA GƆD se: na dis sɛf a go mek di Izrɛl pipul aks mi fɔ du fɔ dɛm: fɔ mek a ad mɔ ɛn mɔ to dɛn mɔtalman dɛn lɛk bɔku bɔku ship.

Jɛrimaya 33:13

PAPA GƆD se, Na di il kɔntri, na di siti dɛm na di Shɛfɛla, di siti dɛm na Nɛgɛb, di Land ɔf Bɛnjamin, di ples dɛn we de rawnd Jerusɛlɛm, ɛn di siti dɛm na Juda, ship dɛn go pas ɔnda di wan we de kɔnt dɛn in an.

Jɛrimaya 33:10

Na dis PAPA GƆD se: Na dis ples we yu tɔk bɔt se, ‘Na ɛmti ɛn yuslɛs ples we mɔtalman ɔ animal nɔ de de,’ dat na di siti dɛn na Juda ɛn di trit dɛn na Jerusɛlɛm we ɛmti ɛn yuslɛs we mɔtalman ɔ animal nɔ de de, dɛn go yɛri

Jɛrimaya 31:4

A go ɛstablish una bak, ɛn yu go establish, Yu Izrɛl we na vajin! Una go mek una tamborin dɛn bak, ɛn una go de dans wit dɛn wan we de mek gladi gladi.

1 Kiŋ 18:37

Ansa mi PAPA GƆD, ansa mi, fɔ lɛ dɛn go no se fɔ tru, tru yu PAPA GƆD na PAPA GƆD, ɛn yu dɔn rɛdi fɔ tɔn dɛn at bak to yu.”

Malakay 3:4

Da tɛm de PAPA GƆD go gladi fɔ wetin dɛn de gi am lɛk fɔs.

Ayzaya 60:20

Yu san nɔ go go dɔŋ igen, ɛn yu mun sɛf naɔ go ayd insɛf; bikɔs na PAPA GƆD go bi yu layt we go las sote go, ɛn yu tɛm fɔ fil sɔri, go tap.

Jɛrimaya 30:20

Dɛn pikin dɛm go de lɛkɛ aw dɛm bin de lɔntɛm, ɛn dɛn go gɛda bifo mi; ɛn a go pɔnish ɔl dɛn wan dɛm we sɔprɛs dɛm.