Lamɛnteshɔn 5:16 - Krio Fɔs Oli Baybul

¹⁶ Ɔl wi blɔf dɔn dɔn; wi dɔn gɛt wahala bikɔs wi dɔn kɔmit sin.

Lamɛnteshɔn 5:16 Referans Kwoze

Di Sam Dɛm 89:39

Yu dɔn brok di Kɔvinant naw; yu ivin dɔn tek in krawn ɛn ib am na grɔn.

Jɛrimaya 13:18

Tɛl di kiŋ ɛn di kwin mami se; “Una de wit di ɔdinari pipul dɛm, bikɔs una fayn fayn krawn dɔn kɔmɔt na una ed.”

Job 19:9

I dɔn mek a dɔn lɔs ɔl di jɛntri we a bin gɛt; ɔl mi rɛspɛkt dɔn dɔn.

Lamɛnteshɔn 1:1

Eya, luk we Jerusɛlɛm ɛmti; ples we plɛnti pipul bin de. I dɔn tɔn lɛk uman we in man dɔn day; Ples we di wanol wɔl bin rɛspɛkt! Di siti we dɛn bin es ɔp pas ɔl, dɔn tɔn slev.

Rɛvɛleshɔn 3:11

A go kam bak, i nɔ go te igen. Una nɔ lɛf fɔ biliv wit ɔl una at dɛn tin we una dɔn lan, so dat nɔbɔdi nɔ go jɔg una blɛsin we una go gɛt bikɔs una dɔn tinap traŋa.

Izikɛl 21:26

na so Papa Gɔd we na Gɔd se: pul di tɔban, ɛn pul di krawn; tin dɛn nɔ go stil bi di sem lɛk aw dɛn de so; es ɔp ay wetin de dɔŋ, ɛn briŋ dɔŋ wetin de ay ɔp.

Lamɛnteshɔn 4:13

Dis na fɔseka di sin we in prɔfɛt dɛn kɔmit ɛn di bad bad tin dɛn we di man dɛn we de mek sakrifays fɔ pipul sin, we kil pipul dɛn we de waka tret wit PAPA GƆD, insay Jerusɛlɛm.

Lamɛnteshɔn 2:1

We PAPA GƆD dɔn trɛtin di wanol Zayɔn we i vɛks! I dɔn nyakanyaka ɔl wetin Izrɛl de tek blɔf; di tɛm we i vɛks, i nɔ luk sɛf se na Jerusɛlɛm in tɛmpul de.

Lamɛnteshɔn 1:18

“PAPA GƆD rayt fɔ wetin i du, bikɔs a dɔn tɔn mi bak pan in wɔd; bɔt pipul dɛn na di wanol wɔl, una ɔl lisin, ɛn si di sɔfa we a de sɔfa; mi yɔŋuman ɛn yɔŋman dɛn ɔl de na ɔda land lɛk slev.

Lamɛnteshɔn 1:8

Jerusɛlɛm bin dɔn kɔmit sin bad bad wan, we mek i bin dɔn dɔti na PAPA GƆD in yay; ɔl di wan dɛn we bin rɛspɛkt am bigin luk am lɛk natin, bikɔs dɛn dɔn si aw i tan; in sɛf sɛf de kray nain at, ɛn de ayd in fes.

Jɛrimaya 4:18

Na di we we una de biev ɛn di tin dɛn we una de du, dɔn mek tin lɛk dis mit una. Na una yon dɔn dɔn so, ɛn i bita; una dɔn fil am na una at.

Jɛrimaya 2:19

PAPA GƆD Ɔlmayti se, una wikɛdnɛs go pɔnish una, ɛn di fɔsek we una fɔsek mi go jɔj una. Una no ɛn si se na bad bad ɛn bita tin fɔ una fɔ fɔsek PAPA GƆD we na una Gɔd; una nɔ rɛspɛkt mi wan.

Jɛrimaya 2:17

Nɔto unasɛf dɔn mek dis apin to una, we una fɔsek PAPA GƆD, we na una Gɔd, we i de bifo una na rod?

Prɔvabs 14:34

Bɛtɛ de fala ɛni kɔntri we de du wetin rayt, bɔt di wan we de pan shemful tin na disgres to in pipul.

Rɛvɛleshɔn 2:10

Una nɔ fred ɛnitin we una de kam sɔfa. Una lisin! Setan go tray una fɔ si if una biliv Gɔd fɔ tru, i go put una na jel. Na tɛn de nɔmɔ una go sɔfa da sɔfa de. Una nɔ lɛf fɔ biliv pan mi, if dat min sɛf se una go day fɔ mi sek, a go gi una layf we go de sote go, ɛn una go gɛt ɔna sote go na ɛvin.

Prɔvabs 27:24

bikɔs mɔni nɔ de de sote go, ɛn udat de rul sɛf nɔ de rul sote go.

1 Samiɛl 7:6

We dɛn ɔl dɔn gɛda na Mizpa, dɛn gɛt wata, trowe am na grɔn as sakrifays to PAPA GƆD. Dɛn fast fɔ da de de ɛn we dɛn de na Mizpa nain dɛn kɔnfɛs se dɛn dɔn sin to PAPA GƆD, ɛn na de dɛn mek Samiɛl lɛk chif na Izrɛl.

Ayzaya 3:8

Jerusɛlɛm dɔn bɔk in fut, ɛn Juda dɔn fɔdɔm; bikɔs di tin we dɛn de tɔk, ɛn di tin we dɛn de du, de agens PAPA GƆD, dɛn nɔ de rɛspɛkt di pawa pan in glori.

Jɛrimaya 32:23

ɛn dɛn bin go insay de ɛn tek am fɔ dɛnsɛf. Bɔt dɛn nɔ bin obe yu vɔys ɔ du wetin yu lɔ se; dɛn nɔ du natin pan ɔl wetin yu kɔmand dɛm fɔ du. Na fɔseka dat yu mek ɔl dɛn bad bad tin ya mit dɛm.

Lamɛnteshɔn 1:20

“Luk mi PAPA GƆD, a de sɔfa bad bad wan, mi bɛlɛ de bwɛl, mi at nɔ rɛst bikɔs a dɔn tɔn mi bak pan PAPA GƆD. Na trit, dɛn de kil pipul wit sɔd; na os, aŋri de kil pipul.

Mayka 6:13

So misɛf dɔn bigin mek dɛn sɔfa fɔ dɛn sin. Na sik go kil dɛn.