Lamɛnteshɔn 5:2 - Krio Fɔs Oli Baybul

² Dɛn dɔn gi ɔl wetin wi gɛt to trenja dɛn, na fɔrina dɛn gɛt wi os dɛn.

Lamɛnteshɔn 5:2 Referans Kwoze

Zɛfinaya 1:13

Dɛn go wutuwutu dɛn jɛntri go ɛn ivin dɛn os dɛn nɔ go bɛtɛ igen fɔ mek dɛn tap de. We dɛn bil nyu os, dɛn nɔ go ɛva tap de. Pan ɔl we dɛn go plant vayn gadin, dɛn nɔ go ebul pul wayn kɔmɔt de.

Ayzaya 1:7

Una kɔntri lɛf ɛmti wan, faya dɔn bɔn di siti dɛm; bifo una yon yay, fɔrina dɛn pwɛl una land; i ɛmti lɛk aw di fɔrina dɛn bin lɛf am.

Izikɛl 7:24

a go briŋ di neshɔn dɛn we bad pas ɔl fɔ tek ɔl dɛn os dɛm; a go tap ɔl dɛn pawa we mek dɛn de mek prawd, ɛn dɛn oli ples dɛm nɔ go gɛt nɔn rɛspɛkt.

Izikɛl 7:21

A go mek fɔrina dɛn rɔnata am fɔ kil am, ɛn a go mek di wikɛd pipul dɛn na di wɔl kapchɔ am; ɛn dɛn go pwɛl ɛn nɔ gɛt nɔn rɛspɛkt fɔ am.

Jɛrimaya 6:12

Dɛn go gi ɔda pipul dɛn, dɛn os dɛm, wit dɛn fam ɛn dɛn wɛf dɛm sɛf; bikɔs a go pɔnish di pipul dɛn na di land,” na so PAPA GƆD se.”

Ayzaya 63:18

Yu oli ples bin blant yu oli pipul dɛn lili wayl; wi ɛnimi dɛn dɔn mas mas am brok kan dɔŋ.

Ayzaya 5:17

Da tɛm de, dɛn ship pikin go it usay fayn gras de gro, di animal dɛn we dɛn de mɛn fɔ mek dɛn fat ɛn dɛn got pikin go it na broko broko ples.

Di Sam Dɛm 109:11

Mek dɛn nɔ pe am we dɛn o am, bifo dat, lɛ dɛn siz ɔl wetin i gɛt sɛf;

Jɛrimaya 17:4

Una go pul an pan di land we a bin gi una, ɛn a go mek una sav una ɛnimi dɛm na land we una nɔ no, bikɔs we a vɛks, faya kin layt we go kech sote go.

Ozie 8:7

We dɛn du smɔl bad, na big wande mit dɛn. Rɛs ed we tinap nɔ gɛt ed, so i nɔ go pul natin fɔ it; if i bin gɛt sɛf, na fɔrina dɛn go it am.

Ozie 8:8

I se ɔltin dɔn dɔn fɔ Izrɛl, naw dɛn jɛs fiba nɔnɛntiti to di ɔda neshɔn dɛn.